Reader

OTTONIS ET ALIORUM CONTINUATIONES.

? Hi sunt viri misericordie, quorum justitie oblivionem non acceperunt; cum semine eorum permanent bona hereditas sancta nepotes eorum. S. a. 13. 1125º 3. Non. Sept. ob.. S. a. 13. 1112º 8. Id. Jan. ob.. Nobilis Uolricus post hos virtutis amicus. S. a. 23. 1099º 15. Kal. Dec. ob. In viciis tardus fuerat vivens Eberhardus. Ulrico cura fuerat disponere jura. Quando vivebat Gebehart, in jure vigebat. S. a. 24. 1149º 16. Kal. Apr. ob. Non virtutis egens Burchardus erat bene degens. S. a. 4. 1153º Burchardus episcopatum resignavit. Counrado tota lex juris erat bene nota. S. a. 18. 1171º Id. Jan. ob.

Post hos dux gentis Egelolf fuit Aureatensis.

S. a. 11. 1182º Egelolfus electus propter amissionem loquele episcopatum non ordinatus sponte in Kal. Oct. resignavit.

Otto sue vite deducit tempora rite(+ 1195).

Hertwicus vitam duxit virtute politam(+ 1223).

Hinc fuit electus Fridericus in ordine rectus.

Heinricus paucis bona fecit multa sub annis(+ 1229).

Vix fuit Heinrico similis virtutis amico(+ 1237).

Heinricus siquidem patri successit eidem(+ 1246).

Est hunc non modicus in jure sequens Fridericus(+ 1259).

Heinricus morum flos, labe carens viciorum.

Est Engelhardus rectis celer, ad mala tardus(+ 1261).

Cunctis Hiltbrandus gratus fuit et venerandus(+ 1279).

Fol. 12* manus s. XII, ex. haec scripsit calamo continuo:

Anno milleno centeno cominus uno Jerusalem Franci capiunt virtute potenti.

1105º anno incarnationis Domini Heinricus, rex filius imperatoris Heinrici, contra patrem suum in regnum surrexit.

Heinricus quartus imperator obiit.

Heinricus post mortem patris regnavit 19 annis.

Heinricus rex magnam expeditionem in Italyam fecit et Pascalem papam Rome cepit.

Terre motus factus est per universam terram.

Heinricus imperator obiit. Lotharius in regnum eligitur.

Lotharius rex profectus est in Ytaliam.

Eclypsis solis facta est 4. Non. Aug. hora 9.

Lotharius imperator obiit.

Cuonradus rex eligitur.

Cuonradus et Ludewicus reges Jerusalem pergunt.

Cuonradus rex Jerosolimam reversus est.

Cuonradus rex obiit, et Fridericus ei successit.

Fridericus rex imperator ordinatur.

Fridericus imperator Medyolanum subegit.

Funditus delevit.

Eadem in fol. 13 pergit.

1098º anno incarnationis Domini Uodaricus Eistetentis episcopus obiit. Cui succedens Eberhardus episcopus 1112º obiit. Cui succedens Uodalricus tempore Heinrici regis, qui post patrem regnavit, 1125º obiit. Cui succedens Gebehardus eo anno quo Heinricus imperator mortuus est, 1148º obiit. Cui succedens Burkardus episcopus tempore Cunradi regis, 1153º obiit. Cui succedens Cuonradus episcopus tempore Friderici regis, 1171º obiit. Cui succedens Egelolfus electus, 1183 propter amisionem loquelae et manus dextere debilitatem episcopium inutilis sponte resignavit. Cui eodem anno Otto episcopus succedens, 1196º obiit.

Konradus de Kastel, statim pergit:

Cui eodem anno Hertwicus comes de Sulzpah et major prepositus succedens tempore Philippi regis, 1224º obiit, tempore Friderici regis et imperatoris, qui inperator anno Domini 1250 obiit; natus vero ejus rex Cunradus 1254 obiit. Episcopo vero Hertwico mortuo, cui eodem anno Fridericus episcopus succedens. Cui successit eodem anno episcopus Heinricus de Zeuppelingen( 1234). Illo vero mortuo, cui successit Heinricus episcopus dictus de Tisschingen. Eo vero mortuo cui successit Heinricus episcopus dictus de Rabenspurc. Hi vero quattuor episcopi post mortem Hertwici episcopi prenotati vixerunt episcopi temporibus Friderici inperatoris et Heinrici ejus nati 13 annis. Quibus vero episcopis successit Fridericus episcopus dictus de Parspere( 1237), tempore etiam Friderici imperatoris et Cunradi regis ejus nati, qui supernotati sunt. 1246º idem Fridericus episcopus obiit. Cui successit Heinricus episcopus dictus de Wirtenberc, quem domnus papa Innocencius et Philippus ejus legatus in Alemannia tempore cismatis ecclesie Eistetensi propter discordiam que creverat inter fratres, prefecit. In cujus temporibus, ut supra dictum est, Fridericus inperator et Cunradus ejus natus mortui sunt. Eo episcopo etiam vivente comes Willehelmus de Hollandia, post destitucionem Friderici quondam inperatoris prenotati per domnum Innocencium papam quartum, et post mortem Heinrici lancravii Thuringe, qui post latam sentenciam apud Lugedunum contra prenominatum Fridericum in regem Romanorum electus erat, illo mortuo Romana ecclesia eundem Willehelmum eidem Heinrico substituit in rengno, 1248º anno, vivente tamen Cunrado filio Friderici, qui etiam tunc vixit, qui pro rege se jessit. Qui Willehelmus rex contra Frisones magnum habens exercitum, anno Domini 1255º occisus est, 10. Kal. Dec.

Idem Konradus fol. 122', et per Kalendarium haec inseruit:

A. D. 1015, tempore Gundekari I, episcopi Eistetensis, divisio ejusdem sedis in terminis est facta, que extenditur donec ad proximam ripam que nuncupatur Pagancia, et non ultra. Hec ordinacio et divisio est facta aput Franchenvurt, presente inperatore Heinrico et multis principibus, in curia solemni, ad instanciam Eberhardi episcopi Babenbergensis primi, et inperatore procurante, in supsidium eorum nove plantacioni Babenberc, quo termini ex alia parte fluminis spectare dinoscantur.

Anno ab inc. D. 754, sanctus Bonifacius martirium recepit. Anno ab i. D. 781, sanctus Williwaldus mortuus est. Anno ab i. D. 989, de terra in medio cripte elevatus est, ubi requieverat 208 annis, et ibidem sarcoffogatus erat, ubi requievit 267 annis usque ad hec tempora. Alexandro papa regnante, anno ab i. D. 1256, 4 Idus Junii, sanctus Williwaldus de cripta translatus est. Eodem etiam anno 3, Id. Oct. beatus Williwaldus in monasterio sarcoffogatus est. Eodem vero anno Dominus Deus magnam gratiam ostendit ibidem omni populo in honorem et laudem beati Willibaldi, singnis multis et magnis faciendo. Acta sunt hec post mortem sancti Williwaldi annis 400 peractis 75º anno. Anno vero 76º plura fecit singna. Quidam curvus effectus est sanus de Augusto. Eodem anno puer aput Rushoven submersus, per ejus intercessionem ad Dominum Deum revixit.

16. Kal. Febr. comes Gebehardus obiit, qui dedit Winposscungen.

Non. April. anno 1170, sanctus Tomas episcopus Canturiensis occisus est a rege Francie.

Id. Apr. Bruno prepositus major obiit, qui construxit hospitale ad Scotos.

Kal. Jul. Leo papa septimus obiit, qui sanctum Williwaldum canonizavit tunc episcopo Megengozo procurante.

Kal. Jul. Sivridus decanus obiit, qui procuravit tapeta in monasterio.

Kal. Sept. Leo papa octavus obiit.

Non. Oct. dedicatio ecclesie Kastellensis

Kal. Dec. rex Willehelmus dictus de Hollandia occisus est.

Id. Dec. Fridericus imperator obiit 1251º anno.

Aliae manus coaevae per Kalendarium haec habent:

7. Kal. Apr. Hiltbrandus de Mern episcopus Eystetensis obiit 1279. qui procuravit erigi chorum novum beati Willibaldi, et constituit ibidem duos sacerdotes.

6. Kal. Sept. Reinboto episcopus Eystetensis obiit, dictus de Meilnhart, qui comparavit duo castra Werdenvels et Abenberh cum eorum attinentiis. Item instituit haberi plenum officium diebus sabbati de beata Virgine.

4. Non. Mart. obiit Gebhardus comes. 16. Kal. Jun. obiit domnus Conradus episcopus Eystadensis, dictus de Peffenhausen.

6. Id. Febr. obiit domnus Marquardus de Hagel episcopus Eystetensis.

19. Kal. Febr. obiit domnus Hainricus dictus Malso, qui legavit 400 libras Hallensium pro constructione novi chori.

8. Kal. Febr. tonitrua et choruscationes apparebant in conversione sancti Pauli, et postea in eadem ebdomada pluries apparebant. Et eodem anno circa antumpnum incepit regnare magna pestilencia in Eystett.

16. Kal. Jul. eclipsis solis in crastino sancti Viti.

Prima Januarii obiit dominus Johannes de Aych episcopus Eystetensis.

8. Id. Jan. natus est pater mei Mauricii episcopi, Bernhardus de Hutten.

9. Kal. Mart. obiit pater meus, Bernardus de Hutten, anno 39.

11. Kal. Mart. obiit mater mei Mauricii C episcopi a. 1544, Gertrudis de Weyers.