Chronicon S. Hieronymi
Choose a text
id="mobileReaderAuthor" class="mobile-reader-author" href="/authors/hieronymus-stridonensis340-420" aria-label="More works by Hieronymus Stridonensis">
—
⋯
Original / primary: 7193 Chshi
5.1
Romanorum.
5.1
2 Ex hoc loco impietas Ariana Constantii regis fulta praesidio, exsiliis, carceribus, et variis afflictionum modis, primo Athanasium, deinde omnes non suae partis episcopos persecuta est.
5.2
3 Constantinus bellum fratri inferens, juxta Aquileiam Alsae occiditur.
5.3
4 Vario eventu adversum Francos a Constante pugnatur.
5.4
Multae Orientis urbes terraemotu horribili conciderunt.
5.5
Adaeus in Syriacoele clarus habetur, a quo haeresis Audaeana.
5.6
5 Franci a Constante perdomiti, et pax cum eis facta.
5.7
Hermogenes magister militiae Constantinopoli, tractus a populo ob episcopum Paulum, quem regis imperio et Arianorum factione pellebat.
5.8
Antiochiae Dominicum Aureum dedicatur.
5.9
Macedonius artis plumariae, in locum Pauli ab Arianis episcopus subrogatur, a quo nunc haeresis Macedoniana.
5.10
Paulus crudelitate praefecti Philippi( nam fautor Macedonii partium erat) et Arianorum insidiis strangulatur.
5.11
6 Maximinus Trevirorum episcopus clarus habetur, a quo Athanasius Alexandriae episcopus, cum a Constantio quaereretur ad poenam, honorifice susceptus est.
5.12
Sapor Persarum rex Christianos persequitur.
5.13
Neocaesarea in Ponto subversa, excepta ecclesia ac episcopo, caeterisque, qui ibidem reperti sunt.
5.14
8 . . . . . . . . . . . . . . . . . . . . . . . . . . . . .
5.15
9 Titianus vir eloquens praefecturam praetorii apud Gallias administrat.
5.16
10 Athanasius ad Constantis litteras Alexandriam regreditur.