Horae canonicae
Choose a text
id="mobileReaderAuthor" class="mobile-reader-author" href="/authors/auctor-incertus" aria-label="More works by Auctor incertus">
—
⋯
Original / primary: 8232 Horcan
26.1
Hymnus.
26.1
Sol Angelorum respice, Quem concupiscit mentium Intento visu castitas, Sursum manentem cernere.
26.2
Quo cuncta pollent coelitus Cursu recursu prospero: Quo vita constat omnium. Intende grates supplicum.
26.3
Da servulis custodiam, Qua temperentur commoda: Adversa sint innoxia; Corrupta ne sint pectora.
26.4
Frugalitas tu sensuum Sator, salus, refectio, Potus, cibique, gaudium, Lux, atque virtus cordium.
26.5
Repelle membris lubricam, Ne polluat lascivia; Ne foeda vexet passio, Culpetque mentis actio.
26.6
Virtutis infer copiam, Qua conferas clementiam; Oblitus ut peccaminum, Dones quietem temporum.
26.7
Votis rogamus affatim Superna pax inlabere, Qua cuncta tuta perpetim, Serves subactis scandalis.
26.8
Gloria Patri ingenito, Gloria Unigenito, Una cum Sancto Spiritu In sempiterna saecula. Amen.
26.9
V\. Respice, et exaudi me Domine Deus meus. Illumina oculos meos, ne unquam obdormiam in morte.
26.10
Psalm. XC statim sequitur.
26.11
Scuto circumdabit te veritas ejus:* non timebis a timore nocturno.
26.12
Si ascendero in lectum strati mei:* memor esto mei, Domine.
26.13
Si dedero somnium oculis meis, aut palpebris meis dormitationem, aut requiem temporibus meis:* memor esto mei, Domine:
26.14
Donec inveniam locum Domino, tabernaculum Deo Jacob:* memor esto mei Domine.
26.15
Gloria, et honor Patri, et Filio, et Spiritui Sancto.* Memor esto mei, Domine.
26.16
Sicut erat in principio, et nunc, et semper, et in saecula saeculorum. Amen;* Memor esto mei, Domine.
26.17
Si ascendero in lectum strati mei:* memor esto mei, Domine.
26.18
V\. Te precor, Domine, auctor lucis, et diei, ne derelinquas me; sed memor esto mei, Domine.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).