Reader

Caeli, Lesbia nostra, Lesbia illa, illa Lesbia, quam Catullus unamplus quam se atque suos amavit omnes, nunc in quadriviis et angiportisglubit magnanimi Remi nepotes. Non custos si fingar ille Cretum, non si Pegaseo ferar volatu, non Ladas ego pinnipesve Perseus, non Rhesi niveae citaeque bigae: adde huc plumipedes volatilesque, ventorumque simul require cursum, quos vinctos, Cameri, mihi dicares: defessus tamen omnibus medulliset multis langoribus peresusessem te mihi, amice, quaeritando.