Officium de S. Victore
Choose a text
id="mobileReaderAuthor" class="mobile-reader-author" href="/authors/bernardus-claraevallensis1090-1153" aria-label="More works by Bernardus Claraevallensis">
—
⋯
Original / primary: 11253 Ofdesvi
2.1
HYMNUS.
2.1
Vita Victoris meritis praeclara, Hominem terris, qui non sit de terra, Velut e coelo datum repraesentat Ad imitandum.
2.2
Christus in illo vixit, et non ipse; Speculum vitae mortuis de mundo, Homo coelestis praebuit se ipsum, Similes quaerens.
2.3
Aliquid quoque sanctius professus, Exstitit Victor forma sanctitatis, Integrum servans atque incorruptum Decus honesti.
2.4
Unde et vidit visiones Dei, Vidit et coelos aperiri sibi. Nempe pudicos visio coelestis Quaerit aspectus.
2.5
Gloria summae Trinitati Deo, Gloria trina una personarum, Tota cujusque non divisa trium, Tres enim unum.
2.6
Ad Magnif. Antiphona. Magna est virtus Domini tui, Victor, nec minor pietas: et utinam per te nobis tam sit propitius ad salutem, quam tibi magnificus exstitit ad virtutem! Magnifica, Victor, Dominum, qui magna fecit tibi, magnum te faciens, ut faceres mirabilia, in quibus mirabilis fieres; dedit certare, ut vincere daret, et Victorem coronaret.
2.7
Collecta. Exaudi, Domine, quaesumus, tibi supplicantium preces ut, quos corporali beati confessoris tui Victoris fecisti praesentia gloriari, concedas ejus benigna intercessione undique praemuniri. Per Dominum Jesum, etc
2.8
1258 AD MATUTINUM.
2.9
Invitat. Confidete, Victor vicit mundum Gaudeamus in ejus victoria, ut vincamus.