Reader

BENEDICTIO ENSIS.

Exaudi quaesumus Domine preces nostras, et hunc ensem quo hic famulus tuus N. se circumcingi desiderat, majestatis tuae dextera benedicere dignare, quatinus defensio atque protectio possit( sit) ecclesiarum, viduarum, orphanorum, omniumque servientium contra saevitiam paganorum, aliisque insidiantibus sit pavor, terror, et formido.

Alia. Famulum tuum N. quaesumus Domine pietatis tuae custodia muniat, ut hunc ensem, quem te inspirante desiderat suscipere, te adjuvante illaesum custodiat. Per Dnm.

Item benedictio

Benedic Domine sancte Pater omnipotens per invocationem sancti nominis, et per adventum Filii tui Dni nri Ihu Xpi, atque per donum Spiritus sancti Paraclyti hunc ensem, ut his qui hodierna die tua pietate eo praecingitur, visibiles inimicos sub pedibus conculcet, victoriaque per omnia potius semper maneat illaesus. Per.

Sequitur antiph. Speciosus forma prae filius hominum, diffusa est gratia in labiis tuis. Accingere gladio tuo super femur tuum potentissime.

Alia. Omnipotens sempiterne Deus, qui famulum tuum N. eminenti mucrone circumcingi jussisti, fac illum contra cuncta adversantia ita coelestibus armari praesidiis, quae nullis hic et in aevum tempestatibus bellorum turbetur. Per.