Panegyricus de tertio consulatu Honorii Augusti
Choose a text
id="mobileReaderAuthor" class="mobile-reader-author" href="/authors/claudian" aria-label="More works by Claudian">
—
⋯
Original / primary: Perseus Lat2
pr.1
Parvos non aquilis fas est educere fetus
pr.2
ante fidem soils iudiciumque poli.
pr.3
nam pater, excusso saluit cum tegmine proles
pr.4
ovaque maternus rupit hiulca tepor,
pr.5
protinus implumes convertit ad aethera nidos
pr.6
et recto flammas imperat ore pati.
pr.7
consulit ardentes radios et luce magistra
pr.8
natorum vires ingeniumque probat.
pr.9
degenerem refugo torsit qui lumine visum,
pr.10
unguibus hunc saevis ira paterna ferit.
pr.11
exploratores oculis qui pertulit ignes
pr.12
sustinuitque acie nobiliore diem,
pr.13
nutritur volucrumque potens et fulminis heres,
pr.14
gesturus summo tela trisulca Iovi.
pr.15
me quoque Pieriis temptatum saepius antris
pr.16
audet magna suo mittere Roma deo.
pr.17
iam dominas aures, iam regia tecta meremur
pr.18
et chelys Augusto iudice nostra sonat.