Reader

In tertio nocturno.

Antiph. Dominus Jesus Christus non se inquit purpuratum, nec diademate renitentem se venturum esse praedixit. Psal. In Domino confido. Ant. Sacerdos Dei, Martine, pastor egregie, ora pro nobis Dominum. Psal. Domine, quis. Ant. Sacerdos Dei Martine, aperti sunt tibi coeli, et regnum Patris mei. Psal. Domine, in virtute tua. Justum deduxit Dominus. Vers. Posuisti, Domine.

Responsoria unde supra.

Resp. O beatum virum, in cujus transitu sanctorum canit numerus, angelorum exsultat chorus, omniumque coelestium virtutum occurrit psallentium exercitus. Vers. Ecclesia Domini virtutum roboratur, sacerdotes revelatione glorificant, quem Michael assumpsit cum angelis. Virtutum. Resp. Martinus Abrahae sinu laetus excipitur. Martinus hic pauper et modicus, coelum dives ingreditur; Hymnis coelestibus honoratur. Vers. Oculis ac manibus, ut supra. Vers. Martinus episcopus migravit a saeculo, vivit in Christo gemma sacerdotum. Hymnis. Resp. Ora pro nobis, beate Martine, ut digni efficiamur promissione Christi. Vers. Tu autem, confessor sancte, beate Martine, ora pro nobis Dominum. Ut digni. Vers. Dum sacramenta, ut supra. Ut digni. Resp. O quantus erat luctus omnium, quanta praecipue moerentium lamenta monachorum! quia et pium est gaudere Martino, et pium est flere Martinum. Vers. Beati viri corpus usque ad locum sepulcri, hymnis canora coelestibus turba prosequitur. Quia. Vers. Tanta erat de sancti illius meritis exsultatio, quam pia de morte confusio. Ignosceris[ ignosce] flentibus, gratulare gaudentibus. Quia. Resp. Cum videret beatus Martinus discipulos suos flentes, motus his fletibus, conversus ad Dominum, dixit: Domine, si adhuc populo tuo sum necessarius, non recuso laborem.[ Caetera desunt in Ms.]