Sequentiae
Choose a text
id="mobileReaderAuthor" class="mobile-reader-author" href="/authors/adamus-s-victorisfl-1173" aria-label="More works by Adamus S. Victoris">
—
⋯
Original / primary: 11514 Sequen4
14.1
XIV. DE SANCTO ANDREA.
14.1
Haec prosa rhythmicae mensurationis tenet legem, sicut illa paulo superius declarata: Lauda, Sion, Salvatorem. Auctor ejus, Adam de Sancto Victore. Describit autem inclyta sancti Andreae praeconia, vocatione ejus ad Christum, praedicationem Evangelii ab eo factam gentibus, et mortem ejus in cruce gloriosam. Exsultemus et laetemur, Et Andreae delectemur Laudibus apostoli.
14.2
Hujus fidem, dogma, mores Et pro Christo tot labores, Digne decet recoli.
14.3
Hic ad fidem Petrum duxit, Cui primum lux illuxit, Joannis indicio,
14.4
Secus mare Galileae. Petri simul et Andreae Sequitur electio,
14.5
Ambo prius piscatore Verbi fiunt assertores, Et forma justitiae.
14.6
Rete laxant in capturam, Vigilemque gerunt curam Nascentis Ecclesiae.
14.7
A fratre dividitur, Et in partes mittitur Andreas Achaiae.
14.8
In Andreae retia Currit Dei gratia Magna pars provinciae.
14.9
Fide, vita, verbo signis, Doctor pius et insignis, Cor informat populi.
14.10
Ut Egeas comperit Quid Andreas egerit, Irae surgunt stimuli.
14.11
Mens secura, mens virilis, Cui praesens vita, vilis, Viget patientia.
14.12
Blandimentis aut tormentis. Non enervat robur mentis Judicis insania.
14.13
Crucem videns praeparari, Suo gestit conformari Magistro discipulus.
14.14
Mors pro morte solvitur, Et crucis appetitur, Triumphalis titulus
14.15
In cruce vixit biduum. Victurus in perpetuum, Nec vult volente populo Deponi de patibulo.
14.16
Hora fere dimidia Luce perfusus nimia, Cum luce cum laetitia Pergit ad lucis atria.
14.17
O Andrea gloriose, Cujus preces pretiosae. Cujus mortis luminosae Dulcis est memoria.
14.18
Ab hac valle lacrymarum Nos ad illud lumen clarum. Pie pastor animarum Tua transfer gratia. Amen.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).