Hymni et psalterium de S. Maria
Choose a text
id="mobileReaderAuthor" class="mobile-reader-author" href="/authors/anselmus-cantuariensis1033-1109" aria-label="More works by Anselmus Cantuariensis">
—
⋯
Original / primary: 10623 Hyetpsd
10.1
PSALTERIUM DOMINAE NOSTRAE
10.1
Beatus vir qui non abiit, etc. Ave mater, cujus partus Postulavit Deum Patrem, Et accepit, quas redemit, Gentes in haereditatem.
10.2
Postula, etc. Ave mater, cujus partus Obdormiens patiendo, In sepulcro soporatus, Mortem vicit resurgendo. Gloria tibi, etc.
10.3
Ego dormivi, etc. Ave mater, cujus partus Nobis dedit in sanguine, Ut signetur baptizatus Divinitatis lumine. Gloria tibi, etc.
10.4
Signatum est, etc. Ave mater, cujus nos filius Scuto bonae voluntatis Induit propitius, Lux immensae majestatis.
10.5
Scuto bonae, etc. Ave thronus Deitatis, In quo Deus majestatis Dignatur homo fieri. Unde nostras animas Eripuit in gratia; Et quas effecit liberas, Salvas fecit in gloria.
10.6
Convertere, etc. Ave mater, cujus partus Sua facit justitia Ut in nobis Patris ejus Sint justa adjutoria.
10.7
Justum adjutorium meum a Domino. Ave nostra advocatrix, Atque vitae reparatrix: Cujus partus super ipsos Dominus est coeli thronos.
10.8
Quoniam elevata est, etc. Ave Sion, in qua Deus Habitavit homo factus: In quo sperant enixius Qui noverunt nomen ejus.
10.9
Et sperent in te, etc. Ave Virgo singularis, Placens aula virginalis, Cujus in templo Dominus Et in coelo sedes ejus.
10.10
304 Dominus in templo, etc. Ave, cujus in filio Salutem Pater posuit, In quo sicut in unico Fidem nostram constituit.
10.11
Ponam in salutari, etc. Ave, de cujus filia Salutari Dei Patris, Exsultamus in Domino, Qui bona tribuit nobis.
10.12
Exsultavit cor meum, etc. Ave nostra advocatrix, Captivorum liberatrix, De qua Sion Emmanuel Salutare fit Israel.
10.13
Quis dabit, etc Ave, cujus mons filius. Dei Patris est unicus, In quo sancti requiescunt, Qui veritatem diligunt.
10.14
Domine, quis habitabit, etc. Ave regina virginum, Mater Virgo post filium, Cujus partus haereditas In laetis est praeclara.
10.15
Funes ceciderunt, etc. Ave mater, quem praedicat In te nostra mortalitas, Quia tuus mirificat Partus misericordias.
10.16
Mirificat misericordias, etc. Ave, quam laudant spiritus, Cui virtus omnis concinit, De cujus coelo Dominus Nube carnis intonuit.
10.17
Et intonuit, etc. Ave, cujus virgineo Deus processit thalamo, Dotali nobis gratia Se praebens in sponsalia.
10.18
In sole, etc. Ave Sion, de qua Deus Nos tuetur incarnatus, Memor nostri libaminis In pace sui corporis.
10.19
Memor sit, etc. Ave mater, cujus partum Coelestis Pater unicum In saeculum dat gentibus In benedictionibus,
10.20
Quoniam dabit, etc. Ave mater, cujus partum Panem vitae nobis factum, Pingues terrae ex quo vivant Et manducant et adorant.
10.21
Manducaverunt, etc. Ave nostra advocatrix, Cujus partus mensa Patris Est nobis consolatio, Ne frangat tribulatio.
10.22
Parasti in conspectu, etc. Ave Regina gratiae, Cujus partus Rex gloriae Rex est virtutum Dominus, Lux de luce Christus Deus.
10.23
Quis est iste, etc. Ave, cujus virgineo Processit ex sacrario, Una salus omni mundo, Dulcis Deus, rectus homo.
10.24
Dulcis et rectus, etc. Ave nostra advocatrix, Et lapsorum reparatrix, De qua Deus factus homo. Solus stetit in directo.
10.25
Puer meus, etc. Ave mater cujus sponsus Et creator et filius, Deus illuminatio, Salus est et protectio.
10.26
Idem. Ave mater redemptoris, Caro cujus effloruit, Quando passus gustum mortis De sepulcro resurrexit.
10.27
Et refloruit, etc. Ave mater castitatis De qua Deus majestatis Scripturarum voces pluit, Et virtutes intonuit.
10.28
Vox Dei super aquas, etc. Ave mater, cujus partus Resurgendo nobis factus Matutina laetitia, Nostra spes est, et gloria.
10.29
Ad vesperum, etc. Ave coelestis domina, Cujus partus justitia Est nostra liberatio, Et in Deum protectio.
10.30
Esto mihi in Deum, etc. Ave mater singularis, Cujus haec est fecunditas, Qua beatis viris, Omnis remittitur iniquitas.
10.31
Idem ipse. Ave stella virginalis, Cujus partus singularis De cythara nos docuit, In cruce quando obiit. Ipsi tunc bene psallimus Decem chordis psalterii; Ad ipsum cum referimus Decalogum mysterii.
10.32
Confitemini Deo in cytharis, etc. Ave mater, cujus partus Cibus vitae nobis factus, Gustare dedit mentibus Quam suavis est Dominus.
10.33
Benedicam Dominum, etc. Ave mater, cujus partus Salus nobis est effectus; Effusa datur framea, Quae scidit nostra vulnera.
10.34
Effunde frameam, etc. Ave mater, cujus partus Torrens summae voluptatis Verbum Patris homo factus, Fons vitae est splendor lucis.
10.35
Inebriasti me, etc. Ave coelestis janua, Qua processit Emmanuel, Cujus lumen justitia, Judicium meridies.
10.36
Et educet quasi, etc. Ave mater, quae gaudium Peperisti fidelium, Ante quem desiderium. Manet se diligentium. Per ipsam noster genitus Patri non est absconditus, Dum se facit advocatum, Pium praebens exauditum.
10.37
Domine, ante te, etc. Ave mater, de qua nostra Processit exspectatio. In qua nostra substantia Patris consedit solio.
10.38
Et nunc quae est, etc. Ave mater, cujus partus Se pro nobis holocaustum Fecit Deus caro factus, Solus nostrum remedium.
10.39
Holocaustum improperium, etc. Ave mater, cujus partus Nostras sanavit animas, Solus potens advocatus, Agens causas, solvens culpas.
10.40
Ego dixi Domine, etc. Ave mater castitatis, Cujus laudes sonus fiunt epulantis, Scripturarum cibi dulces, In voce confessionis.
10.41
In voce exsultationis, etc. Ave mater pietatis, Cujus partus est altare Dei Patris. Laetificans intuitus Juventutis nostrae mentis.
10.42
Et introibo, etc. Ave, quae Patris brachium Peperisti Jesum Christum, Cujus illuminatio, Vultus Dei fit visio.
10.43
Sed dextera tua, etc. Ave, cujus visceribus Deus Pater ingenitus Eructavit verbum bonum, Scilicet unigenitum.
10.44
Idem Ave, cujus altissimus Sacravit tabernaculum, Paternae lucis radius Factus nobis remedium.
10.45
Fluminis, etc. Ave mater, cujus partus Nostra salus est effectus, Unde clamat nobis Psalmus, Plaudite gentes manibus
10.46
Idem. Ave coelestis mansio, De cujus templi medio Suscepimus incarnatam Dei misericordiam.
10.47
Suscepimus, etc. Ave coeli introitus, Divina habitatio, Cujus est nobis filius Et frater, et redemptio.
10.48
Frater non redemit, etc. Ave Sion gloriosa, De qua nobis manifesta Fit carne Verbi facies Decoris Dei specie.
10.49
A solis ortu, etc. Ave coelestis janua, Qua Dei Patris unica Processit nobis reddita Salutaris laetitia.
10.50
Redde mihi, etc.