Liber responsalis
Choose a text
id="mobileReaderAuthor" class="mobile-reader-author" href="/authors/gregorius-i540-604" aria-label="More works by Gregorius I">
—
⋯
Original / primary: 8093 Libres
43.1
In secundo nocturno.
43.1
Antiph. Suscepimus, Deus, misericordiam tuam in medio templi tui. Psalm. Magnus Dominus. Ant. Orietur in diebus Domini abundantia pacis, et dominabitur. Psal. Deus, judicium tuum Regi da. Ant. Veritas de terra orta est, et justitia de coelo prospexit. Psal. Benedixisti, Domine. Vers. Diffusa est gratia.
43.2
Resp. unde supra.
43.3
Resp. Quem vidistis, Pastores, dicite? Annuntiate nobis in terris quis apparuit? Natum vidimus in choro angelorum Salvatorem Dominum. Vers. Natus est nobis hodie Salvator, qui est Christus Dominus in civitate David. Natum. Resp. O magnum mysterium, et admirabile sacramentum, ut animalia viderent Dominum natum jacentem in praesepio! Beata Virgo, cujus viscera meruerunt portare Christum Dominum. Vers. Domine, audivi auditum tuum et timui; consideravi opera tua, et expavi in medio duorum animalium. Jacentem. Resp. Beata Dei genitrix Maria, cujus viscera intacta permanent. Hodie genuit Salvatorem saeculi. Vers. Ave, Maria, gratia plena, Dominus tecum. Hodie.