Meditationes de passione Jesu Christi
Choose a text
id="mobileReaderAuthor" class="mobile-reader-author" href="/authors/auctor-incertus" aria-label="More works by Auctor incertus">
—
⋯
Original / primary: 10290 Medepaj
30.1
Jesus flagellatur
30.1
Tremens cerne, anima, ministros sedentes, Carnem hanc tenerrimam flagellis scindentes, Vulnera vulneribus tibi infligentes, Livores livoribus superimponentes.
30.2
Quis non moeret speculans gubernantem mundum, Sic perfusum sanguine veluti immundum, Corpus hoc sanctissimum totum tremebundum. Pectusque piissimum totum gemebundum.
30.3
Contemplare, anima, tibias, lacertos Plagis multiplicibus undique refertos, Omnes artus corporis sanguine opertos, Defluentes rivulos cruoris apertos.
30.4
O corpus sanctissimum ad columnam strictum, Pro me amarissimis flagellis afflictum, Circumquaque roseo cruore amictum, Aufer a me, obsecro, quodlibet delictum.
30.5
Anima sanctissima pro me tam gravata, Maximis doloribus pro me tribulata, Deprecor per Virginem, quae est de te tristata, Cuncta mea jugiter dilue peccata.
30.6
Sed Maria mater haec sese affligendo Lacrymas mutliplicat jugiter deflendo, Alta dat suspiria amare gemendo, Moestisque singultibus pectus conterendo.
30.7
O quis sine gemitu potest te videre Inconsolabiliter, o Mater, lugere! Praebe mihi lacrymas, fac me tecum flere, Te deprecor, o mea spes, mei miserere.
30.8
En pudici oculi ex fletu tumescunt, Genae splendidissimae ubique pallescunt, Sed, heu! membra filii sanguine rubescunt, Ac tuae angustiae plus plusque concrescunt.
30.9
Post tormentum verberum tam malitiosum, Cunctis diligentibus valde luctuosum, Sequitur mox aliud grave et probrosum, Isto multo amplius contumeliosum,
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).