Reader

Anni Hebreorum in Aegypto post Joseph.

Mispharmutos rex Aegytiorum 5 regnavit ann. 26. Creausus rex Argivorum quintus regnavit ann. 54.

Machaleus rex Assyriorum 13u s regnavit ann. 30 Theomesis rex Aegyptiorum 6u s regnavit ann. 9.

Ortopolis Syciniorum 12u s regnavit ann. 63.

Ammenopes rex Aegyptiorum 7u s regnavit ann. 31.-- His temporibus fuisse putatur Syrus indigena, a quo Syria dicta est.

Sperus rex Assyriorum 14 regnavit ann. 20. Moyses in Aegypto nascitur.

Mamilus rex Assyriorum 15m u s regnavit annis 30. Epidaurus condita est. Phorbas rex Argivorum sextus regnavit ann. 35. Horus rex Aegyptiorum octavus regnavit ann. 38. Hemon regnavit in Thessalia, a quo dicta est Hemonia.

Hercules fertur primus Antheum superasse luctae certamine. Xanthus triopa Lesbum condidit.

( An. 2400.)

30 annus Moysi

Sparatus rex Assyriorum 16u s regnavit annis 40.-- Marathius rex Sycioniorum 13u s regnavit annis 30.

A tricesimo quinto anno Moysi regnum coepit Atheniensium, ubi primum regnavit Cecrops, qui et Difies, ann. 50. Difies autem dictus est sive ob longitudinem corporis, sive quia, cum esset Aegyptius, utramque linguam sciebat, Aegyptiacam et Grecam. Hic in Acta, quae nunc Attica dicitur, Athenas, quam et Diadas vocant, condidit, quam urbem Euboici Corcomenon appellaverunt. Quae civitas ut vocaretur Athenae, quod certe nomen a Minerva est, quae Grece Athena dicitur, hanc causam Varro narrat. Cum apparuisset illic repente olivae arbor, et alio loco erupissent aquae, regem prodigia ista moverunt. Unde misit ad Appollinem Delphicum super hac re sciscitandum. Qui respondit, quod Neptunum et Minervam significaret, et quod in civium esset potestate, ex cujus duorum numinum nomine potius civitas vocaretur. Hoc oraculo Cecrops accepto, cives omnes utriusque sexus consulendos convocavit. Mos enim tunc in eisdem locis erat, ut etiam feminae publicis consultationibus interessent. Consulta igitur multitudine, mares pro Neptuno, feminae pro Minerva tulere sententias. Sed quia una plus inventa est feminarum, Minerva vicit. Tunc Neptunus iratus, marinis fluctibus exestuantibus terras Atheniensium populatus est, quoniam spargere latius quaslibet aquas daemonibus difficile non est. Cujus ut iracundia placaretur, triplici supplicio ab Atheniensibus affectae sunt mulieres, ut nulla ulterius ferrent suffragia, ut nullus nascentum acciperet nomen maternum, ut ne quis eas Athenas vocaret. Ita illa civitas, mater et nutrix liberalium doctrinarum et tot tantorumque phylosophorum, qua nichil habuit Grecia clarius atque nobilius, ludificantibus daemonibus de lite deorum suorum, maris et feminae, et de victoria per feminas, feminae, id est Minervae, nomen Athenas accepit. Unde et Cecrops Atticos Athenienses appellavit, et ab eo regio Crecopia vocata est. Iste bovem immolans, primus Jovem invocavit, eumque in sacrificio adorari precepit. A quo usque ad primam olimpiadem numerantur reges 17, principes vero quos mors tantum finiebat 12, sub quibus apud Grecos multa miranda narrantur. Tunc enim primum Curetes et Coribantes, qui Gnosum condiderunt, modulatam et consonam in armis saltationem invenerunt. Tunc etiam fuisse in Thessalia diluvium sub Deucalione describitur. Tunc etiam Phetontis fabulosum incendium, tunc templum Apollini Delphis construitur, et multa hujusmodi. A Crecope vero usque ad Trojae captivitatem computantur anni 329. Hebr. Assyr. Sycion. Aegypt. Argiv. Athen. 99 3 3 30 31 100 4 4 31 32 1 101 5 5 32 33 2 102 6 6 33 34 3 103 7 7 34 35 4 104 8 8 35 1 5 105 9 9 36 2 6 106 10 10 37 3 7 107 11 11 38 4 8 108 12 12 1 5 9 109 13 13 2 6 10 115 19 19 8 12 16 116 20 20 9 13 17 117 21 21 10 14 18 118 22 22 11 15 19 119 23 23 12 16 20 120 24 24 1 17 21 127 31 1 1 24 28 128 32 2 2 25 29 129 33 3 3 26 30 137 1 11 11 34 38 144 8 18 18 41 45

Cecrops rex primus Atheniensium regnavit annis 50.

40 annus Moysi. Qui occiso Aegypto fugit in terram Madian.

Triopas rex Argivorum septimus regnavit ann. quadraginta sex.

Acenceres rex Aegyptiorum nonus regnavit ann. duodecim.

Deucalion regnare coepit apud eos qui circa Parnasum morabantur.

Achoris rex Aegyptiorum decimus regnavit ann. septem. Marathus rex Sycion. 14u s regnavit ann. 20.-- Cenchris Aegypt. rex 11u s regnavit annis 18. Diluvium sub Deucalione in Thessalia. Aschatades rex Assyriorum 17u s regnavit ann. 40.

Moyses anno repromissionis 430 populum Israhel, jubente Deo, in signis et virtutibus eduxit de Aegypto, cum esset annorum 80, eisque in heremo per annos 40 legem exponit.

Ab hoc loco usque ad Salomonem et aedificationem templi numerantur anni 478, ad captivitatem vero Trojae 329.