Honorius Augustodunensis-1158
De imagine mundi
Mund 10.54
Choose a text
More by Honorius Augustodunensis
—
10981 Deimmu
10.1
[QUARTA AETAS]
10.1
Regnum Jerusalem vel Juda.
10.2
Quarta aetate decimus quartus ab Abraham rex David regnavit in Jerusalem quadraginta annos.
10.3
Hoc tempore claruit Homerus, et Carthago ondita.
10.4
Nathan et Gad prophetae.
10.5
Salomon, filius David, regnat quadraginta annos.
10.6
Hic fecit primum templum in Jerusalem.
10.7
Roboam, filius Salomonis, regnat annos septemdecim.
10.8
Hujus tempore regnum Israel oritur.
10.9
Smyrna conditur ab Amazonibus.
10.10
Abia regnat tres annos.
10.11
Samus conditur.
10.12
Asa regnat annos quadraginta unum.
10.13
Josaphat regnat annos viginti quinque.
10.14
Elias propheta claret.
10.15
Hoc tempore non pluit tribus annis.
10.16
Hic primus mortuum suscitavit.
10.17
Joram regnavit annos octo.
10.18
Elisaeus propheta claret.
10.19
Elias translatus.
10.20
Azarias regnavit unum annum.
10.21
Athalia mater ejus regnat annos septem.
10.22
Joas filius Azariae regnat annos quadraginta.
10.23
Zacharias Joiadae filius lapidatur.
10.24
Amazias regnat annos viginti novem.
10.25
Ozias regnat annos quinquaginta duos.
10.26
Isaias, Oseas, Joel, Amos, Abdias, Jonas, Michaeas prophetae clarent.
10.27
Hujus tempore sibylla sexta claret.
10.28
Regnum Assyriorum in Medos transfertur, quod stetit per annos trecentos quinquaginta quinque.
10.29
Regnum Macedonum oritur.
10.30
Joatham regnat annos sedecim.
10.31
Hujus tempore olympias instituitur a Graecis, apud Aelidem civitatem.
10.32
Achaz regnat annos sedecim.
10.33
Roma conditur.
10.34
Regnum Romanum oritur.
10.35
Israel transfertur.
10.36
Ezechias regnat annos viginti octo.
10.37
Romulus senatum constituit, et annum.
10.38
Manasses regnat annos quinquaginta quinque.
10.39
Numa duo menses adjicit. A servis occiditur.
10.40
Amon regnat duos annos.
10.41
Arion citharista claret.
10.42
Josias regnat annos triginta unum; a rege Aegypti occiditur.
10.43
Hujus tempore Ninive destruitur a rege Cyaxare, quae stetit a Nino annis mille quadringentis et septuaginta.
10.44
Sibylla Samia claret, et Jeremias propheta.
10.45
Joachaz filius Josiae regnat menses tres.
10.46
Eliachim filius Josiae regnat annos undecim.
10.47
Jechonias, qui et Joachim, filius Joachim, regnat menses tres.
10.48
Sedecias filius Josiae, regnat annos undecim. Hoc tempore destructa est Jerosolyma a Babyloniis. Post hunc defecit regnum Juda quod jam stetit per annos quingentos quadraginta novem.
10.49
Haec quarta mundi aetas a David usque ad transmigrationem Babylonicam continet juxta Hebraeorum veritatem annos quadringentos septuaginta quinque juxta septuaginta Translatores duodecim, amplius generationes quatuordecim. Ab initio mundi quater mille sexcenti decem.
10.50
Regnum Israel.
10.51
Hac aetate regnavit in Israel Jeroboam annos viginti duos.
10.52
Hunc vicit Abia rex, et obiit.
10.53
Nabath filius ejus regnat annos duos.
10.54
Hunc occidit Baasa.
10.55
Baasa regnavit viginti duos annos. Morbo interiit.
10.56
Sela filius ejus regnat duos annos.
10.57
Hunc occidit Zamri servus ejus.
10.58
Zamri regnavit septem dies.
10.59
Hunc occidit Amri, princeps militiae.
10.60
Amri regnavit duodecim annos in Samaria. Hic morbo periit.
10.61
Achab filius ejus regnavit annos duos. Hic cecidit per cancellos, et obiit.
10.62
Joram frater Ochoziae regnavit annos duodecim.
10.63
Hunc occidit Jehu servus Achab.
10.64
Jehu regnavit annos viginti octo. Morbo interiit.
10.65
Joachaz filius ejus regnavit annos septemdecim. Morbo periit.
10.66
Joas filius ejus regnavit annos similiter septemdecim.
10.67
Jeroboam filius istius regnavit annos quadraginta unum.
10.68
Zacharias filius hujus regnavit menses sex. Hunc occidit Sellum.
10.69
Sellum regnavit mensem unum.
10.70
Hunc occidit Manahen.
10.71
Manahen regnavit annos decem. Morbo obiit.
10.72
Phaceia filius ejus regnavit annos duos.
10.73
Hunc occidit Phaceia dux ejus.
10.74
Phaceia regnavit annos viginti.
10.75
Hunc occidit Osee.
10.76
Osee regnavit annos novem.
10.77
Hunc Salmanasser rex cum omni populo transtulit in Assyrios, et sic defecit regnum Israel, quod stetit per annos trecentos quinquaginta.
10.78
In hac captivitate fuit Tobias.
10.79
Regnum Macedonum sub Ozia.
10.80
In Macedonia regnavit primum Karanus annos viginti octo.
10.81
Cui successit Perdiccas.
10.82
Huic Alexander.
10.83
Deinde Archelaus filius Perdiccae.
10.84
Illi Amyntas.
10.85
Huic Philippus.
10.86
Illi( sub Dario) Alexander Magnus.
10.87
Huic Philippus frater Alexandri.
10.88
Illi Cassander.
10.89
Stetitque regnum Graecorum per annos septingentos usque ad tempora Ptolomaei Philometoris, et tunc defecit.
10.90
Regnum Albanorum sub Samsone.
10.91
Apud Albam regnavit Aeneas annos tres.
10.92
Hic Lavinium condidit, et fulmine periit, sub Eli.
10.93
Ascanius, qui et Julius, filius Aeneae, a quo gens Julia.
10.94
Sylvius Posthumus frater Ascanii regnavit annos triginta novem. Ab hoc omnes reges Albae Sylvii dicti sunt.
10.95
Aeneas Sylvius regnavit annos triginta unum, sub David.
10.96
Latinus Sylvius regnavit annos quinquaginta.
10.97
Alba filius regnavit annos triginta novem. Ab hoc Albani reges.
10.98
Aegyptus, vel Epyrus, vel Atis Sylvius, regnavit annos viginti quatuor, sub Aza.
10.99
Capys Sylvius regnavit viginti octo annos. Hic Capuam condidit.
10.100
Carpentus Sylvius regnavit annos tredecim.
10.101
Tiberinus Sylvus regnavit annos novem.
10.102
Ab hoc Tiberis fluvius dicitur, quia in eo est exstinctus, qui antea Albula est dictus.
10.103
Agrippa Sylvius regnavit annos quadraginta.
10.104
Aremulus Sylvius regnavit annos novemdecim. Hic fulmine interiit.
10.105
Aventinus Sylvius regnavit annos triginta septem. Ab hoc Aventinus mons dicitur.
10.106
Procas Sylvius regnavit annos viginti tres, sub Ozia.
10.107
Amulius Sylvius regnavit annos quadraginta tres. Hujus frater erat Numitor; ejus filia Rhea, Rhemum et Romulum genuit, qui occiso Amulio Numitorem in regnum statuit. Sub quo defecit regnum Albanorum, quod jam stetit per annos quadringentos quinquaginta.
10.108
Regnum Romanorum.
10.109
Romulus condidit Romam, et primus regnavit annos triginta septem.
10.110
Hic fulmine interiit.
10.111
Numa Pompilius regnavit annos quadraginta unum.
10.112
Hic invenit necromantiam, et primus sacra instituit. Morbo periit.
10.113
Tullus Hostilius regnavit annos triginta duos. Hic etiam fulmine interiit sub Josia.
10.114
Ancus Martius viginti tres annos regnat. Hic Ostiam condidit. Morbo periit.
10.115
Tarquinius Priscus regnavit annos triginta septem. Hic circum et ludos Romae instituit. Hunc filius Anci occidit.
10.116
Servilius Tullus regnavit annos triginta quatuor. Hic a Tarquinio occiditur, sub Cyro.
10.117
Tarquinius Superbus regnavit annos viginti quinque. Hic regno expellitur, et consules creantur; fueruntque reges per annos ducentos quadraginta tres.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).