Auctores varii
Statuta antiqua ordinis Carthusiani
Cart 6.3
Choose a text
More by Auctores varii
—
10478 Stanorc
6.1
VI. STATUTA EDITA IN CAPITULO GENERALI ORDINIS CARTHUSIENSIS ANNO 1289.
6.1
Anno Domini 1289, de novo statuimus quod quaelibet domus ordinis possit habere duos clericos redditos, qui sint de numero VII redditorum.
6.2
Item pro personis in domibus associatis persolvant priores, sicut pro personis propriis, nisi mutua pactio aliud contineat.
6.3
Item de novo statuimus, ut deinceps termini per duos priores more solito limitati et scripti ad sequens capitulum apportentur, et ibi rationabiliter examinati per omnes diffinitores approbentur et sigillentur, et extunc habeant roboris firmitatem.
6.4
Item de novo statuimus quod priores et procuratores, qui reperti fuerint culpabiles negligentia vel alio modo de evasione incarceratorum, sequenti capitulo clament culpam suam, etsi judicio capituli dignum fuerit, obedientiis priventur; alii vero qui evasionis causam dederint, obedientias de caetero non habeant et locum subeant evadentis.
6.5
Item, de novo statuimus quod monachi conversi et redditi de incontinentia convicti et confessi, si contigerit aliquo tempore reconciliari eos ordini, nullo modo fiat id domibus in quibus convicti fuerint, nisi ad perpetuum carcerem, de quo si educerentur, nullo modo ibi remaneant, sed alibi collocentur sub debita disciplina.
6.6
Item, cum scandalum non modicum et inter magnos in terra ista ortum fuerit propter scyphos argenteos a quibusdam prioribus deportatos, inhibemus districte ne de caetero extra domos per aliquem de ordine deportentur.
6.7
Item, de novo statuimus quod visitatores quos obire contigerit intra domum aliquam ordinis, ibi habeant monachatum; et si prope, tricenarium habeant in domo in qua sepelientur.
6.8
Item, inhibemus ne quis per se impetret vel impetrari faciat a principibus vel aliis quibuscunque litteras rogatorias pro seipsis.
6.9
Item, associationem tricenarii faciendam statuimus primo anniversario post incoeptionem tricenarii.
6.10
Item, ad quaedam verba prioris Vallis S. Petri respondetur, quod per modum statuti non fuit concessum quod prior Carthusiae posset compellere per censuram ecclesiasticam domos quae ei debeant, et ideo non oportet quod statutum revocetur, quia nullum.
6.11
Item, domus Belli Larici vocetur de caetero Bellus Locus.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).