Chartae
Choose a text
id="mobileReaderAuthor" class="mobile-reader-author" href="/authors/bernardus-claraevallensis1090-1153" aria-label="More works by Bernardus Claraevallensis">
—
⋯
Original / primary: 11190 Charta24
1.1
I. PRO ABBATIA DE TRUNCO-BERENGARII.
1.1
Bernardus abbas Clarae- Vallis, omnibus praesentem paginam inspecturis.
1.2
Contigit abbatem Trunchiniensem et Balduinum de Wasia pro determinanda controversia eorum Romam ituros, per nos transitum facere. Quorum causam eum audivimus, eorum labori et sumptui compatientes, Deo auxiliante eos in pace et dilectione composuimus in hunc modum. Ecclesia Trunchiniensis, secundum privilegia sua, Werebroech et Saleghem cum integro jure parochiali possidebit in perpetuum. Statuimus quoque, ut ecclesia Trunchiniensis Balduino annuatim viginti solidos daret in festo sancti Remigii. Balduinus etiam oblationes, quas in ecclesia Trunchiniacensi habebat, rogatu nostro eidem ecclesiae concessit. Idem sic sensit Simon episcopus Tornacensis.