Officium de S. Victore
Choose a text
id="mobileReaderAuthor" class="mobile-reader-author" href="/authors/bernardus-claraevallensis1090-1153" aria-label="More works by Bernardus Claraevallensis">
—
⋯
Original / primary: 11253 Ofdesvi
1.1
AD I VESPERAS.
1.1
ANTIPHONAE SUPER PSALMOS.
1.2
Victrix anima, quae sicut passer transvolans, laqueos venantium evasisti; da ut tuo ab his patrocinio eruamur.
1.3
O miles emerite, qui debitam post certamen requiem accepisti, respice in nos, qui et inter hostiles gladios tuis laudibus occupamur.
1.4
O victor Jesu, quem in nostro Victore vicisse cognoscimus, da ei sic sibi in te gloriari, ut non subeat oblivio nostri
1.5
CAPITULUM .
1.6
Dilectus a Deo et hominibus sanctus Victor, cujus memoria in benedictione est, similem illum fecit in gloria sanctorum.
1.7
R\.( prolixum). O vere Victor, qui ex quo vixisti, vicisti ab utero usque ad tumulum, continuos promerendo triumphos. Da nobis ut sicut tuis animamur victoriis, muniamur et armis.
1.8
V\. Ut possimus resistere in die malo et in omnibus perfecti stare. Da nobis, etc.