Anselmus Laudunensis et schola; Glossa ordinaria-1117
Prophetia Jeremiae
Jere 17.1
Choose a text
More by Anselmus Laudunensis et schola; Glossa ordinaria
—
9006 Projer
17.1
CAPUT XIV.
17.1
VERS. 1.-- Et portae ejus, etc. Sensus, scilicet, per quos animo concipitur disciplina, etc., usque ad et usque in praesentem diem sterilitas pluviarum non solum frugum, sed et bibendi facit inopiam.
17.2
VERS. 4.-- Agricolae. Quorum unus ait: Dei agricultura estis. Et alibi: Dei cooperatores sumus.
17.3
VERS. 5.-- Nam et cerva, etc. Nam et cerva( vel cervae) in agro peperit( vel pepererunt). Haec sententia de doctoribus genitos filios incaute deserentibus dicitur, etc., usque ad scriptum est, Invicem onera vestra portate, et sic adimplebitis legem Christi.
17.4
VERS. 6.-- Traxerunt ventum. Perversi quasi dracones trahunt ventum, cum malitiosa superbia inflantur.
17.5
Defecerunt oculi. Claram lucem cernere non valentes, etc., usque ad sunt qui discant, non qui doceant.
17.6
VERS. 8.-- Exspectatio Israel. Dicamus et nos in tempore siccitatis et aquae penuria, Tibi peccavimus, et malum coram te fecimus, tuum praestolamur adventum, qui salvas Israel, non suo merito, sed tua gratia.
17.7
Quasi colonus. Qui enim ut Dominus auditus non est, non possessor agri, sed colonus, etc., usque ad et viatoris praetereuntis, qui negligit ea quae occurrunt in viis.
17.8
Et quasi viator. Judaei hunc locum sic exponunt: Quare segregas te, etc., usque ad relicto Israel tendat ad gentes, ut de loco ad locum, de populo ad populum, de templo ad Ecclesiam.
17.9
VERS. 10.-- Movere pedes suos, etc. Notandum in Scripturis sanctis quod semper peccatorum pedes moveantur, etc., usque ad et qui turrim Babylonis aedificaverunt, ab Oriente moverunt pedes suos.
17.10
VERS. 11.-- Noli orare. Stultum est orare pro eo qui peccaverit ad mortem, etc., usque ad qui enim semel gladio et fami et pesti destinatur, nullis precibus eruitur: unde, Noli orare, etc.
17.11
VERS. 13.-- Prophetae dicunt eis, etc. Audiant haec magistri qui peccantibus et in vitiis permanentibus prospera pollicentur. Multi tales hodie sunt, qui non curant undecunque sit oblatio, consulentes suae avaritiae; ut quidam fecisse dicitur, qui persuadebat ut secreta confiterentur peccata coram Deo ante altare, et ipse ex adverso sedebat: et audiebat, et hanc securitatem dabat. Tantummodo largas eleemosynas facite et sufficit.
17.12
VERS. 15.-- Haec dicit Dominus. Caveat pseudoprophetae, ne qui decipiendo lactant populum Dei, et ipsi pereant cum deceptis, et jaceant insepulti, et non sit qui operiat ignominiam eorum pulvere poenitentiae.
17.13
VERS. 17.-- Deducant oculi mei. Dupliciter hic locus intelligitur. Quod vel ipse Deus, etc., usque ad virgo contrita, filia percussa, populus deletus.
17.14
VERS. 18.-- Si egressus, etc. Audiant hoc prophetae nostri et sacerdotes, quod nec foris nec intus, etc., usque ad qui prophetabant prospera, et legis mandata aperire debebant, abierunt in terram quam ignorabant. Id est, captivati sunt.
17.15
VERS. 19.-- Nunquid projiciens, etc. Ut ubi fuerat cultus Dei et tranquillitas, ibi sit seditio et hostilis fremitus. Si quando nostra Sion nosterque Judas abominabilis abjicitur, nequaquam miremur, sed dicamus quod sequitur.
17.16
VERS. 20.-- Cognovimus, Domine, etc. Quasi: Et nos et patres nostri eadem dementia Dei praecepta negleximus, etc., usque ad nondum venerant ad iniquitatis cumulum: quod in Christi morte completum est.
17.17
VERS. 21.-- Solii gloriae. Templi, vel cujuslibet sancti, in quo, sicut scriptum est, Thronum ejus in terra allisisti. Tunc alliditur atque destruitur, cum ab eo multitudine peccatorum Deus offenditur. Sed quia culpa perditur, Domini clementia sustentatur, quae mutatur severitate sententiae, si irritum faciat Dominus pactum suum quo nobis pollicitus est salutem.
17.18
VERS. 22.-- Nunquid sunt in sculptilibus, etc. Post multos variosque sermones redit ad titulum prophetiae, etc., usque ad tu solus es qui populum tuum potes instruere, et divisiones gratiarum exspectantibus te.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).