Honorius Augustodunensis-1158
De imagine mundi
Mund 9.58
Choose a text
More by Honorius Augustodunensis
—
10981 Deimmu
9.1
TERTIA AETAS.
9.1
Abraham duodecimus a Noe.
9.2
Abraham vixit centum septuaginta annos.
9.3
Huic primo repromissus est Christus, et huic primitus data est circumcisio. Hic invenit Hebraeas litteras. Hic etiam docuit Chaldaeos astronomiam, Aegyptios geometriam.
9.4
Hujus tempore quinque civitates, Sodoma et Gomorrha cum aliis submersae sunt.
9.5
Isaac vixit centum viginti annos.
9.6
Hujus tempore ortum est regnum Argivorum.
9.7
Jacob vixit annos centum quadraginta septem.
9.8
Hujus tempore fuit diluvium novem mensium in Achaia, sub Ogygio rege Thebanorum, in quo Cerambus volasse fertur.
9.9
Hoc tempore claruit Minerva in Africa.
9.10
Tempore Jacob mortuus est Sem, qui Melchisedec.
9.11
Sexcentesimo secundo anno Memphis in Aegypto conditur.
9.12
Joseph vixit centum et decem annos.
9.13
Hoc tempore fuit fames septem annis.
9.14
Caath filius Levi, fratris Joseph vixit centum triginta tres annos.
9.15
Amram filius ejus vixit centum triginta septem annos.
9.16
Horum tempore oppressi filii Israel in Aegypto. Et Cecrops Athenas condidit.
9.17
Moyses filius hujus vixit centum viginti annos.
9.18
Hujus tempore percussa est Aegyptus decem plagis.
9.19
Hic eduxit filios Israel de Aegypto, et hic primus legem populo conscripsit.
9.20
Hujus tempore exstitit diluvium sub Deucalione in Thessalia.
9.21
Tempore etiam Moysis Lacedaemon urbs condita a Cecrope, et templum Delphicum.
9.22
Tempora judicum.
9.23
Josue, qui et Jesus, vixit annos centum et decem.
9.24
Hujus tempore exsiccatus est Jordanis populo Dei, et sol stetit spatio duorum dierum.
9.25
Caleb successit Josue, qui in morte Josue erat centum annorum.
9.26
Hujus tempore fictae sunt fabulae.
9.27
Hoc tempore claruit Orpheus in musica in Lesbo.
9.28
Hoc tempore etiam fuit Saturnus et Jupiter, sicut Solinus et Varro scribunt.
9.29
Prima sibylla Persica claruit.
9.30
Othoniel filius Caleb judicavit populum quadraginta annis.
9.31
Hujus tempore condidit Catherinus Thebas. Aioth judicavit Israel octoginta annos.
9.32
Primum bellum civile.
9.33
Hujus tempore fuit bellum inter populum Israel et Benjamin, propter uxorem Levitae apud Gabaam constupratam, et a Israel quidem occisa sunt quadraginta millia, de Benjamin triginta quinque et centum viri.
9.34
Troja construitur.
9.35
Amphion musicus claruit.
9.36
Sangar Judaicum populum regit annos decem. Hoc tempore ortum est regnum Laurentium.
9.37
Barach cum Debora judicat Israel quadraginta annos
9.38
Hujus tempore fuit secunda sibylla Libyca.
9.39
Picus rex in Italia.
9.40
Gedeon judicat Israel quadraginta annos. Hujus tempore erat Hercules.
9.41
Orpheus musicus claret.
9.42
Abimelech filius Gedeonis regnat super filios Israel tribus annis.
9.43
Hoc tempore exstitit Theseus.
9.44
Thola judicat Israel annos viginti tres. Hujus tempore fuit tertia sibylla Delphica.
9.45
Priamus in Troja
9.46
Jair judicat Israel duos et viginti annos.
9.47
Hoc tempore fuit bellum Thebanum.
9.48
Carmentis nympha.
9.49
Jephte judicat Israel sex annos.
9.50
Hujus tempore erant Amazones et Theseus
9.51
Abessan judicat Israel septem annos.
9.52
Hoc tempore Booz sumpsit Ruth.
9.53
Hoc etiam tempore claruit sibylla quarta, Erythraea vel Babylonica.
9.54
Achialon judicat Israel decem annos.
9.55
Hujus tempore obsessa est Troja.
9.56
Labdon judicat Israel octo annos.
9.57
Hujus tempore capta est Troja.
9.58
Ex parte Graecorum occisa sunt octingenta septuaginta septem millia.
9.59
Ex parte Trojanorum sexcenta octoginta sex millia.
9.60
Aeneas in Italia pugnavit cum Turno.
9.61
Samson non videns judicavit viginti annos. Hoc tempore regnum Albanorum ortum est.
9.62
Ascanius Albaniam condidit.
9.63
Eli sacerdos judicat Israel quadraginta annos.
9.64
Hoc tempore claruit quinta sibylla Cumaea, ad quam venit Aeneas.
9.65
Samuel judicat Israel duodecim annos. Hujus tempore Orestes et Pilades fuerunt; Lacedaemonum regnum tunc oritur.
9.66
Saul primus rex Hebraeorum regnat viginti annos, sive, ut Actus apostolorum testantur, quadraginta.
9.67
Hujus tempore occidit David Goliam gigantem.
9.68
Haec tertia mundi aetas continet generationes ab Abraham usque ad David juxta utramque auctoritatem, quatuordecim, annos vero nongentos quadraginta.
9.69
A diluvio usque ad David sunt bis mille centum septemdecim anni.
9.70
Ab initio mundi usque ad David bis mille centum viginti quatuor.
9.71
Regnum Idumaeorum.
9.72
Tertia aetate primus rex Idumaeorum erat Balaac filius Beor.
9.73
Post quem regnavit Jobab, qui et Job.
9.74
Deinde Husan.
9.75
Exin alii quinque reges.
9.76
Deinde duces.
9.77
Job autem erat quintus ab Abraham.
9.78
Abraham genuit Isaac.
9.79
Isaac genuit Esau, qui et Edom, a quo Idumaei Esau genuit Zara.
9.80
Is genuit Job sub Moyse.
9.81
Cujus Balaac filius Sefer erat rex Moab et Madiam conduxit ariolum Balaam, qui et Eliu in libro Job legitur.
9.82
Job octoginta novem annorum tentatus est. Post plagam, rex factus, vixit centum quadraginta annis.
9.83
Regnum Argivorum.
9.84
Apud Argos primus sub Isaac regnavit Inachus quinquaginta annos.
9.85
Cujus filia Io a Graecia navigans in Aethiopiam, veniens in Aegyptum, ibi litteras reperit, docuit leges. Juste imperavit, unde Isis dea dicta. Ejus maritus Osiris sub Jacob.
9.86
Phoroneus successit Inacho.
9.87
Huic Apis, qui et Epaphus, qui postea in Aegypto regnans Serapis dictus est.
9.88
Post hunc regnavit Argus sub Joseph, a quo civitas Argos, et a quo Argivi.
9.89
Deinde Honoreus, qui primus boves ad aratrum junxit.
9.90
Huic successit Eriasus.
9.91
Illi Phorbalus sub Moyse.
9.92
Illi Tophas.
9.93
Huic Jasius, frater Dardani.
9.94
Illi Stelenus.
9.95
Huic Danaus, sub Adar, qui habuit quinquaginta filias. Frater ejus Aegystus totidem filios, qui omnes praeter unum a filiabus sunt interfecti.
9.96
Ab hoc Aegysto Aegyptus est dicta.
9.97
Post Danaum regnavit Abas.
9.98
Huic successit filius Acrisius.
9.99
Illi Euristeus.
9.100
Illi Euchippus.
9.101
At illi Adrassus( sub Jepthe) per quem Theseus Argos destruxit, et sic regnum Argivorum defecit.
9.102
Tertia quoque aetate sub Moyse Prometheus, rex Caucasi, primus docuit philosophiam in Oriente. Atlas frater ejus rex Africae docuit astrologiam. Hesperus, eorum frater regnavit in Italia, et Hesperiam vocavit.
9.103
Regnum Atheniensium.
9.104
Sub Moyse Cecrops, qui primus ibi regnavit. Athenas condidit, Aegyptum subjugavit, cum Pharao submersus est in mari Rubro.
9.105
Post hunc regnavit Menander.
9.106
Deinde, sub Caleb, Amphitryon, pater Herculis. Exin, sub Othoniele, Erictonius, inventor currus.
9.107
Post hunc Pandion, pater Prognes et Philomenae.
9.108
Deinde Aegeus.
9.109
Exin Theseus.
9.110
Post hunc Demophoon.
9.111
Post illum Mnesteus.
9.112
Dein Melanto.
9.113
Exin Codrus, sub Samuele, qui se pro populo hostibus tradidit.
9.114
Post hunc magistratus populo praefuit.
9.115
Regnum Amazonum.
9.116
Hac aetate Amazones in Asia regnaverunt.
9.117
Inprimis Marpesia et Lampeto, quae Ephesum condiderunt.
9.118
Deinde Synope.
9.119
Exin( sub Thola) Antiopa, et Hippolite.
9.120
Post hanc Oretria.
9.121
Post illam Pentesilea.
9.122
Hanc occidit Pyrrhus apud Trojam.
9.123
Regnum Trojanorum sub Otthoniel.
9.124
Hac etiam aetate Dardanus in Phrygia regnavit.
9.125
Huic sucessit filius Erictonius sub Aioth.
9.126
Huic filius Trous, a quo Troja.
9.127
Ipsi filius, Ilus: a quo Ilium.
9.128
Ei vero filius Laomedon.
9.129
Illi filius successit( sub Jepthe) Priamus pater Hectoris et Paridis.
9.130
Tunc Graeci destruxerunt regnum Phrygiorum, quod stetit octingentos duos annos.
9.131
Regnum Thebanorum.
9.132
Thebas Cadmus condidit, qui primus ibi regnavit, et Graecas litteras reperit.
9.133
Huic successit Pentheus.
9.134
Illi( sub Gedeone) Laus.
9.135
Huic Oedypus.
9.136
Illi Etheocles, et Polynices.
9.137
Illi l. illis] Creon.
9.138
Post hunc[ sub Jephte] Theseus, qui Thebas destruxit.
9.139
In Creta sub Josue regnavit Saturnus.
9.140
Post hunc Jupiter.
9.141
Deinde( sub Aiot) Minos
9.142
Exin Idomenus, qui cum aliis Trojam obsedit, sub Aiot.
9.143
Liber in India, sub Barach.
9.144
Perseus regnavit in Persida qui occidit Liberum.
9.145
Regnum Mycaenorum.
9.146
Apud Mycenas regnavit Tantalus.
9.147
Dein filius ejus Pelops.
9.148
Exin filius hujus Atreus.
9.149
Post hunc, sub Jephte, filii Agamemnon et Menelaus.
9.150
Post hos Orestes, filius Agamemnonis.
9.151
Regnum Italorum sub Moyse. In Italia regnarunt:
9.152
Primus Hesperus, a quo Hesperia.
9.153
Enotrius filius Lycaonis, sub Caleb.
9.154
Dardanus .
9.155
Italus, a quo Italia.
9.156
Sabinus, a quo Sabini.
9.157
Janus Saturnus, a quo Saturnia.
9.158
Latius Picus, qui auguria reperit.
9.159
Faunus .
9.160
Evander, cujus mater Carmentis Latinas litteras reperit, sub Samsone.
9.161
Latinus, unde Latini dicti.
9.162
Post hunc deficit regnum Laurentium.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).