Reader

INCIPIT CAPITULATIO.

Accipiens linteum et praecinxit se linteo, id est mortificatio ipsius: mittit aquam in pelvim, ostendit gratiam baptismi: coepit lavare pedes discipulorum suorum et extergere linteo, per lavationem pedum baptismum apostolorum intelligitur, per extersionem lintei ostendit per passionem Christi extersionem peccatorum: non lavabis pedes mihi in aeternum, pavore perterritus dicebat hoc: si non lavero te, non habebis partem mecum, ostendit qui non est lavatus per baptismum et per confessionem poenitentiae non habebit partem apud Dominum: accepit vestimenta sua, iterum ostenditur quod revertetur ad Judaeos in finem mundi: non est servo major domino suo neque Apostolus eo major qui misit illum, id est si ego patior et vos patimini. Aliter si ego me humilio usque ad vestigia vestra, ita et vos humiliate vos omnibus: levabit contra me calcaneum, id est calcaneum extrema pars membri est.

Et per bucellam introivit in eum Satanas, id est, sicut Apostolus ait, qui indigne accipit corpus Domini et sanguinem ejus, judicium manducat et bibit: praeceptum novum do vobis ut et diligatis invicem: in vetere dicitur diliges amicum et odio habebis inimicum, Dominus dicit diligite mimicos vestros: hoc est praeceptum novum, non conturbetur cor vestrum, hic praedicat Apostolis de passione sua, credite in Deum, et in me credite quia Filius Dei sum.

Credite in domo patris mei, id est in Ecclesia mansiones multae sunt id est sicut in uno homine sensus divisus: est ita in Ecclesia quae est corpus Christi gratiae multae sunt: vado parare vobis loc, id est parabo vobis vitam, sicut Apostolus advocatum habemus apud Patrem, qui interpellat pro nobis: ego sum via et veritas et vita, via sine errore Christus est, veritas sine falsitate, vita sine morte ipse est.

Amodo nostis eum et vidistis eum, id est, quem cognoverunt oculis corporis, et cognoverunt oculis cordis, secundum divinitatem per inlustrationem Spiritus sancti: majora horum facit, quia Christus per fimbriam mulierem sanavit: Apostoli vero per umbram infirmos curabunt.

Explicit Passio.

Rogabo Patrem meum et alium Paraclitum dabit vobis: per bis Spiritum acceptum dilectio Dei et proximi intelligitur: spiritum veritatis quem mundus accipere non potest, id est, qui mundum diligit non accipit illum, non relinquam vos orfanos, id est non relinquam vos secundum divinitatem: in illa die cognoscetis, id est in futuro, sive in resurrectione Christi. Ego in Patre, id est secundum divinitatem, vos in me, quia membra mea estis: et ego in vobis, id est, in dilectione cordis vestri: manifestabo ei meipsum, id est, credentes in divinitatem, mansionem apud eum faciemus sicut ipse ait, ubi duo vel tres congregati fuerint in nomine meo, ubi sum et ego et reliqua: pacem meam do vobis, id est, sicut ego patienter suffero omnia, et vos patientiam habetis: pacem meam relinquo vobis, id est, sicut ego passus sum, ita et vos patiemini: non sicut mundus dat pacem ego do vobis, mundus interruptam pacem dat, Deus aeternam dat: venit princeps mundi ad me, et nihil in me invenit, id est, diabolus venit ad crucem, et in Domino non invenit peccatum, quaesivit capere captus est ab eo: sicut praecepit mihi pater sic facio, misit illum pater ut sanguinem suum funderet pro genere humano, et ita fecit: ego sum vitis vera unde perfluit sanguis, et aqua: et pater meus agricola est, id est, cultor Ecclesiae: vos palmites, id est, apostoli sive fideles Ecclesiae: sicut palmes non potest a se fructum ferre nisi manserit in vite, sic et unusquisque non fert fructum nisi manserit in Christo.

In hoc clarificatus est Pater meus, ut fructum primum afferatis, id est sicut praedicationem, ego et passionem fructificavi, ita et vos facite: sicut dilexit me pater, et ego dilexi vos, id est, sicut misit me pater praedicare et pati, et ego mitto vos: majorem caritatem nemo habet et reliqua: dilectio fortior est morte, ego pro dilectionem patior pro vobis, et vos patimini pro Ecclesia: omnia quae audivi a patre meo nota feci vobis, id est praecepta Evangelii: elegi vos de mundo, id est de mundanis actibus: non estis de mundo, id est, quia non diligitis mundum: ut ait, Salomon, talis est mulier adultera, quae cum comederit tetigit os suum, dicit, non sum operata malum, figurat Ecclesiam ex gentibus, quae per confessionem abstersit se de immunditia peccatorum: ab initio mecum istis, id est ab initio praedicationis.

Si ego non abiero paraclitus non veniet ad vos: cum venerit paraclitus arguet mundum de peccato, id est, quia non credit in me, credat per praedicationem Evangelii: de judicio autem, quia princeps mundi judicatus est: Arguit de peccato, id est, ut per praedicationem vestram convertantur ad poenitentiam: de justitia, ut sicut diligit proximum, diligat et Deum ex toto corde: de judicio, ut quidquid vultis ut faciant vobis homines, et vos facite illis: haec enim est lex et prophetae.

Modicum non videbitis me, id est, dum jacui in sepulcro: modicum iterum et videbitis me, id est, per resurrectionem: venit hora quando non in proverbiis loquar vobiscum, sed palam de Patre manifestabo vobis, id est, per resurrectionem: in illa die in nomine meo petetis, id est, quia ascendo ad Patrem resurgendo per potestatem. Pater diligit vos, quia diligitis me relinquo mundum, et vado ad Patrem, id est, per praesentiam corporis, nam secundum divinitatem non relinquit mundum: pressuram habetis, id est, a mundanis hominibus tribulationem: ego vici mundum, id est alligavi fortem in mundo, qui est diabolus.

Venit hora, Pater, ad clarificare Filium tuum: id est per resurrectionem: ut Filius clarificet te, id est per Filium convertantur et credant: ego te clarificavi super terram, id est notum feci omnibus, apud te manifestavi nomen tuum hominibus, ostendit quod secundum divinitatem, cum Patre erat, et corporaliter in terra: quos mihi dedisti de mundo tui erant, in praescientia ab initio tui erant: mihi eos dedisti, id est, ad docendum: et sermonem tuum servaverunt, id est, in fide permanserunt, ego pro eis rogo non pro mundo, quia scit Deus qui sunt ejus: omnia tua mea sunt, et mea tua sunt: et clarificatus sum in eis, id est, in iisdem gentibus manifestatus sum, id est, quia crediderunt in me: in mundo sum corporaliter, et in mundo non sum corporaliter: et pro eis sanctifico meipsum, id est, per martyrium et resurrectionem: ego claritatem, quam dedisti mihi dedi eis, id est, praecepta divina: exivit cum discipulis suis trans torrentem Cedron, ostendit impetum persecutionis.

Iterum transiens Jesus cum discipulis suis, id est, de mundo ad patrem, et de Judaeis ad gentes, venerunt cum laternis et fagulis, id est, ipsi sibi accenderunt lumen poenale, adduxerunt eum ad Annam, Anna gratia Dei interpretatur, qui gratia Dei acceperat principatum sacerdotis: sed illa visa est ostiaria, quae introduxit Petrum in atrium significat primitivae Ecclesiae, exprobravit eum quia Dei Filium se esse dixisse: certe non rapinam arbitratus est se esse aequalem Deo, sed semetipsum exinanivit, formam servi accepit.

Jesus bajulans crucem suam: Exemplum dedit sicut ipse dixit: qui vult post me venire abneget semetipsum, et reliqua: duo latrones crucifixi erant cum Jesu, qui permansit unus in perfidia sua, ostendit Judaeos, qui confessus est significat gentes: scriptum erat in titulo rex Judaeorum, id est rex confessorum: fecerunt quatuor partes de vestimentis Jesu: quatuor milites, id est quatuor Evangelistae: vestimenta divisa, id est praedicationem, incarnationem, passionem et resurrectionem, quae praedicaverunt in quatuor partibus mundi, tunica autem inconsutilis desuper contexta, ostendit quia divinitas in Patre et Filio inseparabilis est: non scindamus eam, sed sortiamus de illa cujus erat, ostendit quia viri Catholici non scindunt unitatem divinitatis.

Mulier, ecce filius tuus: discipulo, ecce mater tua: hic virginem commendavit, ut incorruptam servaret: non fregerunt crura Jesu, id est, quod figuratum ante fuerat, per agnum in Aegypto: non crudum nec coctum aqua, sed assum tantum igni, ostendit passionen Christi, baculum in manu, ostendit crucem Christi, de mundo ad Patrem: non comminuetis ex eo, ostendit ut non fieret infracta crux Christi, lancea latus ejus punxerunt, ut impleretur scriptura: viderunt in quem pupunxerunt.

Exivit sanguis et aqua: sicut ex latere Adae sumpta est Eva, ita ex latere Christi exivit redemptio Ecclesiae: per sanguinem remissio, per aquam baptismum: duo discipuli currentes? Petrus et Joannes, ostendit duos populos currentes, Judaeos per legis litteram, gentes per legem naturae.

Joannes praecucurrit citius; vidit linteamina posita et non introivit. Judaei per legem et Prophetas viderunt Christum venturum, et adventum ipsius non receperunt. Venit Petrus sequens eum, vidit linteamina et introivit, ostendit gentes quae in adventum Christi, sive doctrinam illius: per linteamina incarnatio Christi intelligitur: per sudarium mysterium divinitatis intelligitur: sudarium non cum linteaminibus, sed separatim in unum locum involutum, ostendit quia divinitas longe est remota a sensibus humanis, in unum locum qui sunt universalis: tunc introivit et alius discipulus qui prius venerat ad monumentum, ostendit Judaeos reversos ad fidem in fine mundi: angeli sedentes ad caput et ad pedes, ostendit initium et finem.

Dixit Maria, nescio ubi posuerunt eum, ostendit secundum carnem diligebat mundum, et per fidem credebat quod dixit Maria ostendit cogitationem vocis: quia per dilectionem proximi cognoscit homo Deum: dixit Jesus, noli me tangere, id est in corde tuo, tibi non ascendi per divinitatem, discipuli piscantes totam noctem nihil ceperunt: piscatores doctores veteres, in nocte ostendit ante adventum Christi nullus ad perfectionem per praedicationem legis veteris venisset.

Mane autem facto: ostendit factum adventum Christi: mittite in dexteram partem, id est, mittite praedicationem in gentibus. Erat enim Petrus nudus, id est nudi erant a fide Christi: tunica succinxit se, id est fidem Ecclesiae: misit se in mare, id est in fluctuationibus, et amaritudines mundi per dilectionem Christi: alii discipuli navigio venerunt, id est, in Ecclesia fluctuationem mundi calcantes viderunt prunas, et piscem et panem positum, per piscem ostendit fidem, per prunas calorem caritatis, per panem verbum divinum: trahentes rete in terram, per littora ostendit finem mundi: plenum magnis piscibus, id est, plenitudo et magnitudo Ecclesiae, per remissionem peccatorum: per tres ostendit trinitatem: indivisum rete et non scissum, id est, Ecclesiam in futuro incorruptam: manducavit Jesus post resurrectionem, ostendit veram incarnationem corporis ut credentes crederent.

Dixit Jesus, Simon Joannis amas me? Ostendit sicut ter negavit, ut ter confiteretur fidem Trinitatis: pasce oves meas id est in Ecclesia: ingressus Jesus januis clausis ostendit quia clausis ingressus est januis uterum, sic et omnes sancti post resurrectionem induunt spiritale corpus, ubique sine metu ingredi possunt, unde integer et incorruptus matrimonio, tres testificant hanc sententiam.

Discipulus quem amabat Jesus. Secunda virtus est quod fecit Jesus in Cana Galilaeae, vinum de aqua expressit opus paratum virginitatem Joannis, ostendit quia illi sponsa conjuncta est: testimonium quod commendavit Jesus matrem suam Joanni: Maria Ecclesia figuratur. Johannes principatum, sicut fuit Johannes virgo matrimonio, sic fuit incorruptus et morte: Joannes genealogiam de divinitate narrat, nam alii de homine narrant: de divinitate Johannes dicit, in principio erat verbum, iste jacebat super pectus Jesu, et scientia divinitatis quae fuerat in pectore Jesu ascendit Johannes de conjunctione duorum pectorum; insita arbor, in alter facit fructum arboris, alterius in qua plantatur. Si secundum ordinem canonis iste liber Mathaeum praemittendus esset, et quod in novissimam positus partem, est quia terra primis sanctificata est, deinde aqua, et postea novissime ignis quia clarior est et subtilior: item in similitudinem duarum legum, id est, vetus et novum; vetus prius tradita erat, nova tamen clarior est et major, quia de coelestibus discernit et abundantior mea, quod ad Evangelium Joannis pertinet ex supra dicta.