Admonitio morienti
Choose a text
id="mobileReaderAuthor" class="mobile-reader-author" href="/authors/anselmus-cantuariensis1033-1109" aria-label="More works by Anselmus Cantuariensis">
—
⋯
Original / primary: 10603 Admmor
1.1
Admonitio morienti
1.1
194 Interrogatio. Laetaris frater, quod in fide Christiana moreris?
1.2
Responsio. Gaudeo.
1.3
Interrog. Gaudes quod moreris in habitu monachico?
1.4
Responsio. Gaudeo.
1.5
Interrog. Fateris te tam male vixisse, ut meritis tuis poena aeterna debeatur?
1.6
Responsio. Fateor.
1.7
Interrog. Poenitet te hoc?
1.8
Responsio. Poenitet.
1.9
Interrog. Habes voluntatem emendandi, si spatium haberes.
1.10
Responsio. Etiam.
1.11
Interrog. Credis quod Dominus Jesus Christus pro te mortuus est?
1.12
Responsio. Credo.
1.13
Interrog. Agis ei gratias?
1.14
Responsio. Ago
1.15
Interrog. Credis te non posse nisi per mortem ipsius salvari?
1.16
Responsio. Credo.
1.17
Inter. Age ergo dum superest in te anima; in hac sola morte totam fiduciam tuam constitue; in nulla alia re fiduciam habeas; huic morti te totum committe; hac sola te totum contege; hac morte te totum involve; et si Dominus Deus voluerit te judicare, dic: Domine, mortem Domini nostri Jesu Christi objicio inter me et judicium tuum; aliter non contendo tecum. Et si tibi dixerit quia peccator es, dic: Domine, mortem Domini N. J. C. obtendo inter te et peccata mea. Si dixerit tibi quia meruisti damnationem, dic: Domine, mortem Domini nostri Jesu Christi pono inter te, et mala merita mea; ipsiusque meritum offero pro merito quod habere debuissem, nec habeo. Si dixerit quod tibi iratus est, dic: Domine, mortem Domini N. J. C. oppono inter me et iram tuam. Quo expleto, iterum dicito: Domine, mortem Domini nostri Jesu Christi pono inter te et me, et iram tuam. Hoc facto, dicat infirmus ter haec verba: In manus tuas, Domine, commendo spiritum meum. Redemisti me, Domine, Deus veritatis. Iterum versus: Dirupisti, Domine, vincula mea; tibi sacrificabo hostiam laudis, et nomen Domini invocabo. Versus: Educ de custodia animam, ad confitendum nomini tuo; me exspectant justi, donec retribuas mihi. Postea dicat: Maria, mater gratiae, mater misericordiae, tu nos ab hoste protege, et hora mortis suscipe: per tuum ergo, Virgo, Filium, per Patrem, et Spiritum sanctum, praesens adsis ad obitum meum, quia imminet exitus. Amen.
1.18
Post haec dicta et responsa ab infirmo, sacerdos dicat pro infirmo istos psalmos. Psal. Deus, in nomine tuo salvum me fac. Psal. Credidi. Psal. Deus in adjutorium. Psal. Voce mea. Psal. In te, Domine, speravi.
1.19
Si fuerit saecularis, infra scripto modo debet interrogari per sacerdotem.
1.20
Prima interrogatio. Credis tu ea quae sunt Christianae fidei, quantum ad ea quae sunt determinata ab Ecclesia? Resp. Credo.
1.21
Interrog. Gaudes quia in fide Christiana moreris?
1.22
Resp. Gaudeo.
1.23
Interrog. Recognoscis te Deum graviter offendisse?
1.24
Resp. Recognosco.
1.25
Interrog. Doles te quod offendisti Creatorem tuum?
1.26
Resp. Doleo.
1.27
Interrog. Proponis quod, si Deus tibi vitam prolongaverit, ab ejus offensa cavebis?
1.28
Responsio. Propono.
1.29
Interrog. Speras, et credis tu quod pervenias ad salutem aeternam non tuis meritis, sed meritis passionis Jesu Christi.
1.30
Responsio. Spero.
1.31
Tunc sequitur assecuratio, et dicat sibi. Si tibi se objiciat aliquis, et contra te proponat, opponas inter te et ipsum, merita passionis Christi. In fine fac eum dicere istos versus: In manus tuas, Domine, commendo, etc. ut supra.
1.32
Nota bene: Tu qui vis intrare ad vitam aeternam, cogita verba subscripta omni die in vita tua, et sic nunquam offendes Deum. Primo, brevitas vitae. Secundo, lubricitas. Tertio, mors incerta. Quarto, praemia justorum. Quinto, supplicia impiorum.