Reader

EDITIO BOLLANDIANA. OCTOBER.

-- KALENDIS. Festivitas S. Remigii Remis civitate.

Florus in A. T. L.: Elissipona civitate passio sanctorum Verissimi, Maximi, et Juliae[ A., Julii] qui passi sunt sub Datiano praeside. Quorum Datianus confessione comperta, parari secretarium jubet et intromitti lictores, extendi martyres, admoveri verbera, colligari ungulas, exponi aquuleos, et tendiculas imperavit. Et, cum nihil horum Dei famulos aut terruit promissum aut superavit appositum, gladio tandem consummantur.

A. T., Ipso die in pago Medratense natale S. Piatonis martyris. A. T. L., Treviris civitate depositio S. Nicetii episcopi. V. C., Autissiodoro depositio S. Germani episcopi et confessoris. B., Et alibi Vedasti, Bavonis et Pietonis. In civitate Tumis natale SS. Prisci, Crescenti, Evagri. Et S. Melori.

-- VI NONAS. Vacat Baeda.

Florus in A. T. L., In Gallia passio S. Leodegarii episcopi et martyris, qui jussu Ebroini, qui ante monachus, tunc major- domus exstitit, oculis et lingua privatur, sed fame non tollitur: et postea magna inopia trucidatus, novissime ense suscepto plectitur capite.

Supplementum deest in D., manu autem recentiori inscriptum est: Natale S. Leudegarii martyris. B. V. C., In Antiochia Primi, Quirilli, et Secundiani, Romae S. Eusebii episcopi. Alibi Felicis et Casti. In pago Pictavensi depositio Leodegarii episcopi et confessoris.

T., Romae via Appia depositio Eusebii episcopi et Beati episcopi. B., In Nicomedia S. Eleutherii.

-- V NONAS. Apud antiquos Saxones natale duorum Ewaldorum presbyterorum, qui cum Willibrordo episcopo venientes in Germaniam, transierunt ad Saxones: et cum ibi praedicare Christum coepissent, comprehensi sunt a paganis et sic occisi: ad quorum corpora multa diu lux apparens, et ubi essent et cujus essent meriti, declaravit. C. V., In Africa Victoris, Urbani. V. C. B., Alibi Felicis[ C., Elicii] et Casti. A., In Africa natale SS. Victoris et Casti. T., In Africa natale SS. Victoris, Felicis, et Casti. Et S. Dionysii episcopi et martyris. Et haec utrobique primo loco quoad Africanos; in A. ad calcem ponitur: Eodem die passio S. Dionysii episcopi. B., In Antiochia natalis S. Theogenis. In pago Pictavensi passio S. Leodegarii martyris.

-- IV NONAS. Vacat Baeda.

B. V. C., In Aegypto Marci et Marciani. V. C., Alibi Marcelli episcopi. V., Et depositio Marsi episcopi. B. C., Autissiodoro[ C. om. Autissiodoro] depositio Marci presbyteri. In Africa Maurusii, Restituti. D., Apud Corinthum Crispi et Gaii: quorum meminit Apostolus Corinthiis scribens. B., In Anxiopoli natale S. Clasii. A. T. L., In Africa natale sanctorum Restituti et S. Marcelli episcopi. Autissiodoro depisitio S. Marci presbyteri. L., Et natale S. Francisci confessoris.

-- III NONAS. Vacat Baeda. V. C., In Sicilia Placidi, Eutici et alii triginta. Alibi Victorini, Fausti. D., Apud Siciliam SS. Placidi, Eutychii et aliorum triginta. B. A. T. L., In Gallia[ B., Africa] civitate Valentiae depositio Apollinaris episcopi. Autissiodoro depositio sanctorum germanorum Firmati diaconi, et S. Flavinae, vel Flaviae vel Flavianae virginis.

-- II NONAS. Vacat Baeda. V. C., Romae depositio Marci episcopi. Et in Africa Rogati, Saturnini, Januarii, Faustini, et Marcialis[ Al., Fausti et Marci]. B., Eodem die passio SS. Fausti, Januarii et Mercialis. B. D., Apud Capuam sanctorum Marcelli, Casti Aemilii, Saturnini. Et observa frequentius aliquoties recurrisse ut ubi Vaticanum et S. Cyriaci habent Africam, Divionense legat Capuam, ut fortassis alicubi Carthago scripta fuerit.

A. T., Romae depositio S. Marci episcopi. Capua natale sanctorum Casti et Saturnini. A. T. B., Antissiodoro depositio S. Romani episcopi. In Aginno S. Fidis martyris. T., Sociorumque ejus Caprasii, Primi et Feliciani. B., Romae natale S. Balbinae. L., In Capua natale SS. Casti et Saturnini. Et in Agenna S. Fidis virginis.

-- NONIS. Natalis S. Marci papae. Ipso die natalis S. Lini papae.

Abest postremus a mss. A. T. L. V. C. B., Et SS. Sergii et Bacchi. In Capua Quarti et Marcellini. L., Et SS. Marcelli et Apulei martyrum.

A. T., Romae depositio S. Marci papae. Ipso die natale SS. Sergii et Bacchi martyrum. A. T. B., Bituricas civitate depositio S. Augustini[ B., Augustalis] episcopi et confessoris. A. T., eodem die natale SS. Marcelli et Apulei.

-- VIII IDUS. Vacat Baeda et supp. Diu. B. V. C., In Antiochia Dionysii episcopi[ B. om. episcopi], Januarii, Faustini martyrum: Martialis[ C. om. martyrum: Martialis], Privati[ B. om. Privati]. A. T, In Antiochia civitate natale SS. Januarii, Privati, et S. Faustini martyrum. A. L., In Auriniaco S. Benedictae martyris. In Caesarea Palaestinae passio S. Reparatae virginis. A., In Hunulficurte depositio S. Valeriae virginis. Ipso die in Donnino natale S. Ragenfredis virginis. T., Eodem die natale sanctarum virginum Ranghenfledis et Benedictae martyris. B., Eodem die natale SS. Marcelli et Apulei.

-- VII IDUS. In Parisiis natale sanctorum martyrum Dionysii episcopi, Rustici et Eleutherii.

Additur in A. et T.: Qui Trinitatem confitentes trino gloriose meruerunt coronari martyrio. Ast in L.: Qui post nimia tormenta securibus submiserunt colla tempore Domitiani principis. Eodem die in Colonia Gereon martyris cum aliis trecentis quindecim.

Ut est in R.; at in, septemdecim; in Barberiniano et S. Cyriaci CCCXVIII; in V., decem et octo. Absunt omnia ab A. T. L., dubia igitur nobis sunt. C. et V., Eodem die S. Domnini martyris. B., Romae natalis SS. Marcellini, Genuini, Nivii. Et inter duas lauros natale S. Priminae.

-- VI IDUS. Passio S. Victoris martyris. Et in Britannia Paulini[ B. C., Pauli] episcopi Eburaci.

Sed deest Victor in A. et T. mss. et ultimo loco ponitur Paulinus: haec enim praemittuntur in A. et T.: In Africa natale SS. Venusti, Crescentii, et S. Victoris martyris. In Colonia quae vocatur Agrippina natale Gereonis martyris cum aliis trecentis et octodecim. Quae postrema Flori esse videntur: habenturque etiam in L., ubi ultimo loco est solus Victor. V., Malosi cum aliis trecentis triginta. B., In Africa natale SS. Eusebii, Eraclii, Dionysii. Et alibi Malusii cum aliis trecentis et triginta.

-- V IDUS. Vacat Baeda.

Florus in A. T. L.: Turonis depositio S. Venantii abbatis et confessoris, viri magnificae sanctitatis: qui multis infirmis in corpore positus opem commodavit. C. V., Sancti Tanasii presbyteri, Ampodi, Fausti, Januarii. V., Marcelli. C., Martialis. D., Apud Tharsum metropolim martyrum Taraci, Probi et Andronici, qui persecutione Diocletiani martyrizati sunt. A. T., primo loco: In Antiochia natale S. Athanasii episcopi, Eraclii, et Placidi. T., In Colonia quae vocatur Agrippina super fluvium Rheni natale S. Malusii cum aliis trecentis triginta. L., ultimo loco: Et in Antiochia passio Eracli et Placidi. B., In Acervo Siciliae natale SS. Thanasii presbyteri, Placidi, Marcialis. Antiochiae natale S. Heraclii.

-- IV IDUS. Vacat Baeda.

B. V. C., In Provincia Syriae sanctorum. V. B., Evagri, Proseriae[ B., Prosyriae]. Romae Coelestini[ B., Coelesti], Saturi. C., Evagri et Seriae. Romae Coelestis. B., In Aegypto S. Eustasii presbyteri. D., Apud Africam sanctorum confessorum et martyrum quatuor millium nongentorum septuaginta sex. A. T. B., In Campania natale SS. Eucharisti et Fortunati. B., Prisciani. A. T., Romae depositio SS. Saturi et Calisti. T., In Ravenna natale S. Edisti. L., In Ravenna passio S. Edisti. Et Romae passio S. Saturi. B., Biturice S. Opinionis presbyteri.

-- III IDUS. Vacat Baeda. V. C., In Spania Fausti, Marciae. Alibi, Adriani. Alexandriae Athanasii episcopi. B., In Hispaniis Gordoba civitate Fausti et Marciae. Turonis depositio S. Venantii abbatis et confessoris. D., S. Polycarpi discipuli Pauli apud Troadem. B. A. T. L., Calcedonia natale sanctorum Adriani, Januarii[ B. om. Januarii], et Marcelli. T. L., In Hispania passio SS. Fausti et Rustici. T., primo loco natale S. Geraldi confessoris.

-- II IDUS. Natale S. Calixti papae, qui in persecutione Alexandri imperatoris diutius fame cruciatus et quotidie fustibus caesus, per visionem a presbytero suo Calepodio, qui antea martyrium consummaverat, confortatus et consolatus est: qui in carcere eodem positus quemdam militem, nomine Privatum, ab ulcerum dolore ac foeditate simul et ab infidelitate curavit. Quod audiens Alexander, ipsum quidem militem fecit plumbatis deficere: beatum vero Calistum per fenestram domus praecipitari: et ligato ad collum ejus saxo in puteum demergi, et in eum per rudera cumulari. Post dies vero septemdecim presbyter ejus Asterius, cum clericis noctu veniens, levavit corpus, et sepelivit in coemeterio Calepodii. Pridie Idus Octobris[ D. et R. om. Pridie, etc.].

Addit V. C., Sic obiit.

A., Eodem die depositio S. Donatiani episcopi. B., Corduba civitate natale SS. Lupi et Aureliae.

-- IDIBUS. Vacat Baeda. V., Sanctorum Maurorum de militibus et S. Legadiae. Ast C., De militibus et S. Gaidae virginis. D., Transitus S. Justi in eremo, Lugdunensis episcopi. B., Romae Natale S. Fortunatae. A. T. L., Romae passio S. Silvani martyris et S. Fortunati. In Colonia Agrippina natale sanctorum Maurorum de militibus, seu, ut habet L., Maurorum martyrum innumerorum. B., In Gallia Colonia Agrippinensi natale sanctorum Maurorum de militibus. Eodem die natale Savinae.

-- XVII KAL. NOVEMB. Vacat Baeda. V. C., Depositio S. Galli confessoris. Et aliorum pariter ducentorum septuaginta[ C., octoginta]. D., Sanctorum martyrum Marciani et Satyriani cum duobus fratribus eorum et aliorum ducentorum septuaginta. A. T. L., In Africa passio sanctorum martyrum septingentorum sexaginta. A. T., Et natale S. Saturnini et Nerei. T. et L., In Noviomo civitate depositio S. Mummolini confessoris. Ast primo loco in T.: Natale S. Juliani confessoris. B., In Africa passio SS. Ceierae et aliorum ducenti septuaginta. Et alibi Saturnini, Nerei. Et depositio S. Galli confessoris, Berarii confessoris. In Nicomedia natale SS. Alexandri, Victorii. Et passio Silvani.

-- XVI KAL. Vacat Baeda. C. V., In Nicomedia Alexandri. Alibi Mauriani, Crescentiani, Turini[ C., Crescentii, Ruffiniani], Donati. D., Marthae sororis Lazari et Aristionis, qui fuit unus de septuaginta Christi discipulis. A. T. L., In Mauritania natale sanctorum Donati, Nobilitani, Crescentiani, Defensoris et Rusticiani. Sed deest Nobilitanus in L. et A.; item in hoc Crescentianus. B. In Mauritania SS. Nenilucii, Socrati, Venerii, Primae, Donatae, Victoriae, Basillae.

-- XV KAL. Natale S. Lucae evangelistae. Hic Syrus Antiochensis, arte medicus, discipulus apostolorum, postea Paulum secutus est, usque ad confessionem ejus serviens Domino sine crimine. Nam neque uxorem unquam habens neque filios, septuaginta quatuor annorum obiit in Bithynia, plenus Spiritu sancto. Romae S. Triphoniae uxoris Decii Caesaris, quae, viro suo post interfectionem beatorum Sixti et Laurentii divinitus punito, petiit baptizari cum Cyrilla a Justino presbytero, et alia die est defuncta, ac juxta S. Hippolytum in crypta sepulta. B., In Anxiopoli natale SS. Hermetis et Taxii. In Campania civitate Puteoli, Januarii, Euticis. Et alibi Victricis, Marcialis.

-- XIV KAL. Vacat Baeda.

B. V. C., In Ostia Asterii[ B. C., Austeri]. Neapoli sanctorum Januarii[ B. om. Januarii], Festi, ac Desiderii. D., Lucae evangelistae et Asclepiadis Antiocheni episcopi. A. T., In Hostia natale sanctorum Januarii, Festi et Desiderii. T., Eodem die natale sanctorum martyrum Saviniani et Potentiani sociorumque eorum. A., Eodem die Duaco S. Amati Senonum archiepiscopi. T. L., Et depositio S. Amati episcopi et confessoris. Turonis depositio S. Columbani abbatis. T. B., Et in Antiochia Syriae[ T. om. Syriae] passio sanctorum Pelagii et Beronicae[ B., Beronici]. B., In civitate Puteoli, Proculi et Niceae matris ejus.

-- XIII KAL. Vacat Baeda.

B. V. C., In Puteolis Sozimi, Januarii, Dorotheae[ V., Dorothei]. V. C., Alibi Uticii[ C., Euticis], Marcellini. A. T. L., Natale SS. Euticii, Lucii, Marcelliani B., In Nicomedia Eutici, Promati, Lucii, Marcellini. D., Antiochia Berorae, Pelagiae et aliorum quadraginta novem. B., Romae natale Asterii presbyteri. A. T. L., In Aginno passio S. Caprasii martyris. B. praenotat, In Galliis.

-- XII KAL. Sancti Patris nostri Hilarionis, cujus Vitam Hieronymus virtutibus plenam scripsit. Eodem die natale S. Asterii, presbyteri Calixti, qui cum corpus ejus elevatum de puteo sepelisset, post dies sex audiens hoc Alexander imperator, praecepit eum per pontem praecipitari: cujus corpus inventum est, et a quibusdam Christianis in eadem civitate sepultum. Scriptum in Passione S. Calixti papae.

A. T. L., In Colonia Agrippina passio sanctorum undecim millium virginum. Et haec primo loco cum aliqua diversitate: ultimo autem loco in L. additur: Et S. Ciliniae. B., In Nicea Bithyniae natale Macharii, Proculi, Modesti cum aliis ducentis septuaginta. Lugduni Galliae natale B. Viatoris pueri et discipuli S. Justi episcopi. In Africa Modesti, Eutici.

-- XI KAL. Vacat Baeda. V. C., In Adrianopoli[ C. Trajanopoli] Severi, Philippi episcopi, Eusebii, Hermetis. B., In Thracia natale S. Severi. In Antrianopoli Philippi episcopi, Eusebii, Hermetis. T., Thracia natale SS. Hermetis, Eusebii et S. Philippi episcopi. L., In Thracia natale Philippi episcopi, et Severi presbyteri, et Hermetis diaconi. A., Thracia natale SS. Ermetis, Eusebii et S. Philippiani. Eodem die passio S. Gratiani martyris, et depositio S. Autbodi epis. B., Alibi passio S. Leugati martyris. D., Antiochia Theodoriti presbyteri.

-- X KAL. Vacat Baeda. C. V. B., In Adrianopoli Severi, Dorothei. C., die praecedenti: In Trajanopoli Severi episcopi, Dorothei, et S. Oresti. D., Venusia Felicis episcopi Tubzocensis, et Audacti et Januarii presbyterorum. A. T., Natale SS. Severini, Dorothei et Victoris. In territorio Cadetano passio SS. Servandi, et Germani: qui ob confessionem Domini jussu Viatoris praefecti jussi sunt decollari. A., Eodem die depositio S. Romani Rothomagensis archiepiscopi. T. B., Ipso die in Caesarea Cappadociae natale Longini. B., In Caesarea Cappadociae S. Serensi et alibi S. Longini. L., In Caesarea Cappadociae passio SS. Longini, Severi, Victoris et Dorothei. Et S. Severini Coloniensis archiep.

-- IX KAL. Vacat Baeda.

Vacat etiam Divionense ms., nisi quod ex sequenti die de XLVI militibus hic posita suo deinde loco in Baedae contextu repetantur. B. V. C., In Nicomedia Vitalis, Felicis, Rogati, Victoriae, Flaviani, Victoris[ B. om. Victoriae... Victoris]. A. T. L., Nicomedia natale Rogati, Flaviani et Vitalis. T. L. addunt Felicis, Papperii. B., Hierapoli Phrygiae natale SS. Claudiani, Eleutherii, Justi et Victoris.

-- VIII KAL. Suessiones natale sanctorum martyrum Crispini et Crispiniani.

Addit Florus in A. T. L.: Quos Rictiovarus praefectus jussu Maximini imperatoris comprehendens, cum idolis sacrificare nollent, fecit a trochleis extendi et fustibus caedi: deinde in ungulis eorum sudes mitti: et de dorso singulorum singulis corrigiis ablatis, eorum colla molis suspensis in fluvium demergi: ac plumbo ignito et pice ferventi et oleo concremari. Qui in cunctis dextera Christi protecti, et Rictiovaro praefecto in his ultione divina interempto, praecipiente Maximiano imperatore gladio sunt trucidati. Quorum corpora angelo monente quidam senex nocte in navicula contra undam fluminis leviter vehens, clam sepelivit. Ipso die Romae via Salaria natale quadraginta sex militum, qui simul baptizati a Dionysio papa, et mox jubente Claudio imperatore decollati sunt. Ubi sunt positi et alii martyres centum viginti unus: inter quos fuerunt quatuor milites Christi Theodotius, Lucius, Marcus, et Petrus. Scriptum in Passione S. Xisti.

A. T., Eodem die in pago Viromanduensi dedicatio ecclesiae S. Quintini et translatio corporis ipsius. C., Romae SS. Chrysanthi et Dariae. B., Translatio S. Bartholomaei de insula Lippari in Benevento. Eodem die Grisanti et Dariae. In Italia civitate Florentia passio S. Miniati martyris cum sociis suis, Eodem die passio SS. Luciani et Marciani.

-- VII KAL. Vacat Baeda.

Florus in A. T. L.: Nicomediae natalis sanctorum martyrum Martiani, Flori et Luciani: qui tempore Decii imperatoris igni traditi sunt sub Sabino proconsule.

B. V. C., In Nicomedia Luciani, Marciani, Flori[ V. Florae], Eraclii[ C. Erodii]. B., Tutti, Florini. D. Alehela civitate Vincentii, Sabini, et Christetes. A. T. L., Eodem die Elnone monasterio translatio corporis S. Amandi et dedicatio ecclesiae ipsius B., Et Amandi episcopi et confessoris.

-- VI KAL. Vacat Baeda.

Florus in A. T. L.: Romae S. Evaristi, qui sextus post Petrum annis novem, mensibus undecim, Ecclesiam Romanam regens, temporibus Domitiani et Nervae martyrio coronatur.

B. C. D. V. A. T. L., Vigilia apostolorum Simonis et Thadaei. C. V., In Africa Polycarpi. V., Romae Marciani, Luciani, Marciani, Floriani, Lucii. Alibi S. Florentii. C., Romae, Martiani, Lucii, Florentii. A. T. L., In Sardinia SS. Victi, Proti et Florentii. T., Maslinas monasterio natale S. Romaldi martyris. L., Ipso die S. Rictrudis. B., Natale SS. Mariniani, Lucii, Victi. In Sardinia natale S. Florini. In Phrygia SS. Tarci, Polycarpi, Gagii, Metrobi, Eumeniae.

-- V KAL. Natale sanctorum apostolorum Simonis et Thadei.

Additur in A. T. L.: Qui a templorum pontificibus occisi sunt in Suanis civitate magna apud Persidam. B., In civitate magna Silantis apud Persidam. Et Romae S. Cyrillae filiae Decii Caesaris, quae sub Claudio principe jugulata et necata est gladio: et sepulta a Justino presbytero cum matre sua juxta S. Hippolytum.

Florus in A. T. L., Ipso die passio SS. Vincentii, Sabinae et Christetae, qui passi sunt in urbe Avila. Qui singillatim sursum ac deorsum in equuleo sunt extensi, divaricatis membrorum compagibus, et dissipati verberibus. Et cum nec sic deficerent, colla lapidibus supposita, fuste desuper cerebro illiso, tali martyrio consummati, pariter animas tradiderunt.

B., In Carthagine S. Suffratiani et S. Rituti confessoris.

-- IV KAL. Vacat Baeda.

Florus in A. T. L., Eodem die natale S. Pontiani papae et martyris: qui ab Alexandro imperatore sub consulibus Severo et Quintiano cum Hypolito presbytero, exsilio in insula Sardiniae Bucina deportatus, martyrium consummavit. Scriptum in libro episcoporum.

B. V. C., In Lucania S. Saccinti, Quinti[ B., Quintini], Feliciani et Lucii, C., Et natalis S. Euphrosynae. A. T. L., In Lucania SS. Luciani, Quinti et S. Feliciani martyris. T., primo loco: Natale S. Theuderii confessoris. D. Narcissi Hierosolymorum episcopi.

-- III KAL. Vacat Baeda. V. C., In Nicomedia Januarii, Marcialis. B. V. C. D., Et in Africa passio sanctorum martyrum ducentorum viginti[ C., Triginta]. B., In Nicomedia SS. Calendionis, Martialis, Theophili. D., Civitate Tingitana passio S. Marcelli centurionis. B., Et alibi passio S. Feliciani cum sociis suis. Eodem die passio S. Marcelli, martyris. A. T. L., passio S. Marcelli qui amputatione capitis martyrium consummavit jussu Agricolani principis. In Africa[ L. om. in Africa] natale SS. Theophili et Eusebii. Tolosa civitate translatio S. Saturnini episcopi et martyris. T. L., In Nicomedia passio Calendionis, Marcialis, Germani.

-- II KAL. In Galliis S. Quintini qui sub Maximiano imperatore martyrium passus est: et post annos quinquaginta quinque inventum est revelante angelo corpus, et sepultum VIII Kal. Julii[ D. om. VIII Kal. Jul.]. Florus in A. T. L. elogium amplius exhibet hoc modo: In Galliis Augusta Veromanduorum passio S. Quintini martyris, qui Romae senatorio corpore editus, sed amore Christi tempore Maximiani imperatoris Gallias aggressus, maximis praedicationibus, signis et miraculis gloriose enituit.[ Cujus fama Rictiovarus praefectus audita, jussit perquiri, et comprehensum catenis astringi ac carceri mancipari. Denique ex officio sibi exhibito percunctata religione, quia idolis sacrificare contempsit, dirissimis fecit flagellis caedi. In qua caesione oculis mentis ac corporis in coelum directis, Domino gratias agens, tortoribus ejus in terram ruentibus coelitus voce dilapsa talem divinam meruit allocutionem: Quintine, inquit, constans esto, viriliter age, ego autem adero tibi. Rursusque catenatus in carcerem recluditur: ubi angelica visione usus, ductuque ejus universas carceris custodias transiens, ad locum ostensum veniens, longa populis praedicatione perorata, ferme ad sexcentos viros usque convertit. Qua indignatione Rictiovarus stomachatus, intantum trochleis torqueri praecepit, ut membra ejus vi durissima solvi cogerentur. Insuper et resticulis ferreis eum caedi, et oleum candens, picem et adipem ferventissimum dorso applicari; calcem et acetum sinapimque ori ejus infundi, iterumque ponderosis catenis collum colligari, et duos sudes ferreos a cervice usque ad crura, itemque decem clavos inter ungulas et carcerem jussit transfigi. Quibus divina protectione superatis, ad ultimum capite jussit plecti, et corpus illius nocte in fluvio subplumbari. Amputatoque capite, velut columba candida sicut nix mox visa est de collo ejus exire, et liberrimo volatu coelum penetrare.[ Corpus vero ejus, quod in fluvio Somenae subplumbatum fuerat, post annos quinquaginta quinque cuidam Romanae matronae ab angelo revelatum est, et ab eadem inventum in municipio quod Augusto Viromanduorum nuncupatur, VIII Kal. Julii sepultum. Scriptum in Gestis ejus.] In Nicomedia passio S. Eusebii: qui tempore Maximiani imperatoris sub Maxentio praeside capitis abscissione martyrium consummavit.

Primis uncis inclusa in ms. Laetiensi hoc modo brevius contrahuntur: Quo comperto Rictiovarus praefectus vinctum ad se jubet adduci, et post plura supplicia carceris, vinculorum, diversorum verberum, ad extremum oleum candens, etc. Reliqua de inventione corporis similiter uncis signata desunt in Atrebatensi. V. C. Natale S. Quintini[ C., quinti] Martyris, Felicis, Donati et aliorum viginti novem. B. In Macedonia SS. Vitalis, Petri, Crescentii, Alterni.