Hymni et psalterium de S. Maria
Choose a text
id="mobileReaderAuthor" class="mobile-reader-author" href="/authors/anselmus-cantuariensis1033-1109" aria-label="More works by Anselmus Cantuariensis">
—
⋯
Original / primary: 10623 Hyetpsd
15.1
HYMNUS SECUNDUS IN DIVERSIS BEATAE DEI GENITRICIS CANTANDUS SOLEMNIIS.
15.1
Ave sponsa, etc. Altitudo cogitandi Tu inaccessibilis, Invisibile profundum Angelorum oculis. Ξαῖρε κεχαριτομένη Θοτόκος πάρθενε, Sancta Dei genitrix, ora pro nobis.
15.2
Ave sponsa, etc. Omnia portantem portans, Solium imperii Tu stella demonstrans solem, Sol diei mystici; Occidentis astrum mundi, Luminis conspicui, Sancta Virgo virginum, ora pro nobis.
15.3
Ave sponsa, etc. Incarnationis divae Uterus tu factus es. Per quam renovatur omnis Creaturae species, Cum qua adoratur factor Et origo omnium. Angelorum Domina, ora pro nobis.
15.4
Ave sponsa, etc. Tu exstans initiatrix Arcani consilii Mirandorum verae Christi Operum primitiae, Dogmatum illius exstans Tu fons et initium, Coelorum Regina, ora pro nobis.
15.5
Ave sponsa, etc. Scala tu coelestis, per quam Descendit ipse Deus, Sponsa traducens terrena Super coelestia. Tu mater innupta omni Honore superior, Virgo perpetua, ora pro nobis.
15.6
Ave sponsa, etc. Daemonum forte lamentum, Moeror et tristitia; Angelorum, sed bonorum Laus, decus, et gloria. Electorum tu cunctorum Satians laetitia. Templum Domini, ora pro nobis.
15.7
Ave sponsa, etc. Generans perennem lucem Et inaccessibilem; Sophorum super ascendens Omnium scientiam; Animarum tu sanctarum Splendor et prudentia. Sacrarium Spiritus sancti, ora pro nobis.
15.8
Ave sponsa, etc. Civicam vitae coronam Fructu ventris germinans; Possidens divinitatem, Et in ea pullulans; Nutricans humanitatem, Et eam agricolans, Tu sola sine exemplo, ora pro nobis. Virginitas illa, cui sunt sua salva sigilla, Et fecunda tamen, det nobis dulce juvamen.