De arte metrica
Choose a text
id="mobileReaderAuthor" class="mobile-reader-author" href="/authors/beda672-735" aria-label="More works by Beda">
—
⋯
Original / primary: 8440 Dearme
23.1
23. De metro trochaico.
23.1
Metrum trochaicum tetrametrum, quod a poetis Graecis et Latinis frequentissime ponitur, recipit locis omnibus trocheum, spondeum omnibus praeter tertium. Currit autem alternis versiculis, ita ut prior habeat pedes quatuor, posterior pedes tres et syllabam. Hujus exemplum totus hymnus ille pulcherrimus: Hymnum dicat turba fratrum, Hymnum cantus personet, Christo regi concinentes, Laudes demus debitas.
23.2
In quo aliquando et tertio loco prioris versiculi spondeum reperies, ut: Factor coeli, terrae factor, Congregator tu maris. Et, Verbis purgas leprae morbos.