Reader

DIE XIV. IN FESTO SANCTI CYPRIANI EPISCOPI.

Lauda. Gloria, et honor.

Sono. Fac mecum. Quaere fol. CLIX.

Antiphona. Posuisti, Domine, super caput ejus coronam de lapide pretioso: P. Gloriam et magnum decorem super eum impones. V\. Vitam petiit, et dedisti ei longitudine dierum in aeternum et in saeculum saeculi. P. Gloriam et magnum decorem. V\. Gloria, et honor. P. Gloriam.

Dominus sit semper. R\. Et cum.

Lauda. Alleluia. Omnis qui vicerit, faciam illum sedere in throno Patris mei Alleluia: P. Sicut et ego vici, et sedeo in illum: Alleluia, alleluia. V\. Beatus, qui intelligit super egenum, et pauperem: in die mala liberabit eum Dominus. P. Sicut. V\. Gloria, et honor. P. Sicut.

DIE XIV. IN FESTO SANCTI CYPRIANI EPISCOPI. Hymnus.

Urbis magister Tasciae Tu Cypriane Pontifex, Fax luminosa, et efficax, Verbo docens, et sanguine.

Tu martyr, et doctor pius, Utroque clarus dogmate: Et stultis verba imbuis, Et doctis exemplis foves.

Coelestis ille Spiritus, Qui in Prophetis praefuit, Te inrigavit coelitus, Implevit, egit, compluit.

[ CCXCIII] Hinc fonte claro luminum Mentes foves fidelium; Artus pererras invios, Cibis palatum recreans.

Tu passionis gloriam Quaestu oblato distrahis, Mercede mortem comparans, Cum te feriret carnifex.

Sic sic docens quod verum est, Fundis beatum sanguinem Ditas cruore Africam, Verbo docens Hesperiam.

Tu Doctor in terra pius, Tu Martyr in coelestibus, Quod praedicasti dogmate Fac nos tenere per precem.

Deo Patri sit gloria, Ejusque soli Filio, Cum Spiritu Paraclito Regnans per omne saeculum. Amen.

Supplicatio. Oremus, mutato nomine, ut supra.

Capitula. O decus orbis, o doctor unice, veritatis magister catholice, Catholicorum ducator Ecclesiae, Cypriane martyr sanctissime! qui Christum et voce praedicando et sanguine, et lingua amoenus, et passione monstraris esse conspicuus: dum, quae doces, agis, et quae agis, posteris docendo derelinquis: in utrosque admirabilis et praeclarus; dum et Doctor mirificus, et martyr agnosceris gloriosus; dum et doctrina clares in saeculo, et de effuso sanguine laetaris in coelo: te quaesumus, te rogamus, rege, fove, instrue nos tuis semper suffragiis pariter et doctrinis: imbue ore nescios, precibus tuere infirmos, verbis doce, quid agere, meritis obtine, quo possimus intrare: illinc riga ignorantiam verbis; hic continuis fragilitatem nostram foveto suffragiis: ut per Deum unum in Trinitate perfecta, quem tu et doctrina praedicasti et sanguine, nos et dictorum tuorum fructus hic libentius hauriamus, et meritorum tuorum gaudiis post transitum satiemur per ipsum; qui nos docuit orare et dicere:

Pater noster. Liberati a malo. fol. 2.

Benedictio. Christus Dominus, qui beatissimum Cyprianum Ecclesiae suae Praesulem, et doctrinae magisterio clarum, et Martyrem fecit esse conspicuum; impleat vos et gratia sanctae doctrinae, et amoris sui opulentiae dulcedine; R\. Amen. Ut et in verbis Martyris correctionem vitae integram adsumatis, et in exemplis ejus adipiscamini, quod vos heredes efficiat in coelestibus regnis: R\. Amen. Quo et per ejus doctrinam peccatorum a vobis rubigo effugiat, et per ejus suffragia vita vobis concedatur aeterna. R\. Amen.

Per misericordiam.

Lauda. Beatus vir, qui timet Dominum Alleluia: P. In mandatis ejus cupit nimis Alleluia, alleluia, alleluia. V\. Potens in terra erit semen ejus: generatio rectorum benedicetur. P. In mandatis. V\. Gloria, et honor. P. In mandatis.

Oratio. Debitas tibi, Domine aeterne, referimus grates, et Jesu Christo Domino nostro, in cujus similitudinem beatissimus Cyprianus, dum offert victimam, ipse est victima; dum sacerdotium eligit, martyrium devotus implevit. Obtineat igitur apud te, Deus summe; ut des miseris indulgentiam post delictum, qui meruit post sacerdotium subire martyrium. R\. Amen.

Per .