Meditationes de passione Jesu Christi
Choose a text
id="mobileReaderAuthor" class="mobile-reader-author" href="/authors/auctor-incertus" aria-label="More works by Auctor incertus">
—
⋯
Original / primary: 10290 Medepaj
11.1
Disputatio in templo.
11.1
Dum puer duodecim annorum moratur In templo Jerusalem, Mater contristatur; Quem dum quaerens reperit, cum Joseph miratur, Qui doctos interrogat et stupenda fatur.
11.2
O quis novit gemitus Virginis dolentis, Suum unigenitum triduo quaerentis, Cur sic ille fecerit pie conquerentis? Hoc dolore vulneres, Jesu, cor legentis.
11.3
O quam saepe aestimo, dixit Mater Christi, Heu! meum solatium! cur me reliquisti? Quo, mi nate unice, heu! quo ivisti? Redi, precor, fili mi, redi matri tristi.
11.4
Utinam post Jesum sic cor meum langueret, Et quaerendo jugiter intime doleret! Forte clementissimus mihi appareret, Ac suae clementiae firmam spem praeberet.
11.5
Sed, heu! Jesu, cor meum hoc caret languore, Raro enim quaerit te, nec tunc cum fervore; Tibi illud, Jesu mi, retrahe timore, Quieta dulcedine, restringe amore.
11.6
Subderis parentibus, regens universa; Cui cuncta serviunt, servis vice versa. O divina charitas, nimis es dispersa, Dum pro nobis miseris sustines adversa
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).