Hymni et psalterium de S. Maria
Choose a text
id="mobileReaderAuthor" class="mobile-reader-author" href="/authors/anselmus-cantuariensis1033-1109" aria-label="More works by Anselmus Cantuariensis">
—
⋯
Original / primary: 10623 Hyetpsd
12.1
PARS III.
12.1
Quoniam aedificavit Dominus, etc. Ave, cujus sacrariis Ille processit filius, Cujus est admirabilis Omni loco dominatus.
12.2
Benedicite Domino omnia opera ejus in om., etc. Ave, de cujus intimis Decorem Deus induit, Et nostrae veste fidei Ut lumine se vestivit.
12.3
Confessionem, etc. Ave stella Paradisi, Cujus lumen adoramus, In laudes tui filii Alleluya dum cantamus.
12.4
Titulus Psalmi, Alleluya. Ave stella coelestium, Alleluya fidelium, Per quam Dei inter gentes Nuntiantur omnes laudes.
12.5
Item Alleluya in titulo. Ave mater, cui redempti De manibus inimici, Induti stola gemina Duplex dicunt Alleluya
12.6
Duplex Alleluya in tit. Ave mater, ex qua Deus Deducitur incarnatus In munitam civitatem, Ecclesiae firmans fidem
12.7
Quia deducet, etc. Ave de cujus filio Laudes Pater non tacuit, Ipsumque de sepulcro A mortuis suscitavit.
12.8
Idem. Ave David tu filia, Ex qua nostra substantia Sedet in Patris dextra, Jesus Christus in gloria.
12.9
Idem. Ave Regina virginum, Quae peperisti filium, Qui factus est redemptio A Patre missa populo.
12.10
Redemptionem, etc. Ave mater verae lucis, Ex qua natus in tenebris Lumen rectis corde Deus Misericors est, et justus.
12.11
Exortum est, etc. Ave mater, cujus partus Super gentes est excelsus, Respiciens humilia Et in coelo et in terra.
12.12
Quis sicut Dominus, etc. Ave mater, cujus partum Non laudabunt in infernum; Sed nos ipsi, qui vivimus, Domino benedicimus.
12.13
Non mortui, etc. Ave mater, cujus partus Deo Patri fit acceptus In vivorum regione, Qua vivunt ejus morte.
12.14
Placebo, etc. Ave mater, cujus partus Salutari nos calice Comparavit crucifixus, Aqua simul et sanguine.
12.15
Calicem, etc. Ave, per quam confirmata Dei misericordia Veritatem prophetiae Aperuit et gratiae.
12.16
Quoniam confirmata, etc. Ave mater, ex qua Deus Illuxit Dei Filius, Conceptus sancto Spiritu, Et resurgens ex obitu.
12.17
Benedictus qui venit, etc. Ave mater per quam via Immaculata patuit, Qui a Deo flore Virginitas effloruit.
12.18
Idem. Ave mater hujus partus, Ad quem fide proclamamus, Ut sit pius exauditor, Ne valeat tribulator.
12.19
Idem. Ave mater, qua processit Jesus Christus Emmanuel, Qui non dormit, sed custodit Verus protector Israel.
12.20
Ecce non dormit, etc. Ave mater hujus Regis, Cujus sedes judicantis Sedebunt in judicio, Ad confitendum Domino.
12.21
Quia illic, etc. Ave mater, cujus partus Deus in coelis habitat, In sanctorum dum mentibus Dulcedine sua regnat.
12.22
Idem. Ave, cujus in filium Proclamat fides martyrum; Nisi Deus adjuvisset, Persecutor deglutisset.
12.23
Cum exsurgerent, etc. Ave, cujus in filio Qui confidunt ex animo, Ut mons Sion fiunt Deo, In quo pacis est visio.
12.24
Idem. Ave, cujus in filio Facti sumus consolati Et replentur ex gaudio Captivitate exuti.
12.25
Idem. Ave coelestis Domina, Cujus fructus merces sumus, Ejus morte pretiosa Quia vitam recepimus.
12.26
Cum dederit, etc. Ave mater singularis, Cujus partus Emmanuel, Commercio suae carnis Effectus est pax Israel.
12.27
Ut videas, etc. Ave mater summi Regis, Cujus est benedictio Vitae semper aeternalis Sempiterna possessio.
12.28
Et non dixerunt, etc. Ave, cujus in filio Haec est misericordia, Ut fiat suo populo Redemptio copiosa.
12.29
Quia apud Dominum, etc. Ave, cujus in filium Verus jam sperat Israel, Qui non elatus moribus De se sensit humiliter.
12.30
Speret Israel, etc. Ave mater, Virgo pura, Cujus partus homo Deus Sedet in Patris dextera, Deus David et filius.
12.31
Idem. Ave, cujus in filii Habitamus sic ovili, Sicut illa germanitas, Quam regit una charitas.
12.32
Idem. Ave, cujus in filii Inhabitamus atriis, In ipsius quando fide Dilatamur charitate.
12.33
Qui statis, etc. Ave mater, in qua Deus Est ex Sion benedictus, Qui habitat Hierusalem, Pacis habens visionem.
12.34
Benedictus Deus ex Sion, etc. Ave, cujus in filio Confitemur Patri Deo; Quoniam fit in saecula Ejus misericordia.
12.35
Idem. Ave, terra benedicta, In qua cantatur canticum, Quod in terra aliena Cantari non est licitum.
12.36
307 Quomodo cantabimus, etc Ave, cujus filium Dei Patris verum templum, Prout decet, adoramus, Dum credentes confitemur.
12.37
In conspectu, etc. Ave, cujus partus In tumulo soporatus Sicut diem noctem fecit; Cum de nocte resurrexit.
12.38
Quia tenebrae, etc. Ave, cujus est filii Pater virtus salutaris, Agentis in die belli Vim nostrae redemptionis.
12.39
Domine, Domine virtus salutis meae. Ave mater, cujus partus Viam fecit singularis, Donec peregit transitus, Quibus vitam dedit nobis.
12.40
Cadent in retiaculo, etc. Ave mater, cujus partum Exspectabant omnes justi; Donec Pater genus nostrum Retribuit ejus morti.
12.41
Educ de custodia, etc. Ave mater hujus partus, Cujus nos ducit spiritus In terram rectitudinis, Terram resurrectionis.
12.42
Spiritus tuus bonus, etc. Ave mater, cujus partus, Dum virtutes fulguravit, Infideles principatus Sua morte dissipavit.
12.43
Fulgura, etc. Ave mater, cujus partus Laudabilis est Dominus, Et magnitudinis ejus Non est finis nec terminus.
12.44
Magnus Dominus, etc. Ave mater, cujus partus Vere solvit compeditos; Quia sola fides ejus Illuminat mente caecos.
12.45
Dominus solvit, etc. Ave mater, cujus partus Aedificat Hierusalem; Dum clementer nos ad ejus Coadunat visionem.
12.46
Aedificans, etc. Ave mater, cujus partum Laudat illa Hierusalem, Et suspirat in aeternum Cujus fines dedit pacem.
12.47
Qui posuit fines, etc. Ave mater, cujus parius Ex debita justitia Laudant cives angelorum, Laudat omnis creatura.
12.48
Laudate eum omnes angeli, etc. Ave, de cujus filio Sion exsultant filiae; Dum de ejus consortio Sanctorum gaudent animae.
12.49
Exsultabunt sancti, etc. Ave mater, cujus partum In tympanis meritorum Sancti laudant ex gratia, Mortificantes vitia.
12.50
Laudate Dominum in tympano, etc.