Hieronymus Stridonensis340-420
De situ et nominibus locorum Hebraicorum
Hebr 31.4
Choose a text
More by Hieronymus Stridonensis
—
7154 Desietn
31.1
DE NUMERIS ET DEUTERONOMIO.
31.1
Ebrona, in deserto castra filiorum Israel.
31.2
Emath, quam transierunt exploratores, qui ab Jesu missi sunt.
31.3
Erma, ubi pars populi caesa est Israelis ab Amalec et Chananaeo, quem in Deuteronomio Amorrhaeum Scriptura vocat.
31.4
Esebon, civitas Seon regis Amorrhaeorum in terra Galaad: quae cum fuisset ante Moabitarum, ab Amorrhaeis belli jure possessa est. Meminit hujus Jeremias, Isaias quoque in visione contra Moab. Porro nunc vocatur Esbus, urbs insignis Arabiae, in montibus qui sunt contra Jericho, viginti a Jordane millibus distans. Fuit autem in tribu Ruben separata Levitis.
31.5
Edrai, ubi interfectus est Og rex Basan, gigas et potens, omnisque illius caesus exercitus. Nunc autem est Adra insignis Arabiae civitas in vicesimo quarto lapide a Bostra.
31.6
Eleale, civitas Amorrhaeorum in Galaad, quae cecidit in sortem tribus Ruben. 203 Meminit hujus et Isaias in visione contra Moab, et Jeremias: sed et usque hodie villa grandis ostenditur in primo ab Esbus milliario.
31.7
Euna, quae est juxta desertum Cades.
31.8
Ermon, mons Ermon, quem Phoenices cognominant Sanior: jam et supra positus.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).