Epistulae
Choose a text
id="mobileReaderAuthor" class="mobile-reader-author" href="/authors/ausonius-decimus-magnus" aria-label="More works by Ausonius, Decimus Magnus">
—
⋯
Original / primary: Perseus Lat2
32.1
Omnipotens genitor rerum, cui summa potestas,
32.2
exaudi, si iusta precor, ne sit mihi tristis
32.3
ulla dies, placidam nox rumpat nulla quietem,
32.4
nec placeant aliena mihi, quin et mea prosint
32.5
supplicibus nullusque habeat mihi vota nocendi
32.6
aut habeat nocitura mihi. male velle facultas
32.7
nulla sit ac bene posse adsit tranquilla potestas,
32.8
mens contenta suo nec turpi dedita lucro
32.9
vincat corporeas casto bene conscia lecto
32.10
inlecebras, turpesque iocos obscenaque dicta
32.11
oderit illa nocens et multum grata malignis
32.12
auribus effuso semper rea lingua veneno,
32.13
non obitu adfligar cuiusquam aut funere crescam,
32.14
invideam numquam cuiquam nec mentiar umquam,
32.15
adsit laeta domus epulisque adludat inemptis
32.16
venia satur fidusque comes nitidusque minister,
32.17
morigera et coniunx caraque ex coniuge nati.
32.18
Moribus haec castis tribuit deus: hi sibi mores
32.19
perpetuam spondent ventura in saecula vitam.