Clouds
Choose a text
id="mobileReaderAuthor" class="mobile-reader-author" href="/authors/aristophanes" aria-label="More works by Aristophanes">
—
⋯
Original / primary: Perseus Grc2
1
1
Στρεψιάδης
1
ἰοὺ ἰού·
2
ὦ Ζεῦ βασιλεῦ τὸ χρῆμα τῶν νυκτῶν ὅσον·
3
ἀπέραντον. οὐδέποθʼ ἡμέρα γενήσεται;
4
καὶ μὴν πάλαι γʼ ἀλεκτρυόνος ἤκουσʼ ἐγώ·
5
οἱ δʼ οἰκέται ῥέγκουσιν· ἀλλʼ οὐκ ἂν πρὸ τοῦ.
6
ἀπόλοιο δῆτʼ ὦ πόλεμε πολλῶν οὕνεκα,
7
ὅτʼ οὐδὲ κολάσʼ ἔξεστί μοι τοὺς οἰκέτας.
8
ἀλλʼ οὐδʼ ὁ χρηστὸς οὑτοσὶ νεανίας
9
ἐγείρεται τῆς νυκτός, ἀλλὰ πέρδεται
10
ἐν πέντε σισύραις ἐγκεκορδυλημένος.
11
ἀλλʼ εἰ δοκεῖ ῥέγκωμεν ἐγκεκαλυμμένοι.
12
ἀλλʼ οὐ δύναμαι δείλαιος εὕδειν δακνόμενος
13
ὑπὸ τῆς δαπάνης καὶ τῆς φάτνης καὶ τῶν χρεῶν
14
διὰ τουτονὶ τὸν υἱόν. ὁ δὲ κόμην ἔχων
15
ἱππάζεταί τε καὶ ξυνωρικεύεται
16
ὀνειροπολεῖ θʼ ἵππους· ἐγὼ δʼ ἀπόλλυμαι
17
ὁρῶν ἄγουσαν τὴν σελήνην εἰκάδας·
18
οἱ γὰρ τόκοι χωροῦσιν. ἅπτε παῖ λύχνον,
19
κἄκφερε τὸ γραμματεῖον, ἵνʼ ἀναγνῶ λαβὼν
20
ὁπόσοις ὀφείλω καὶ λογίσωμαι τοὺς τόκους.
21
φέρʼ ἴδω τί ὀφείλω; δώδεκα μνᾶς Πασίᾳ.
22
τοῦ δώδεκα μνᾶς Πασίᾳ; τί ἐχρησάμην;
23
ὅτʼ ἐπριάμην τὸν κοππατίαν. οἴμοι τάλας,
24
εἴθʼ ἐξεκόπην πρότερον τὸν ὀφθαλμὸν λίθῳ.
25
25
Φειδιππίδης
25
Φίλων ἀδικεῖς· ἔλαυνε τὸν σαυτοῦ δρόμον.
26
26
Στρεψιάδης
26
τοῦτʼ ἔστι τουτὶ τὸ κακὸν ὅ μʼ ἀπολώλεκεν·
27
ὀνειροπολεῖ γὰρ καὶ καθεύδων ἱππικήν.
28
28
Φειδιππίδης
28
πόσους δρόμους ἐλᾷ τὰ πολεμιστήρια;
29
29
Στρεψιάδης
29
ἐμὲ μὲν σὺ πολλοὺς τὸν πατέρʼ ἐλαύνεις δρόμους.
30
ἀτὰρ τί χρέος ἔβα με μετὰ τὸν Πασίαν;
31
τρεῖς μναῖ διφρίσκου καὶ τροχοῖν Ἀμυνίᾳ.
32
32
Φειδιππίδης
32
ἄπαγε τὸν ἵππον ἐξαλίσας οἴκαδε.
33
33
Στρεψιάδης
33
ἀλλʼ ὦ μέλʼ ἐξήλικας ἐμέ γʼ ἐκ τῶν ἐμῶν,
34
ὅτε καὶ δίκας ὤφληκα χἄτεροι τόκου
35
ἐνεχυράσεσθαί φασιν.
36
τί δυσκολαίνεις καὶ στρέφει τὴν νύχθʼ ὅλην;
37
37
Στρεψιάδης
37
δάκνει μὲ δήμαρχός τις ἐκ τῶν στρωμάτων.
38
38
Φειδιππίδης
38
ἔασον ὦ δαιμόνιε καταδαρθεῖν τί με.
39
39
Στρεψιάδης
39
σὺ δʼ οὖν κάθευδε· τὰ δὲ χρέα ταῦτʼ ἴσθʼ ὅτι
40
ἐς τὴν κεφαλὴν ἅπαντα τὴν σὴν τρέψεται.
41
φεῦ.
42
ἥτις με γῆμʼ ἐπῆρε τὴν σὴν μητέρα·
43
ἐμοὶ γὰρ ἦν ἄγροικος ἥδιστος βίος
44
εὐρωτιῶν, ἀκόρητος, εἰκῇ κείμενος,
45
βρύων μελίτταις καὶ προβάτοις καὶ στεμφύλοις.
46
ἔπειτʼ ἔγημα Μεγακλέους τοῦ Μεγακλέους
47
ἀδελφιδῆν ἄγροικος ὢν ἐξ ἄστεως,
48
σεμνὴν τρυφῶσαν ἐγκεκοισυρωμένην.
49
ταύτην ὅτʼ ἐγάμουν, συγκατεκλινόμην ἐγὼ
50
ὄζων τρυγὸς τρασιᾶς ἐρίων περιουσίας,
51
ἡ δʼ αὖ μύρου κρόκου καταγλωττισμάτων,
52
δαπάνης λαφυγμοῦ Κωλιάδος Γενετυλλίδος.
53
οὐ μὴν ἐρῶ γʼ ὡς ἀργὸς ἦν, ἀλλʼ ἐσπάθα.
54
ἐγὼ δʼ ἂν αὐτῇ θοἰμάτιον δεικνὺς τοδὶ
55
πρόφασιν ἔφασκον, ὦ γύναι λίαν σπαθᾷς.
56
56
Θεράπων
56
ἔλαιον ἡμῖν οὐκ ἔνεστʼ ἐν τῷ λύχνῳ.
57
57
Στρεψιάδης
57
οἴμοι· τί γάρ μοι τὸν πότην ἧπτες λύχνον;
58
δεῦρʼ ἔλθʼ ἵνα κλάῃς.
59
59
Στρεψιάδης
59
ὅτι τῶν παχειῶν ἐνετίθεις θρυαλλίδων.
60
μετὰ ταῦθʼ, ὅπως νῷν ἐγένεθʼ υἱὸς οὑτοσί,
61
ἐμοί τε δὴ καὶ τῇ γυναικὶ τἀγαθῇ,
62
περὶ τοὐνόματος δὴ ʼντεῦθεν ἐλοιδορούμεθα·
63
ἡ μὲν γὰρ ἵππον προσετίθει πρὸς τοὔνομα,
64
Ξάνθιππον ἤ Χαριππον ἢ Καλλιππίδην,
65
ἐγὼ δὲ τοῦ πάππου ʼτιθέμην Φειδωνίδην.
66
τέως μὲν οὖν ἐκρινόμεθʼ· εἶτα τῷ χρόνῳ
67
κοινῇ ξυνέβημεν κἀθέμεθα Φειδιππίδην.
68
τοῦτον τὸν υἱὸν λαμβάνουσʼ ἐκορίζετο,
69
ὅταν σὺ μέγας ὢν ἅρμʼ ἐλαύνῃς πρὸς πόλιν,
70
ὥσπερ Μεγακλέης, ξυστίδʼ ἔχων. ἐγὼ δʼ ἔφην,
71
ὅταν μὲν οὖν τὰς αἶγας ἐκ τοῦ φελλέως,
72
ὥσπερ ὁ πατήρ σου, διφθέραν ἐνημμένος.
73
ἀλλʼ οὐκ ἐπίθετο τοῖς ἐμοῖς οὐδὲν λόγοις,
74
ἀλλʼ ἵππερόν μου κατέχεεν τῶν χρημάτων.
75
νῦν οὖν ὅλην τὴν νύκτα φροντίζων ὁδοῦ
76
μίαν ηὗρον ἀτραπὸν δαιμονίως ὑπερφυᾶ,
77
ἣν ἢν ἀναπείσω τουτονί, σωθήσομαι.
78
ἀλλʼ ἐξεγεῖραι πρῶτον αὐτὸν βούλομαι.
79
πῶς δῆτʼ ἂν ἥδιστʼ αὐτὸν ἐπεγείραιμι; πῶς;
80
Φειδιππίδη Φειδιππίδιον.
81
81
Στρεψιάδης
81
κύσον με καὶ τὴν χεῖρα δὸς τὴν δεξιάν.
82
82
Φειδιππίδης
82
ἰδού. τί ἔστιν;
83
83
Φειδιππίδης
83
νὴ τὸν Ποσειδῶ τουτονὶ τὸν ἵππιον.
84
84
Στρεψιάδης
84
μὴ ʼμοί γε τοῦτον μηδαμῶς τὸν ἵππιον·
85
οὗτος γὰρ ὁ θεὸς αἴτιός μοι τῶν κακῶν.
86
ἀλλʼ εἴπερ ἐκ τῆς καρδίας μʼ ὄντως φιλεῖς,
87
ὦ παῖ πιθοῦ.
88
88
Στρεψιάδης
88
ἔκστρεψον ὡς τάχιστα τοὺς σαυτοῦ τρόπους,
89
καὶ μάνθανʼ ἐλθὼν ἃν ἐγὼ παραινέσω.
90
90
Φειδιππίδης
90
λέγε δή, τί κελεύεις;
91
νὴ τὸν Διόνυσον.
92
ὁρᾷς τὸ θύριον τοῦτο καὶ τᾠκίδιον;
93
93
Φειδιππίδης
93
ὁρῶ. τί οὖν τοῦτʼ ἐστὶν ἐτεὸν ὦ πάτερ;
94
94
Στρεψιάδης
94
ψυχῶν σοφῶν τοῦτʼ ἐστὶ φροντιστήριον.
95
ἐνταῦθʼ ἐνοικοῦσʼ ἄνδρες, οἳ τὸν οὐρανὸν
96
λέγοντες ἀναπείθουσιν ὡς ἔστιν πνιγεύς,
97
κἄστιν περὶ ἡμᾶς οὗτος, ἡμεῖς δʼ ἄνθρακες.
98
οὗτοι διδάσκουσʼ, ἀργύριον ἤν τις διδῷ,
99
λέγοντα νικᾶν καὶ δίκαια κἄδικα.
100
100
Φειδιππίδης
100
εἰσὶν δὲ τίνες;