Reader

VI. Ad Loos prope Insulas, monachi Clarevallenses locum designant condendo monasterio, cujus fundamenta, BERNARDO AUCTORE PRAESENTE, ut habet monasterii chronica, jacta sunt.

In nomine Patris et Filii et Spiritus Sancti. Ego Theodericus, Flandriae comes, notum facio, quod monachi de Claravalle emerunt, ad opus ecclesiae Sanctae Mariae apud Los, terram Bernardi de Anakim, quam ipse tenuit in feodo De Pirron de Bargas; et idem Petrus eamdem terram tenuit de me. Et ut hoc inconvulsum praefatae ecclesiae in perpetuum permaneat, sigilli mei impressione et scripto assignavimus confirmari in remissionem peccatorum meorum et sub testimonio sufficienti. Signum Rogeri de Wafrin.-- S. Petri de Maisnil. S. Hugonis de Los et Clerbald fratris ejus. S. Lamberti filii Rikir. S Johannis pulchri.

Actum Insulis anno MCXLVII in vigilia Pentecoste, dum secunda vice pergerem ad sanctam Hierusalem.

Ex originali membrana, e qua pendebat sigillum nunc avulsum, in eodem archivo Insulensi adservata.