Concordia testimoniorum S. Scripturae
Choose a text
id="mobileReaderAuthor" class="mobile-reader-author" href="/authors/gregorius-i540-604" aria-label="More works by Gregorius I">
—
⋯
Original / primary: 8103 Cotessc
3.1
III.
3.1
Ad Rom. IX: Testimonium mihi perhibente conscientia mea in Spiritu sancto, quoniam tristitia est mihi magna, et continuus dolor cordi meo.
3.2
In parabolis Salomonis XII: Non contristabit justum quidquid ei acciderit.
3.3
INTERROGATIO .
3.4
Quid ergo? nunquid Paulus apostolus justus non erat, qui non contristari justum quidquid ei acciderit, noverat, etsi contristari cum justus erat debuerat, ut quid iterando Philippensibus gaudium commendabat, dicens: Gaudete in Domino semper, iterum dico, gaudete? Sed et sanctus Jacobus gaudere in variis tentationibus imperat. Et ipse etiam Paulus in suis tribulationibus gloriatur, et sanctus Matthaeus Evangelista testatur de Domino ac redemptore nostro, dicens: Tunc coepit contristari et moestus esse. Tristis est anima mea usque ad mortem.
3.5
RESPONSIO .
3.6
Sciendum profecto est, aliud esse contristari secundum Deum, aliud secundum saeculum, eodem Paulo dicente, qui ait: Contristari secundum Deum salutem stabilem operatur; saeculi autem tristitia mortem operatur; 563 ista desperabilis, illa laudabilis est; ista repletus Judas[ Iscarioth] Scarioth, laqueo se suspendit; illam se habuisse sanctus Paulus ad Corinthios scripsit, dicens: Si quis contristavit me, non me contristavit, sed ex parte; ac si apertius diceret: Non ego solus zelum Dei habeo, sed me contristatum cum vestra tristitia ex mea parte cerno. Et nisi ista tristitia non vitium sed virtus esset, nequaquam illam Dominus in Evangelio beatificaret, dicens: Beati qui lugent, quoniam ipsi consolabuntur; et seipsum dixit tristem secundum humanitatem, profecto non secundum impassibilem divinitatem