Liber Deuteronomii
Choose a text
id="mobileReaderAuthor" class="mobile-reader-author" href="/authors/hieronymus-stridonensis340-420" aria-label="More works by Hieronymus Stridonensis">
—
⋯
Original / primary: 7198 Libdeu
3.1
CAPITULA LIBRI ELLE ADDABARIM QUI GRAECE DICITUR DEUTERONOMIUM.
3.1
Verba quae locutus est Moyses omni Israel quadragesimo anno in eremo post occisionem Seon et Og regum, per omnia quae praecepit illi Deus in Horeb.
3.2
Dixit Moyses ad populum in tempore illo, Non potero solus sufferre vos, et ordinavi vobis viros sapientes, qui praeessent vobis.
3.3
Tollentes se de Horeb, ambulaverunt per omnem eremum.
3.4
Accessistis ad me, et dixistis: Mittamus viros ante nos, et feci secundum hoc verbum.
3.5
Et noluistis ascendere, neque credidistis verbo Domini.
3.6
Et dixi vobis, Dominus Deus praecedet vos, et non credidistis.
3.7
Murmurastis et exacerbatus est Dominus, et juravit non intraturos vos in terram illam bonam, nisi Chaleb et filios ejus.
3.8
Et mihi iratus est Dominus causa vestri dicens: Nec tu intrabis ibi, sed Jesus filius Nave intrabit ibi, et filii eorum, quos dixerunt captivos futuros.
3.9
Et contra mandatum ascendistis in montem, et exivit Amorrhaeus, et persecutus est vos.
3.10
Similiter decurrit per singula, et dinumerat universa magnalia Dei, et virtutes quibus praeibat eos Deus, et quomodo aluit eos in deserto per quadraginta annos, et quae fecit Deus duobus regibus Seon et Og.
3.11
Et precatus sum Dominum in tempore illo, et despexit me causa vestri.
3.12
Hic iterum astringit ne discedant a mandatis.
3.13
Videte ne faciatis vobis sculptile, similitudinem omnis hominis, aut pecoris, aut alicujus rei, quae sunt super terram, aut in coelo, aut in mari.
3.14
Dominus iratus est mihi propter vos, et non intrabo vobiscum, sed morior in hac terra. Attendite ne obliviscamini testamentum Domini Dei vestri: quoniam si exacerbaveritis Deum, testor vobis hodie coelum et terram, quia peribitis de terra illa.
3.15
Interrogate si a quo creavit Deus hominem, auditum est hoc, si est gens sub coelo cui locutus sit Dominus de medio ignis.
3.16
Tunc disposuit Moyses civitates ad refugium homicidarum.
3.17
Haec est lex, quam locutus est Moyses convocans ad se omnem Israel.
3.18
Haec verba locutus est Dominus ad omnem synagogam Israel, et dixistis mihi ut audirem a Deo, et locutus essem vobis, et nunc facite quaecumque praecepit vobis Dominus, non declinantes ad dextram, neque ad sinistram.
3.19
Audi, Israel, Dominus Deus noster Deus unus est, et diliges Dominum Deum tuum ex toto corde tuo, et ex tota virtute tua.
3.20
Dominum Deum tuum timebis, et illi soli servies.
3.21
Non ibitis post deos alienos, ne eradicemini.
3.22
Non tentabis Dominum Deum tuum, sed facies quae praecepit tibi, et filio tuo dices quemadmodum eduxerit te Dominus de Aegypto.
3.23
Quod si introduxerit te Dominus in terram, quam possessurus es, disperdes omnes gentes ipsas, et aras earum, et titulos et sculptilia combures igni.
3.24
Si observaveritis praecepta et justitias istas, servabit et vobis Dominus testamentum, quod juravit patribus vestris, et benedicet vos, et expellet omnem languorem a vobis.
3.25
Non parces gentibus, quas Dominus subjiciet tibi, nec dices, Magna gens haec, quomodo potero adversus eam? et non concupisces aurum vel argentum de sculptilibus eorum, sed anathematizabis ea.
3.26
Omnia mandata quae trado vobis hodie, observabitis, ut vivatis, et in mente habete omnia quae experti estis in desertis, et esuristis et dedit vobis Dominus manna: ut sciretis quia non in pane tantum vivit homo, sed in omni verbo Dei.
3.27
Attende tibi, ne obliviscaris beneficia Domini Dei tui.
3.28
Non dicas in corde tuo, virtus mea fecit haec omnia.
3.29
Audi, Israel, tu transies hodie Jordanem, et possidebis gentes magnas, et civitates munitas, et scies quia Dominus Deus tuus praecedet te.
3.30
Non dicas in corde tuo, propter justitias meas introduxit me Dominus in terram istam.
3.31
In mente habete quoties exacerbaveritis Dominum in desertis.
3.32
Et in Horeb exacerbastis Dominum, quando fecistis conflatile.
3.33
Et dixit Dominus ad me, sine me, et deleam illos.
3.34
Et descendi de monte, et vidi quia peccastis, et projeci tabulas de manibus meis, et confregi illas.
3.35
Et deprecatus sum Dominum iterum sicut prius, quadraginta diebus, et quadraginta noctibus panem non edi, et aquam non bibi.
3.36
Et in Aaron iratus est valde Dominus pro eo quod fecistis vitulum.
3.37
Et sumpsi, et combussi illum.
3.38
Et in tentatione exacerbastis Dominum.
3.39
Et quando misit vos Dominus a Cades- Barne.
3.40
Et precatus sum ante Dominum quadraginta diebus, et quadraginta noctibus.
3.41
In illo tempore dixit mihi Dominus: Praecide tibi duas tabulas lapideas sicut priores, et ascende ad me in montem.
3.42
Et feci arcam et ascendi in montem.
3.43
Et descendi, et misi tabulas in arcam.
3.44
In illo tempore separavit Dominus tribum Levi, ut portarent arcam.
3.45
Et nunc, Israel, quid Dominus postulat a te aliud, quam ut timeas Dominum Deum tuum, et diligas eum, et servias ei?
3.46
Dominum Deum tuum timebis, et illi soli servies.
3.47
Cum septuaginta animabus descenderunt patres tui in Aegyptum, et fecit te Deus sicut stellas coeli in multitudinem.
3.48
Et amabis Dominum, et scies quomodo te eduxit Dominus de Aegypto, et quae fecerit Dathan et Abiron filiis Eliab.
3.49
Quod si audieritis praecepta illius, dabit pluviam terrae vestrae, et satietatem in agris vestris.
3.50
Et si obaudieritis omne praeceptum istud, ejiciet Dominus omnes gentes a facie vestra.
3.51
Ecce do vobis hodie benedictionem et maledictionem.
3.52
Ista praecepta sunt et judicia, quae observabitis.
3.53
Non facietis voluntatem vestram.
3.54
In loco quem elegerit Dominus, offeretis omnia quae ego mando vobis.
3.55
Omnes primitias tuas in conspectu Domini tui manducabis.
3.56
Attendite ne manducetis sanguinem.
3.57
Custodi, et fac omnia verba, quae ego mando tibi.
3.58
Omne verbum quod ego mando tibi, custodi et fac, et prophetam qui dixerit tibi: Eamus et serviamus diis, non audies.
3.59
Post Dominum Deum vestrum ibitis, et ipsum timebitis.
3.60
Si autem frater tuus, aut filius, aut conjux, aut amicus dixerit tibi: Eamus, serviamus diis, non parces ei, sed deferes eum, et lapidabitur.
3.61
Si autem audieris in una ex civitatibus tuis esse homines peccatores, qui recedere fecerunt omnes inhabitantes in ea, et si vere factum est, interficies omnes.
3.62
Non facietis decalvationem super mortuum.
3.63
Haec pecora, quae manducabitis.
3.64
Haec manducabitis ab his, quae sunt in aquis.
3.65
Omnem avem mundam manducabitis.
3.66
Decimas agri tui offeres in loco, quem elegerit Dominus.
3.67
Cum autem longe fuerit a te, vendes ea et illic redimes.
3.68
Post septem annos facies remissionem.
3.69
Si audieris vocem Domini Dei tui, princeps eris gentium multarum.
3.70
Si factus fuerit in te egens de fratribus tuis.
3.71
Si emeris puerum Hebraeum, sex annos serviet tibi.
3.72
Omne primitivum sanctificabis Domino.
3.73
Custodi mensem novorum, et facies pascha Domino Deo tuo.
3.74
Judices et scribas constitues, ut judicent juste.
3.75
Non plantabis tibi lucum.
3.76
Si inventus fuerit in te serviens diis, in duobus vel tribus testibus morietur.
3.77
Si latuerit te verbum, vade ad sacerdotem.
3.78
Qui non audierit sacerdotem, moriatur.
3.79
Alienigenam non facies principem super te.
3.80
Hoc judicium sacerdotum.
3.81
Non invenietur in te lustrans filium suum aut filiam.
3.82
Prophetam suscitabo eis ex fratribus eorum.
3.83
Propheta si locutus fuerit verbum, et non contigerit, interficiatur.
3.84
Hoc praeceptum homicidae.
3.85
Non transferes terminos quos posuerant patres tui.
3.86
Non accipies testimonium unius adversus hominem.
3.87
Anima pro anima, oculum pro oculo, dentem pro dente.
3.88
Si exieris ad bellum, noli timere.
3.89
Si accesseris expugnare civitatem.
3.90
Si obsederis civitatem.
3.91
Si inventus fuerit vulneratus in terra.
3.92
Si tradiderit tibi Deus inimicos tuos.
3.93
Si fuerint homini duae uxores, dilecta, et odibilis.
3.94
Si fuerit alicui filius inobediens.
3.95
Si fuerit in aliquo peccatum ad mortem.
3.96
Si videris animal fratris tui errans, vel cadens.
3.97
Non induet mulier vestem viritem.
3.98
Si inveneris nidum avium.
3.99
Si domum novam aedificaveris.
3.100
Non arabis in vitulo et asino.
3.101
Si quis acceperit uxorem, et oderit eam.
3.102
Si inventus fuerit adulter cum adultera.
3.103
Si dormierit aliquis cum puella desponsata.
3.104
Si in campo invenerit quis puellam desponsatam, et vim fecerit ei.
3.105
Si invenerit quis puellam virginem, et dormierit cum ea.
3.106
Non accipiet homo uxorem patris sui.
3.107
Non intrabit abscisus in Ecclesiam Domini.
3.108
Non intrabit fornicaria, nec Ammanites et Moabites in Ecclesiam Domini.
3.109
Non abominabis Idumaeum, neque Aegyptium.
3.110
Si fuerit homo immundus, exibit extra castra.
3.111
Non trades servum domino suo.
3.112
Non erit Israelites fornicaria.
3.113
Non inferes mercedem fornicariae.
3.114
Non exiges a fratre tuo usuram.
3.115
Si voveris votum Domino, non tardes reddere illud.
3.116
Si intraveris in vineam proximi tui.
3.117
Si intraveris in segetem proximi tui.
3.118
Si quis acceperit uxorem, et invenerit in ea rem turpem.
3.119
Si quis acceperit uxorem in recenti, non exiet ad bellum.
3.120
Non pignorabis molam.
3.121
Si captus fuerit fur.
3.122
In mente habe quae fecerit Dominus Mariae.
3.123
Debitorem non pignorabis per vim.
3.124
In pignore pauperis non dormies, et mercedem laboranti ne tarde reddideris.
3.125
Non morientur patres pro filiis.
3.126
Non declinabis judicium advenae, et orphani, et viduae.
3.127
Non pignorabis viduam.
3.128
Si secaveris segetem.
3.129
Si collegeris olivam.
3.130
Si vindemiabis vineam.
3.131
Si judicaveris impium, dabis ei quadraginta flagella.
3.132
Non infraenabis bovem triturantem.
3.133
Si mortuus fuerit quis habens uxorem sine filiis, accipiet eam frater ejus.
3.134
Si noluerit homo accipere uxorem fratris sui.
3.135
Si rixaverint duo homines in se.
3.136
Non erit tibi pondus iniquum, et mensurae duplices.
3.137
In mente habe quanta tibi fecerit Amalec.
3.138
Cum introieritis in terram, quam Dominus Deus dabit vobis.
3.139
Et dixit Moyses ad populum, tacete, et audite.
3.140
Hi stabunt benedicere plebem, et hi maledicere.
3.141
Maledictus omnis qui fecerit haec.
3.142
Si custodieritis praecepta Domini, venient super vos benedictiones istae.
3.143
Si non audieritis, venient in vos maledictiones istae.
3.144
Vocavit Moyses omnes filios Israel, et dixit ad eos: Scitis quanta fecerit Dominus Pharaoni propter vos.
3.145
Quae sunt absconsa Deo, quae autem palam nobis.
3.146
Prope est verbum in ore tuo, et in corde tuo.
3.147
Ecce dedi ante oculos tuos vitam et mortem.
3.148
Et consummavit Moses omnia verba ista.
3.149
Et vocavit Moyses Jesum, et dixit ei: Viriliter age, et convalesce.
3.150
Dixit Dominus ad Mosen: Tu dormies cum patribus tuis, et fornicabitur plebs haec post deos alienos.
3.151
Scripsit Moyses canticum hoc.
3.152
Dixit Dominus ad Moysen: Ascende in montem Abarim, et morere ibi.
3.153
Benedixit Moyses homo Dei filios Israel.
3.154
Mortuus est Moyses in terra Moab.
3.155
Et non fuit propheta in Israel sicut fuit Moyses.