Reader

II. Hospitalem domum quamdam fratribus Praemonstra tensibus in ecclesia B. Mariae Magdeburgensi constitutis tradit. (HUGO, Vie de S. Norbert, p. 362, notes.)

In nomine sanctae et individuae Trinitatis, nos NORBERTUS, Dei gratia sanctae Ecclesiae Magdeburgensis archiepiscopus.

Cum plurima antecessoris nostri piae memoriae Adalberti munifica largitate, quaedam domus hospitalis juxta ecclesiam beatae et gloriosissimae Mariae constructa fuisset, ipsam, quod non sperabamus, pene annihilatam invenimus, ita quod hi qui in ea stipendium quotidianum accepturi erant, indecenter et miserabiliter mendicarent, quorum necessitati et miseriae compatiens, consilio et consensu majorum nostrorum, eamdem domum hospitalem fratribus nostris in ecclesia beatae et perpetuae virginis Mariae constitutis cum omnibus eidem hospitali attinentibus, regendam et disponendam jure perpetuo tradidimus.

Actum in suburbio civitatis Magdeburgensis, anno Dominicae Incarnationis 1130.

Hujus rei testes sunt Lindolphus Brandeburgensis episcopus, Gombertus episcopus Havelbergensis, Hartuicus episcopus Misnensis.