Auctor incertus
Excerpta de rebus Gallicis
Gall 1.40
Choose a text
More by Auctor incertus
—
11815 Exdereg
1.1
Excerpta de rebus Gallicis
1.1
Regi Francorum scribitur et hortatur ut dictis baronibus, inimicis dicti regis Anglorum, nullum impendat auxilium seu favorem.
1.2
Eidem, super eodem, et fortius exhortando ut filio suo primogenito inhibeat ne dictis inimicis praestet auxilium vel favorem.
1.3
Super eodem, Philippo et filio suo primogenito.
1.4
Super eodem negotio, duci Burgundiae et diversis archiepiscopis et episcopis, per Franciam et Angliam constitutis.
1.5
Episcopo Silvanectensi.
1.6
Regi Anglorum scribitur quod ad petitionem nuntiorum suorum mittitur sibi legatus.
1.7
Rothomagensi archiepiscopo, et suffraganeis ejus.
1.8
Regi Franciae, super dicto negotio regni Angliae, ut desistat.
1.9
Super eodem negotio, praelatis regni Franciae.
1.10
Super eodem, baronibus Angliae.
1.11
Super eodem, Cameracensi, Leodiensi et Trajeetensi episcopis.
1.12
Super eodem, regi Franciae.
1.13
Super eodem, clero Londoniensi.
1.14
Universis Christi fidelibus significatur ordinatio facta, quod comes Tolosanus, propter haeresim, comitatu Tolosano perpetuo sit privatus, et quod uxor sua habeat dotalitium suum.
1.15
Eodem modo scribitur archiepiscopo Narbonensi, et quod faciat CL marcas comitissae, uxori dicti comitis, et hoc de Castro Bellicadri, assignari.
1.16
Eodem modo, comiti Montisfort. et quod ipse observet dictam ordinationem.
1.17
Tolosano et Consentin. episcopis mandat quod comiti Convenarum super quibusdam gravaminibus, sibi per comitem Montisfortis illatis, ministrent justitiam, vel remittant causam ad curiam
1.18
Eodem modo, episcopo Nemausensi et duobus archidiaconis, pro comite Fuxi.
1.19
Comiti Montisfortis quod Castrum Fuxense ponat in manibus abbatis Sancti Tiberii, nomine Ecclesiae et ad utilitatem comitis Fuxi tenendum, donec aliud fuerit ordinatum.
1.20
B. reginae Anglorum antiquae, scribitur, et, ad petitionem suam et regis Anglorum, confirmatur quaedam compositio, inter ipsos regem et reginam, super ipsius dotalitio facta.
1.21
Abbati et conventui monasterii Sancti Dionysii in Francia scribitur, et, quia ab aliquibus dubitabatur, an corpus beati Dionysii, quod in eodem monasterio requiescit, fuerit corpus beati Dionysii Areopagitae, qui mortuus fuit in Graecia, vel alterius, domnus papa mittit eis de veris reliquiis, sive corpus illius beati Dionysii Areopagitae, et concedit omnibus visitantibus quadraginta dies.
1.22
Archiepiscopo Narbonensi mandatur ut, si aliqua de bonis comitatus Melgorii alienata invenerit, ad jus et proprietatem Ecclesiae Magalonensis revocare procuret.
1.23
Universis baronibus et militibus, in comitatu Melgorii constitutis, quod episcopo Magalonensi praestent, sicut vero domino, fidelitatis juramenta.
1.24
Remensi archiepiscopo et ejus suffraganeis, quod B. de Anisnis, subdiaconum excommunicatum, pro eo quod cum Margarita, sorore comitissae Flandriae, consanguinea sua, matrimonium fraudulenter contraxit, denuntient excommunicatum.
1.25
Eodem modo, episcopo Leodiensi.
1.26
Abbati et conventui Cluniacensibus declaratur et ordinatur quod electio et institutio prioris de Charitate ad dictum abbatem pertineat.
1.27
Albiensi et Caturcensi episcopis datur in mandatis ut aliqua bona, ablata Duaco Alamanno per S. comitem Montisfortis, ad restituendum eidem Duaco dictum comitem compellant.
1.28
Archiepiscopo et capitulo Turonensibus confirmatur quaedam compositio super electione decani et praepositura inter ipsos facta.
1.29
Certis judicibus mandatur ut quosdam campsores Caturcenses, qui, in fraudem nonnullorum suorum creditorum, ad claustrum Irecense confugerant, si reperiantur hujusmodi fugam in fraudem fecisse, de dicto Claustro ejiciant, et ejici permittant per curiam temporalem.
1.30
Regi Francorum scribitur et hortatur, ut Jacobum, natum regis et reginae Aragonum et haeredem, super dominio Montispessulani non impediat, seu molestet, nec ab aliis molestari permittat.
1.31
Priori Grandimontensi scribitur et ordinatur quod in quibuslibet cellulis Grandimontensis ordinis per ipsum priorem et successores suos uuus presbyter ordinetur, et quaedam aliae ordinationes scribuntur in ipsis litteris.
1.32
Bituricensi, Senonensi et Turonensi archiepiscopis mandatur ut quoscunque rebelles contra priorem Grandimontensem et ejus ordinis statuta rebellione cessare compellant.
1.33
Capitulo Remensi confirmantur eis quaedam decimae, et alia bona quae juste possident.
1.34
Archiepiscopo Remensi et ejus suffraganeis mandatur quod nihil attentent contra libertates suarum Ecclesiarum et capitulorum.
1.35
Eodem modo, archiepiscopo Senonensi et ejus suffraganeis.
1.36
Archiepiscopo Bituricensi et ejus suffraganeis mandatur ut, juxta ordinationem factam in concilio, solvant certo termino vicesimam partem omnium proventuum suorum, et eorum nuntiis ad hoc deputatis, in subsidium terrae sanctae
1.37
Sacristae et capitulo ecclesiae Sanctae Crucis Cameracensis. Recipiuntur una cum bonis suis, sicut ea juste possident, sub protectione beati Petri.
1.38
Archiepiscopis et episcopis, per regnum Franciae constitutis, mandatur ut inhibeant universis Christianis, maxime crucesignatis, ne Judaeos seu eorum familias molestent.
1.39
Archiepiscopo Rothomagensi, et ejus suffraganeis mandatur ut cum magistro H. de Andelesio, canonico Rothomagensi, deputato ad praedicandum verbum crucis, alium sibi fidelem et idoneum adjungant.
1.40
Abbati Majoris Monasterii Turonensis, mandatur, ut super usu primatiae Bituricensis et Burdegalensis, cum senis et valetudinarius, per se vel alios se informet, et informationem transmittat.
1.41
Abbati et conventui monasterii Sancti Egidii confirmatur quaedam sententia pro eis lata, et contra comitem Tolosanum, super villa Sancti Egidii.
1.42
Archiepiscopo Narbonensi et diversis aliis episcopis ut sententiam excommunicationis, latam contra Regianum, fratrem Ademari de Nayco, per episcopum Albiensem, publicent, et eam faciant observari.
1.43
Archiepiscopo Remensi et ejus suffraganeis ut sententias, latas contra Ludovicum, primogenitum regis Franciae et sequaces suos, qui invadunt regnum Angliae, publicent et eas faciant observari.
1.44
Eodem modo, diversis archiepiscopis et eorum suffraganeis, per regnum Franciae constitutis.
1.45
Episcopo et abbati Sancti Victoris, Parisiensibus mandatur ut cancellario Londoniensi et quibusdam aliis suspectis de iniquitate, quae contra regem Angliae perpetratur, assignent terminum, ut se conspectui apostolico repraesentent.
1.46
Archiepiscopis et episcopis per regnum Franciae constitutis mandatur ut permittant Judaeos talem gestare habitum, per quem possint inter Christianos discerni, nec ad talem portandum compellant, per quem possint vitae dispendium sustinere.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).