Reader

Antiphonae de Hymno trium puerorum.

Antiph. Tres in fornace ignis deambulabant, et collaudabant Dominum regem, canentes ex uno ore Hymnum dicebant: Benedictus es Deus, alleluia. Ant. Video virum similem Filio Dei confortantem pueros in camino ignis, alleluia. Ant. Tres ex uno ore canebant regi magno: Gloria in excelsis Deo, allel. Ant. Tres ex uno ore clamabant in camino ignis, et psallebant: Benedictus Deus. Ant. Laudemus viros gloriosos, qui vicerunt regna mundi, alleluia. Ant. Tres video viros ambulantes per medium ignis, et aspectus quarti similitudo est Filii Dei, alleluia. Ant. Hymnum dicamus, 857 alleluia, Domino Deo nostro, alleluia. Ant. Benedictus es, Domine, qui intueris abyssos, et sedes super cherubim, allel. Ant. Benedictus Dominus Sidrac, Misac, et Abdenago, qui eruit servos suos de camino ignis ardentis, allel. Ant. Ambulabant in camino ignis pueri tres, et in medio eorum Filius Dei, et Hymnum Deo dicebant, allel. Ant. Sidrac, Misac et Abdenago, quasi ex uno ore Hymnum canebant Regi magno, allel. Ant. In camino ignis pueri tres uno ore collaudabant Deum, allel. Ant. Ambulabant in camino ignis pueri tres, et inter illos Deus erat Rex; et dicebant: Deum Regem habemus. Ant. Non cessabant ministri regis succendentes flammam, ut sanctos Dei pueros comburerent. De coelo venit tanquam spiritus roris flantis; refrigerium praestabat sanctis. Ant. Tres pueri in camino Trinitatem figurantes, et ignis minas conculcantes, haec laudantes cantabant: Benedictus es, deus Patrum nostrorum, alleluia. Ant. Tres pueri jussu regis in caminum missi sunt, non timentes flammam ignis, dicebant: Benedictus Deus. Ant. Anania, Azaria, Misael, Dominum benedicite in aeternum. Ant. Sidrac, Misac, Abdenago, magni servi Dei excelsi. Ant. Hymnum dicite, et superexaltate eum in saecula, et benedicite. Ant. Laudate, et superexaltate Dominum in saecula, et benedicite. Ant. Benedictus es in firmamento coeli, et laudabilis et gloriosus et superexaltatus in omnia saecula. Ant. In camino ignis ardentis pueri tres, et in medio eorum Deus erat Rex. Una voce dicebant: Benedictus es, Deus. Ant. Est Deus in coelis cujus[ cui] nos servimus. Potens est eripere nos de camino ignis, et de manibus tuis, o rex, liberare nos.