Catullus
Icarmina
Icarmina 68b.34
Choose a text
More by Catullus
—
Perseus Lat2
68b.1
non possum reticere, deae, qua me Allius in re
68b.2
iuverit aut quantis iuverit officiis,
68b.3
ne fugiens saeclis obliviscentibus aetas
68b.4
illius hoc caeca nocte tegat studium:
68b.5
sed dicam vobis, vos porro dicite multis
68b.6
milibus et facite haec charta loquatur anus
68b.8
notescatque magis mortuus atque magis,
68b.9
nec tenuem texens sublimis aranea telam
68b.10
in deserto Alli nomine opus faciat.
68b.11
nam mihi quam dederit duplex Amathusia curam
68b.12
scitis, et in quo me corruerit genere,
68b.13
cum tantum arderem quantum Trinacria rupes
68b.14
lymphaque in Oetaeis Malia Thermopylis,
68b.15
maesta neque adsiduo tabescere lumina fletu
68b.16
cessarent tristique imbre madere genae,
68b.17
qualis in aerii perlucens vertice montis
68b.18
rivus muscoso prosilit e lapide,
68b.19
qui, cum de prone praeceps est valle volutus,
68b.20
per medium densi transit iter populi,
68b.21
dulce viatori lasso in sudore levamen
68b.22
cum gravis exustos aestus hiulcat agros.
68b.23
hic, velut in nigro iactatis turbine nautis
68b.24
lenius adspirans aura secunda venit
68b.25
iam prece Pollucis, iam Castoris implorata,
68b.26
tale fuit nobis Allius auxilium.
68b.27
is clausum lato patefecit limite campum,
68b.28
isque domum nobis isque dedit dominae,
68b.29
ad quam communes exerceremus amores.
68b.30
quo mea se molli candida diva pede
68b.31
intulit et trito fulgentem in limine plantam
68b.32
innixa arguta constituit solea,
68b.33
coniugis ut quondam flagrans advenit amore
68b.34
Protesilaeam Laodamia domum
68b.35
inceptam frustra, nondum cum sanguine sacro
68b.36
hostia caelestis pacificasset eros.
68b.37
nil mihi tam valde placeat, Rhamnusia virgo,
68b.38
quod temere invitis suscipiatur eris.
68b.39
quam ieiuna pium desideret ara cruorem
68b.40
docta est amisso Laodamia viro,
68b.41
coniugis ante coacta novi dimittere collum
68b.42
quam veniens una atque altera rursus hiems
68b.43
noctibus in longis avidum saturasset amorem,
68b.44
posset ut abrupto vivere coniugio:
68b.45
quod scibant Parcae non longo tempore abesse,
68b.46
si miles muros isset ad Iliacos:
68b.47
nam tum Helenae raptu primores Argivorum
68b.48
coeperat ad sese Troia ciere viros,
68b.49
Troia (nefas) commune sepulcrum Asiae Europaeque,
68b.50
Troia virum et virtutum omnium acerba cinis:
68b.51
quaene etiam nostro letum miserabile fratri
68b.52
attulit. Hei misero frater adempte mihi,
68b.53
hei misero fratri iucundum lumen ademptum,
68b.54
tecum una tota est nostra sepulta domus,
68b.55
omnia tecum una perierunt gaudia nostra,
68b.56
quae tuus in vita dulcis alebat amor.
68b.57
quem nunc tam longe non inter nota sepulcra
68b.58
nec prope cognatos compositum cineres,
68b.59
sed Troia obscena, Troia infelice sepultum
68b.60
detinet extremo terra aliena solo.
68b.61
ad quam tum properans fertur simul undique pubes
68b.62
Graeca penetralis deseruisse focos,
68b.63
ne Paris abducta gavisus libera moecha
68b.64
otia pacato degeret in thalamo.
68b.65
quo tibi tum casu, pulcherrima Laodamia,
68b.66
ereptum est vita dulcius atque anima
68b.67
coniugium: tanto te absorbens vertice amoris
68b.68
aestus in abruptum detulerat barathrum,
68b.69
quale ferunt Grai Pheneum prope Cylleneum
68b.70
siccare emulsa pingue palude solum,
68b.71
quod quondam caesis montis fodisse medullis
68b.72
audit falsiparens Amphitryoniades,
68b.73
tempore quo certa Stymphalia monstra sagitta
68b.74
perculit imperio deterioris eri,
68b.75
pluribus ut caeli tereretur ianua divis,
68b.76
Hebe nec longa virginitate foret.
68b.77
sed tuus altus amor barathro fuit altior illo,
68b.78
qui tunc indomitam ferre iugum docuit.
68b.79
nam nec tam carum confecto aetate parenti
68b.80
una caput seri nata nepotis alit,
68b.81
qui, cum divitiis vix tandem inventus avitis
68b.82
nomen testatas intulit in tabulas,
68b.83
impia derisi gentilis gaudia tollens
68b.84
suscitat a cano vulturium capiti:
68b.85
nec tantum niveo gavisa est ulla columbo
68b.86
compar, quae multo dicitur improbius
68b.87
oscula mordenti semper decerpere rostro
68b.88
quam quae praecipue multivola est mulier:
68b.89
sed tu horum magnos vicisti sola furores,
68b.90
ut semel es flavo conciliata viro.
68b.91
aut nihil aut paulo cui tum concedere digna
68b.92
lux mea se nostrum contulit in gremium,
68b.93
quam circumcursans hinc illinc saepe Cupido
68b.94
fulgebat crocina candidus in tunica.
68b.95
quae tamenetsi uno non est contenta Catullo,
68b.96
rara verecundae furta feremus erae,
68b.97
ne nimium simus stultorum more molesti:
68b.98
saepe etiam Iuno, maxima caelicolum,
68b.99
coniugis in culpa flagrantem concoquit iram
68b.100
noscens omnivoli plurima furta Iovis.
68b.101
atqui nec divis homines componier aequum est
68b.102
ingratum tremuli tolle parentis onus.
68b.103
nec tamen illa mihi dextra deducta paterna
68b.104
fragrantem Assyrio venit odore domum,
68b.105
sed furtiva dedit mira munuscula nocte
68b.106
ipsius ex ipso dempta viri gremio.
68b.107
quare illud satis est, si nobis is datur unis
68b.108
quem lapide illa diem candidiore notat.
68b.109
68b.109
hoc tibi quod potui confectum carmine munus
68b.110
pro multis, Alli, redditur officiis,
68b.111
ne vestrum scabra tangat robigine nomen
68b.112
haec atque illa dies atque alia atque alia.
68b.113
huc addent divi quam plurima, quae Themis olim
68b.114
antiquis solita est munera ferre piis:
68b.115
sitis felices et tu simul et tua vita
68b.116
et domus, in qua nos lusimus et domina,
68b.117
et qui principio nobis † terram dedit aufert,
68b.118
a quo sunt primo omnia nata bona,
68b.119
et longe ante omnes mihi quae me carior ipso est,
68b.120
lux mea, qua viva vivere dulce mihi est.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).