Reader

In secundo nocturno.

Confido in Domino, quod filia mea precibus tuis reddenda sit sanitati. Psal. Cum invocarem. 834 Ant. Tetradius, cognita Dei virtute, ad baptismi gratiam pervenit. Psal. Verba mea. Ant. O ineffabilem virum, per quem nobis tanta miracula coruscant. Psal. Domine, Dominus noster. Vers. Gloria et honore.

Responsoria unde supra.

Resp. Oculis ac manibus in coelum semper intentus, invictum ab Oratione spiritum non relaxabat. Vers. O virum ineffabilem, nec labore victum nec morte vincendum, qui nec mori timuit, nec vivere recusavit. Invictum. Vers. Dum sacramenta offerret beatus Martinus, globus igneus apparuit super caput ejus. Spiritum. Resp. Dum sacramenta offerret beatus Martinus, globus igneus apparuit super caput ejus. Vers. Orante sancto Martino, apparuit ei angelus Domini. Vers. Oculis ac manibus, ut supra. Resp. Beatus Martinus obitum suum longe ante praescivit, dixitque fratribus dissolutionem sui corporis imminere, quia judicabat se jam resolvi. Vers. Dixerunt discipuli. Vers. Viribus corporis coepit repente destitui, convocatisque discipulis in unum, dixit. Dissolutionem. Resp. Dixerunt discipuli ad beatum Martinum: Cur nos, Pater, deseris, aut cui nos desolatos relinquis? Invadent enim gregem tuum lupi rapaces. Vers. Domine, si adhuc populo tuo. Vers. Scimus quidem desiderare te Christum, sed salva tibi sunt tua praemia, nec dilata minuentur; nostri potius miserere quos deseris. Invadent.