Liber responsalis
Choose a text
id="mobileReaderAuthor" class="mobile-reader-author" href="/authors/gregorius-i540-604" aria-label="More works by Gregorius I">
—
⋯
Original / primary: 8093 Libres
332.1
Responsoria sive Antiphonae de Nativitate sanctae Mariae, ad Vesperas.
332.1
Antiph. Sub tua protectione confugimus, ubi infirmi acceperunt virtutem; et propter hoc tibi psallimus, Dei genitrix Virgo.
332.2
Responsoria unde supra.
332.3
Resp. Hodie nata est beata virgo Maria ex progenie David, per quam salus mundi apparuit, cujus vita gloriosa lucem dedit saeculo. Vers. Beatissimae virginis Mariae nativitatem devotissime celebremus. 822 Resp. Beatissimae virginis Mariae nativitatem devotissime celebremus, ut ipsa pro nobis intercedat ad Dominum Jesum Christum. Vers. Hodie nata est virgo Maria ex progenie David. Resp. Gloriosae virginis Mariae ortum dignissimum recolentes, cujus Dominus humilitatem respiciens, angelo nuntiante, concepit Redemptorem mundi. Vers. Beatissimae virginis Mariae. Resp. Nativitas tua, Dei genitrix Virgo, gaudium annuntiavit universo mundo. Ex te enim ortus est sol justitiae Christus Deus noster. Exsolvens maledictionem, dedit Benedictionem; et confundens mortem, donavit nobis vitam sempiternam.