Reader

Juvenis paradigmata rere. Geminus versus ad Sethum:

Monet, sanctorum Patrum exempla, quibus semitam nobis ad pietatem docendo vel agendo fecere, insuper non habere. Παράδειγμα, exemplum. Thucydides: Παράδειγμα τοῖς πολλοῖς τῶν Ἑλλήνων ἀνδραγαθίας νομίζεσθαι. Vocabulum μέσον probro quoque et crimini tributum. Alc. Avitus ad soror. Luxuriae paradigma senilis. Isocrates Parathen.: Τίς ἄν εὑρεῖν ἔχοι παράδειγμα μεῖζον ἀδικίας καὶ συκοφαντίας, καὶ πονηρίας. An paradigmenta sunt parabolae? Nam hae figurae apud rhetores sunt affines, atque adeo confunduntur a Quintiliano et Cicerone, quin Hebraea vox mischlii, quo nomine sententias suas insignivit Salomo, utrumque notat ut idem velit Columbanus, quod in graviori negotio monet Basilius Admonit.: Ne fabulosa arbitreris Dei praecepta, sed in his semper sollicitum sit cor tuum.