Reader

Antiphonae et Responsoria in vigilia sancti Andreae apostoli, ad Vesperas.

Vers. In omnem terram. Ant. Venite post me, dicit Dominus, faciam vos fieri piscatores hominum.

Responsoria unde supra.

Resp. Dum perambularet Dominus supra mare, secus littus Galileae, vidit Petrum et Andream retia mittentes in mare, et vocavit eos dicens: Venite post me, faciam vos piscatores hominum. Vers. Exaudi, Deus, deprecationem meam, intende Orationi meae. A finibus terrae. Vocavit. Resp. Venite post me, faciam vos piscatores hominum. At illi, relictis retibus et navi, secuti sunt Dominum. Vers. Dum perambularet Dominus supra mare secus littus Galileae, vidit duos fratres Petrum et Andream, et vocavit eos. At illi. Resp. Mox ut vocem Domini praedicantis audivit beatus Andreas, relictis retibus, quorum usu actuque vivebat, aeternae vitae secutus est largitorem. Vers. Ad unius jussionis vocem Petrus et Andreas, relictis retibus, secuti sunt Redemptorem. Praemia. Resp. Oravit sanctus Andreas, dum respiceret coelum; voce magna clamavit, et dixit: Tu es Deus meus quem vidi, ne me patiaris ab impio judice deponi, quia virtutem sanctae crucis agnovi. Vers. Tu es magister meus, Christe, quem dilexi, quem cognovi, quem confessus sum; tantummodo in ista voce exaudi me. Ne me permittas. Resp. Homo Dei ducebatur ut crucifigerent eum. Populus autem clamabat voce magna, dicens: Innocens ejus sanguis sine causa damnatur. Vers. Filii alieni mentiti sunt mihi, filii alieni inveteraverunt et claudicaverunt a semitis suis, vivit Dominus. Innocens. Resp. O bona crux, quae decorem et pulchritudinem de membris Domini suscepisti. Accipe me ab hominibus, et redde me magistro meo, ut per te me recipiat, qui per te me redemit. Vers. Salve, crux, quae in corpore Christi dedicata es, et ex membris ejus tanquam margaritis ornata. Resp. Doctor bonus et amicus Dei Andreas ducitur ad crucem, aspiciens a longe vidit crucem: Salve, crux, suscipe discipulum ejus, qui pependit in te, magister meus Christus. Vers. Salve, crux, ut supra. Qui pependit. Resp. Expandi manus meas tota die in cruce, ad populum non credentem, sed contradicentem mihi, qui ambulat vias non bonas, sed post peccata sua. Vers. Deus ultionum Dominus, Deus ultionum libere egit. Exaltare qui judicas terram, redde retributionem superbis. Resp. Vir iste in populo suo mitissimus apparuit, sanctitate autem et gratia plenus. Iste est qui assidue orat pro populo, et pro civitate ista. Vers. Pro eo ut me diligerent, detrahebant mihi; ego autem orabam. Pro populo. Resp. Dilexit Andream Dominus in odorem suavitatis. Dum penderet in cruce, dignum sibi computavit martyrem, quem vocavit apostolum, dum esset in mari, et ideo amicus Dei appellatus est. Vers. Tu es magister meus, Christe, ut supra. Et ideo. Resp. Beatus Andreas de cruce clamabat, dicens: Domine, Jesu Christe, non jubeas me deponi de ista cruce, nisi prius accipias spiritum meum. Vers. Domine, exaudi Orationem meam, et clamor meus ad te veniat. 837 Resp. Beatus Andreas vidit crucem. Exclamavit ad eam: Suscipe discipulum ejus, qui pependit in te, quem vidi, quem amavi, quem secutus sum mundo corde; quapropter laetus pergo ad te, quia secretum agnovi, qua de causa fixa es. Vers. Vidit crucem Andreas, exclamavit et dixit: Suscipe, beata crux, humilem propter Dominum, suscipe discipulum ejus. Qui pependit. Resp. Cum videret beatus Andreas crucem, exclamavit et dixit: Salve, crux, quandiu fatigaris, exspectans me sicut exspectasti Dominum et magistrum meum. Vers. Suscipe, beata crux, humilem propter Dominum; suscipe discipulum ejus, qui pependit in te. Resp. Salve, crux, quae in corpore Christi dedicata es, et ex membris ejus tanquam margaritis ornata es, suscipe discipulum ejus qui pependit in te. Vers. Quoniam tu es protector, ut supra. Vers. Salve, crux pretiosa, suscipe discipulum ejus, qui pependit in te magister meus Christus. Suscipe. Resp. Dum penderet beatus Andreas in cruce, non cessavit praedicare verbum Dei die ac nocte. Et populus irruebat ad impium judicem dicentes: Solve hominem justum, dimitte hominem innocentem. Vers. Ut et nos mereamur patria, et omnis patria habet pacem, missus sum praedicare in omnibus ut cognoscar[ Forte cognoscant] recti corde secreta crucis Domini mei. Vers. Videns crucem Andreas, exclamavit dicens: O crux admirabilis! o crux quae per totum mundum fulgida es, suscipe discipulum Christi, non me dimittas errare sicut ovem non habentem pastorem. Vers. Vivens pendebat in cruce pro Christi nomine beatus Andreas, et docebat populum. Vers. Salve, crux, ut supra. Non me dimittas.