Reader

In Evangelio.

Antiph. Factum est silentium in coelo, dum draco committeret bellum, et Michael pugnavit cum eo, et fecit victoriam, allel. Ant. Michael, Gabriel, cherubim, et seraphim, qui non cessant clamare quotidie: Dignus es, Domine, accipere gloriam, alleluia. Ant. Angeli et omnes virtutes, laudate Dominum. Ant. Hic est praepositus paradisi archangelus Michael. Non dimittit animas, donec assignet eas ante tribunal Christi.

Antiph. Justus ut palma florebit. Praesulis summi ac doctoris egregii.

827 Doctor eximius Atrebatum, Vedastus, sacris praeconiis celebretur; ut quos in carne verbis, exemplis instruxit, sedulus pro eis ad Dominum intercedat. Ne lupus insidians oves Christi incursare praesumat. Vers. Ut quos spiritali studio informavit, monitis ac miraculis animavit. Sedulus. Resp. Hic est Vedastus Aulescorum sensibus[ Forte Aulercorum sentibus] ortus, quem fama celebrior verbum praedicaturum Ludovico regi socium itineris ascivit. Vers. Quatenus per singulos itineris sui gressus saluberrimis ab eo imbueretur doctrinis. Quem fama. Resp. Vedastus igitur festinantem ad vitae fontem deducebat regem. Remigius pontifex venientem abluebat. Vers. Ambo pene pari pietate pares, sed Vedastus monita salutis dabat. Remigius. Resp. Dum ergo iter caperet cum rege sacer Vedastus, nec mortale sonans coelestia pertractaret, et occurrenti caeco lumen restituit, et cor principis in fide solidavit. Vers. Sensit itaque vir Dei virtutem sibi adesse supernam, et totum se in sacras effudit preces. Et occurrenti. Resp. Qui de rupe arida sitienti populo fontem aquae vivae produxit, ipse per beatum Vedastum de sicco vase vinum manare concessit, ac suos poculo mirabili satiavit. Vers. Cum pocula vitae vir Domini cuidam propinaret amico, qui in Cana Galileae aquas convertit in vinum.[ Ipse per beatum] praedicator egregius vir Domini Vedastus urbi Atrebatum destinatus, in ipsa urbis porta duos a clade relevavit aegrotos; nam, et claudo gressum, et caeco lumen reddidit oculorum. Vers. Antequam verbis plueret, miraculis coruscaret, qui caducis carebat, munera est superna largitus. Nam et claudo. Resp. Mos ubi quondam fuerat ferarum, ibi pontifex summus beatus Vedastus chorum fecit resonare psallentium. Nam et ursi specum in aulam vertit sacrorum. Vers. Ut sicut mores bestiales in usu mutavit agnorum, ita ex foedis et turpibus pulchra reddidit et honesta. Nam et ursi. Resp. Invitatus ad prandium sanctus Dei sacerdos, Christi exemplum secutus, assensum praebere non abnuit, ut verbum vitae convivarum cordibus artium[ Forte altius] infunderet, et daemonum commenta fugaret. Vers. Extenta namque dextera crucis signum vasis impressit, fugans larvam ex liquore fuso, miraculo coruscavit. Et Verbum. Resp. O beatum virum Vedastum pontificem, cujus exitum columna lucis edocuit, ut verus Israel ab Aegypti aerumnis ad promissa regna percepturus praemia festinaret. Vers. Vita est igitur spatio duarum horarum columna lucis a domo pontificis usque ad coelum fastigium eminere. Ut verus.