Liber responsalis
Choose a text
id="mobileReaderAuthor" class="mobile-reader-author" href="/authors/gregorius-i540-604" aria-label="More works by Gregorius I">
—
⋯
Original / primary: 8093 Libres
346.1
Ad Invitatorium.
346.1
Antiph. Regem archangelorum Dominum venite adoremus. Ant. Stetit angelus super aram templi, habens thuribulum aureum in manu sua. Psal. In Domino confido. Ant. Ascendit fumus aromatum in conspectu Domini, de manu angeli. Psal. Domine quis habitabit. Ant. Michael archangelus venit in adjutorium populo Dei. Psal. Afferte. Vers. Stetit angelus.
346.2
Responsoria unde supra.
346.3
Resp. Factum est silentium in coelo, cum committeret bellum draco cum Michael archangelo: et audita est vox millia millium dicentium: Salus, honor et virtus omnipotenti Deo. Vers. Millia millium ministrabant ei, et decies millies centena millia assistebant ei. Resp. Stetit angelus super aram templi, habens thuribulum aureum in manu sua, et data sunt ei incensa multa, et ascendit fumus aromatum in conspectu Domini, de manu angeli. Vers. In conspectu angelorum psallam tibi, adorabo ad templum sanctum tuum, et confitebor nomini tuo. Et ascendit. Resp. In conspectu angelorum nolite metuere; vos enim in cordibus vestris adorate et timete Dominum; angelus enim ejus vobiscum est. Vers. Stetit angelus juxta aram templi, habens thuribulum aureum in manu sua. Resp. In conspectu angelorum psallam tibi, et adorabo ad templum sanctum tuum, et confitebor nomini tuo. Vers. Angelus qui fuit cum Jacob, ipse sit mecum in terra perigrinationis meae. Et benedixit vias meas Deus meus. Et adorabo.