Probationes
Choose a text
id="mobileReaderAuthor" class="mobile-reader-author" href="/authors/auctores-varii" aria-label="More works by Auctores varii">
—
⋯
Original / primary: 11343 Probat2
8.1
VIII. L' Epitafe de Dame Aelis ou Aelet, mere de Sainct Bernard, composè par le mesme Guillaume Flameng
8.1
A Clereuaulx en ceste sepulture, Gist Dame Aeleth, humble entre les haultaines, Née à Montbar, ou print sa nouriture, Puis espousa le seigneur de Fontaines. Illec vesquit par ans et par sepmaines, Soubs Tecelin son espoux sumptueux. Mais en faisant ses actions humaines, Auoit le cueur deuot et vertueux.
8.2
La noble Dame eut sept enfans, Six fils et une fille saige: Tous victorieux, triomphans Sur peché et sur vain usaige. 436 La mere par son sainct langaige Leur donnoit admonition, Comme pour viure en hermitage, Ou entrer en religion.
8.3
Au createur les offroit humblement, L' un apres l' autre, ainsi comme ils naissoient. De son tetin bailloit nourrissement, Et d' autre laict iamais ne repaissoient. En ce faisant, la nature prenoient, Et bonnes meurs de la mere notable: Par quoy enfin vertueux deuenoient, Car arbre bon porte fruit proffitable.
8.4
Ainsi se gouvernoit la Dame. En forme de religieuse: Qui seruant Dieu de corps et d' ame Estoit misericordieuse. Sa famille deuotieuse Soubs crainte de Dieu substentoit De viande non curieuse, Mais de gros mets la contentoit.
8.5
De ses enfans Sainct Bernard fut le tiers: Si en songea quant elle le portoit: Et touteffois elle ouyt voulentiers L' interpreteur qui le vray luy comptoit. Car pour certain son songe denotoit Que ce seroit un sainct predicateur, Pour corriger le monde, qui estoit Plain de pechez, et preuaricateur.
8.6
Dez lors elle diligenta Sur Bernard l' enfant precieux. 437 Premier l' offrit et presenta A Iesu- Christ Roy glorieux. Et pour le rendre copieux En lettres et en sapience, A Chastillon lieu spacieux Le mist pour aprendre science.
8.7
Quand ses enfans furent grands et parfaits, Elle entendit à reigler sa maison: Continuant aumosnes et bienfais Veillant de nuyct en ieune et oraison. Ainsi viuant comme en religion Il pleut à Dieu pourueoir de son trespas, Pour luy donner sa retribution Auec les Saincts en celeste repas.
8.8
Si luy print une enfermeté, Dont elle passa de ce monde, Et à Dieu sans difficulté Rendit son ame pure et monde: Car, comme celle qui se fonde En totalle devotion, Par contemplation profonde Receut son extreme unction.
8.9
Les gens d' Eglise avec autre mesgnie, Glercs, Prestres, laiz, à son definement Furent presens chantans la letanie, Comme il affiert au digne sacrement. Lors respondant de cueur deuotement, Et demonstrant qu' elle estoit saincte Dame, Sur certain pas se signa humblement: Et ce faisant rendit à Dieu son ame.
8.10
438 Mais avant rendre l' ame à Dieu Elle fit de la Croix le signe: Et ne peut remettre en son lieu Sa main dextre noble et insigne. Ainsi trespassa la tresdigne, En bonnes moeurs accoustumée: Qui en l' eglise Sainct Benigne Reveremment fut inhumée.
8.11
Puis Sainct Bernard ne cessa nuit et jour De remonstrer aux freres et amys, Qu' il conuenoit aller prendre sejour En lieu deuot, les biens mondains obmis. Mais André fut negligent et remis, Qui en ce temps bon cheualier estoit. Finablement quand beaucoup y eut mis, Sa mere vit qui les admonestoit.
8.12
Sainct Bernard et André son frere, Parlant de la religion, Apres le trespas de leur mere En eurent clere vision. Qui de leur bonne intention Se soubsrioit deuant leurs yeulx, Et monstroit exhortation De proceder de bien en mieulx.
8.13
En l' an qu' on dit mil deux cens et cinquante, La saincte Dame avec Dieu exaltée, Pour nous causer deuotion plaisante, Fut de Dijon à Clereuaulx portée. Apres qu' on eut la place disposée En ce beau lieu, nommé Sainct Salvateur, 439 Par gens de bien y fut mise et posée Pres de son fils Sainct Bernard de Docteur.
8.14
Prions Dieu par devotion Qu' il nous gard de chose temere: Et que par l' intercession Tant du fils comme de la mere, Face florir ce monastere En toute vertu venerable. Puis, apres cette vie austere, Nous doyent sa gloire perdurable.
8.15
AMEN .
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).