Meditationes de passione Jesu Christi
Choose a text
id="mobileReaderAuthor" class="mobile-reader-author" href="/authors/auctor-incertus" aria-label="More works by Auctor incertus">
—
⋯
Original / primary: 10290 Medepaj
16.1
Christus venditur.
16.1
Nam in necem Filii principes majores Ineunt consilium, legis transgressores, Constituto pretio, pessimi emptores Permittunt se fieri Judae debitores.
16.2
Heu! heu! mea Domina, Virgo singularis; Venditus est Filius, et adhuc laetaris? Heu! cur unigenitum clare non precaris, Ut priusquam passus sit, ipsa moriaris?
16.3
Tu nati praesentia multum delectaris, Et affectu maximo ipsum imitaris: Heu! de tua anima minus meditaris, Torquenda in proximo luctibus amaris.
16.4
Heu! quandiu torpeo in corde tam duro, Et nihil compatior Jesu morituro, Vel dolori maximo paulo post futuro Meam dulcem Dominam fere perempturo
16.5
Jesu, cui nihil est penitus occultum, Usquequo sic sustines tecum Judam stultum? Qui, dum tibi exhibet simulatum cultum, Tempus, in quo tradat te, optat nimis multum.
16.6
Tunc missis discipulis cum signo lagenae, Pergis ad hospitium praeparatae coenae: Tunc sedes in medio turbae duodenae, Mandas ut se invicem diligant serene.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).