Honorius Augustodunensis-1158
De scriptoribus ecclesiasticis
Eccl 3.20
Choose a text
More by Honorius Augustodunensis
—
10984 Descec3
3.1
LIBELLUS III EX ISIDORO SUBLECTUS. CAP. I
3.1
. Osius, Cordubensis civitatis episcopus scripsit ad sororem suam de laude virginitatis epistolam, pulchro ac diserto comptam eloquio. In Sardicensi etiam concilio quamplurimas ipse edidit sententias. Hic in senectute a Constantio perterritus, Arianae impietati consensit. Qui cum contra Gregorium Eliberitanum episcopum, residens fastu quasi regalis imperii, sententiam conaretur exprimere, os vertit, distorquens pariter et cervicem, ac de sessu in terram eliditur, atque illico exspiravit.
3.2
LIBELLUS III EX ISIDORO SUBLECTUS. CAP. II.
3.2
Idatius, Hispaniarum episcopus, cognomento et eloquio Clarus, scripsit adversus Priscilliani dogma, et maleficiorum ejus artes, librum. Hic cum Ursacio episcopo, ob necem ejusdem Ursacii, cujus accusatores exstiterant, Ecclesiae communione privatus, exsilio condemnatur.
3.3
LIBELLUS III EX ISIDORO SUBLECTUS. CAP. III.
3.3
Siricius, Romanae urbis episcopus, scripsit decretalia opuscula.
3.4
LIBELLUS III EX ISIDORO SUBLECTUS. CAP. IV.
3.4
Paulinus presbyter edidit libellum De benedictionibus Patriarcharum, triplici intelligentia. Hic scripsit Vitam Ambrosii, petente Augustino.
3.5
LIBELLUS III EX ISIDORO SUBLECTUS. CAP. V.
3.5
Proba, uxor Adelphi proconsulis, composuit centonem de Christo, Virgilianis coaptatum versibus; qui inter apocryphas scripturas computatur.
3.6
LIBELLUS III EX ISIDORO SUBLECTUS. CAP. VI.
3.6
Joannes Constantinopolitanae sedis episcopus, cognomento Chrysostomus, scripsit multa et praeclara opuscula, et diversos tractatus. Cujus quam plurima eloquentiae fluenta de Graeco in Latinum sermonem translata sunt. Hic Theophili Alexandrini episcopi discordia oppressus, ab Arcadio imp. innocenter damnatus, atque ab episcopatu ejectus, Ponto in exsilium retrusus moritur.
3.7
LIBELLUS III EX ISIDORO SUBLECTUS. CAP. VII
3.7
. Sedulius presbyter edidit tres libros heroico metro compositos: quorum primus signa et virtutes Veteris Testamenti potentissime resonat; reliqui vero gestorum Christi sacramenta vel miracula intonant.
3.8
LIBELLUS III EX ISIDORO SUBLECTUS. CAP. VIII.
3.8
Possidonius, Africae provinciae episcopus stylo prosecutus est Vitam S. Augustini; in qua plusquam quadringentos libros ejus enumerat.
3.9
LIBELLUS III EX ISIDORO SUBLECTUS. CAP. IX.
3.9
Primasius, Africanus episcopus, composuit sermone scholastico De haeresibus libros tres, directos ad Fortunatum episcopum.
3.10.1
LIBELLUS III EX ISIDORO SUBLECTUS. CAP. X.
3.10.1
Proterius, Alexandrinae Ecclesiae antistes, scripsit epistolas ad Leonem Romanae sedis antistitem, de festivitate Paschali.
3.10.2
CAP XI. Paschasinus, Siciliensis episcopus, edidit unam Paschalem epistolam, ad Leonem supradictum papam.
3.11
LIBELLUS III EX ISIDORO SUBLECTUS. CAP. XII.
3.11
Joannes Scotus vel Chrysostomus, in Scripturis insigniter eruditus, scripsit eleganti stylo librum Περὶ φύσεων, id est De natura omnium rerum.
3.12
LIBELLUS III EX ISIDORO SUBLECTUS. CAP. XIII.
3.12
Theodulus, natione Italus, scripsit unam eclogam de Veteri Testamento et fabulis gentilium contextam, in qua veritatem fidei astruxit, perfidiae falsitatem dextruxit.
3.13
LIBELLUS III EX ISIDORO SUBLECTUS. CAP. XIV.
3.13
Julianus, cognomento Pomerius, natione Maurus, in Gallia presbyter ordinatus, scripsit octo libros De animae natura, in dialogi morem: quorum primus continet, quid sit anima, vel qualiter credatur ad imaginem Dei facta. In secundo loquitur, utrum anima corporea sit, an incorporea. In tertio disserit, unde primo homini sit anima facta. In quarto, utrum nova anima sine peccato fiat, ac peccatum primi hominis, ex illo propagata originaliter trahat. In quinto describit, quae sit facultas animae. In sexto loquitur, unde sit ea discordia, qua carni spiritus, vel caro spiritui adversatur. In septimo autem scribit de differentia vitarum ac mortium, vel resurrectione carnis et animae, sive de morte carnis, ac de ejus resurrectione. In octavo loquitur de his quae in fine mundi futura sunt: vel de quaestionibus quae solent de resurrectione proponi, sive de finibus bonorum atque malorum. Condidit etiam unum libellum De virginibus instituendis, alios quoque tres prognosticos De futurae vitae contemplatione, vel actuali conversatione: necnon etiam De vitiis atque virtutibus.
3.14
LIBELLUS III EX ISIDORO SUBLECTUS. CAP. XV.
3.14
Eugippius abbas composuit Vitam sancti Severini monachi, et Regulam monachis.
3.15
LIBELLUS III EX ISIDORO SUBLECTUS. CAP. XVI.
3.15
Fulgentius Afer, Ecclesiae Ruspensis episcopus, in confessione fidei clarus, in Scripturis copiosissime eruditus, loquendo quoque dulcis, in docendo ac disserendo subtilis, scripsit multa, ex quibus haec sunt: De gratia Dei et libero arbitrio; libri responsionum septem contra haereticos; et unus liber De sancta Trinitate; et liber Regulae verae fidei; et alius De sacramento Incarnationis Christi; et duo libri De veritate praedestinationis; liber De quaestionibus; liber altercationis, plurimi tractatus et sermones. Sub Anastasio claruit.
3.16
LIBELLUS III EX ISIDORO SUBLECTUS. CAP. XVII
3.16
. Eucherius episcopus, elegans sententiis, ornatus in verbis, edidit unum opusculum De laude eremi, dulci sermone dictatum.
3.17
LIBELLUS III EX ISIDORO SUBLECTUS. CAP. XVIII.
3.17
Hilarius, Arelatensis episcopus, scripsit Vitam praedecessoris sui Honorii episcopi, suavi ac praeclaro eloquio.
3.18
LIBELLUS III EX ISIDORO SUBLECTUS. CAP. XIX.
3.18
Aprigius, Pacensis Ecclesiae Hispaniarum episcopus, diserta lingua et scientia eruditus, exposuit Apocalypsim Joannis apostoli, subtili sensu atque illustri sermone, melius plane quam veteres ecclesiastici viri exposuerunt. Scripsit et nonnulla alia.
3.19
LIBELLUS III EX ISIDORO SUBLECTUS. CAP. XX.
3.19
Justinianus imperator, quosdam libros De Incarnatione Domini edidit, quos etiam per diversas provincias misit. Condidit et rescriptum contra Illyricianam synodum.
3.20
LIBELLUS III EX ISIDORO SUBLECTUS. CAP. XXI.
3.20
Cassiodorus, ex senatoribus Ravennae praefectus, arte philosophus, professione monachus, transtulit de Graeco Tripartitam Historiam; exposuit magnifiee Psalterium, et multa alia scripsit.
3.21
LIBELLUS III EX ISIDORO SUBLECTUS. CAP. XXII.
3.21
Boetius, patricius vel consul, scripsit librum De sancta Trinitate, et alium De consolatione; et Quadrivium de Graeco transtulit, id est, arithmeticam, musicam, geometriam, astronomiam; dialecticam vero explanavit. A Theoderico Gothorum rege Mediolani interficitur.
3.22
LIBELLUS III EX ISIDORO SUBLECTUS. CAP. XXIII.
3.22
Facundus, Hermianensis Ecclesiae episcopus, duodecim libros De professione catholicae Ecclesiae edidit.
3.23
LIBELLUS III EX ISIDORO SUBLECTUS. CAP. XXIV.
3.23
Justinianus, Valentinae Ecclesiae episcopus, ex quatuor fratribus et episcopis, eadem matre progenitis unus, scripsit librum Responsionum ad quemdam Rusticum, de interrogatis quaestionibus: quarum prima responsio est de Spiritu sancto; secunda contra Bonosianos, qui Christum Filium adoptivum et non proprium dicunt; tertia de baptismo Christi, quod iterare non licet, quarta de distinctione baptismi Joannis et Christi; quinta, quod Filius sicut Pater invisibilis sit.
3.24
LIBELLUS III EX ISIDORO SUBLECTUS. CAP. XXV.
3.24
Justus, Urgelitanae Ecclesiae episcopus, et frater praedicti Justiniani, edidit libellum expositionis in Cantica canticorum. Hujus quoque fratres Nebridius et Elpidius quaedam scripserunt.
3.25
LIBELLUS III EX ISIDORO SUBLECTUS. CAP. XXVI.
3.25
Martinus, Dumiensis monasterii sanctissimus pontifex, ex Orientis partibus navigans, in Galliam venit, ibique conversis ab Ariana impietate ad fidem catholicam Suevorum populis, regulam fidei et sanae religionis constituit, ecclesias informavit, monasteria condidit, copiosaque praecepta piae institutionis composuit. Librum quoque De differentiis quatuor virtutum, prudentia, fortitudine, justitia et temperantia scripsit; et aliud volumen epistolarum, plenum cultura omnium virtutum
3.26
LIBELLUS III EX ISIDORO SUBLECTUS. CAP. XXVII.
3.26
Avitus episcopus, scientia sanctarum litterarum doctus, edidit quinque libellos heroico metro compositos: quorum primus est de origine mundi; secundus de originali peccato; tertius de sententia Dei; quartus de diluvio mundi; quintus de transitu maris Rubri. Scripsit et ad Fulcinam sororem De laude virginitatis librum unum pulcherrimo carmine compositum, et eleganti epigrammate coaptatum.
3.27
LIBELLUS III EX ISIDORO SUBLECTUS. CAP. XXVIII.
3.27
Dracontius composuit heroicis versibus hexaemeron creationis mundi.
3.28
LIBELLUS III EX ISIDORO SUBLECTUS. CAP. XXIX.
3.28
Victor, Tununensis Africae Ecclesiae episcopus, scripsit a principio mundi usque ad Justini tempora nobilem Historiam.
3.29
LIBELLUS III EX ISIDORO SUBLECTUS. CAP. XXX.
3.29
Benedictus abbas monasterii Casini, scripsit Regulam monachorum, per totum mundum promulgatam; qui[ liber] omnium justorum spiritu plenus scribitur.
3.30
LIBELLUS III EX ISIDORO SUBLECTUS. CAP. XXXI.
3.30
Joannes, Constantinopolis episcopus, natione Cappadox, edidit ad Alexandrum episcopum librum De sacramento baptismatis.
3.31
LIBELLUS III EX ISIDORO SUBLECTUS. CAP. XXXII.
3.31
Gregorius, Romanae urbis episcopus, organum sancti Spiritus, incomparabilis omnibus suis praedecessoribus, multa prae sole praeclara, ac prae obrizo auro pretiosa, scripsit ad supradictum Joannem: Pastoralem curam; ad Leandrum episcopum librum Job triginta et quinque voluminibus largo eloquentiae fonte explicuit; Dialogum de miraculis sanctorum, ad Petrum archidiaconum. Quadraginta oracula Evangeliorum, imo totum textum quatuor Evangeliorum sermocinando, populo exposuisse dicitur et viginti homilias in Ezechielem, et infinitas epistolas, quarum collectio Registrum dicitur. Floruit sub Mauritio.
3.32
LIBELLUS III EX ISIDORO SUBLECTUS. CAP. XXXIII.
3.32
Gregorius, episcopus Turonensis scripsit librum Historiae.
3.33
LIBELLUS III EX ISIDORO SUBLECTUS. CAP. XXXIV.
3.33
Leander, ex monacho Hispalensis Ecclesiae, provinciae Baeticae, episcopus, vir suavis eloquio, ingenio praestans, vita atque doctrina clarus, composuit duos libros adversum haereticorum dogma; et unum ad Florentinam sororem de institutione virginum; et unum contra Arianos; et unum de contemptu mundi; et multas epistolas ad Gregorium papam, et ad alios coepiscopos: et orationes in toto Psalterio, et in sacrificii laudibus multa dulcisone composuit. Floruit sub Phoca.
3.34
LIBELLUS III EX ISIDORO SUBLECTUS. CAP. XXXV
3.34
. Licinianus Carthaginis Spartariae episcopus, in Scripturis doctus, scripsit epistolam De sacramento baptismatis, et alias multas de diversis causis. Claruit sub Mauritio.
3.35
LIBELLUS III EX ISIDORO SUBLECTUS. CAP. XXXVI.
3.35
Severus, Malacitanae sedis antistes, libellum adversus Vincentium episcopum Arianum, et unum De virginitate, qui dicitur Annulus. Sub Mauritio floruit.
3.36
LIBELLUS III EX ISIDORO SUBLECTUS. CAP. XXXVII.
3.36
Joannes, Gerundensis ecclesiae episcopus, natione Gothus, scripsit Regulam monachis et omnibus Deum timentibus necessariam.
3.37
LIBELLUS III EX ISIDORO SUBLECTUS. CAP. XXXVIII.
3.37
Eutropius, Valentinae Ecclesiae episcopus, scripsit epistolam De unctione chrismatis, et aliam De distinctione monachorum.
3.38
LIBELLUS III EX ISIDORO SUBLECTUS. CAP. XXXIX.
3.38
Maximus, Caesaraugustanae civitatis episcopus, multa composuit versu prosaque, et quamdam historiam Gothorum.
3.39
LIBELLUS III EX ISIDORO SUBLECTUS. CAP. XL.
3.39
Isidorus, Hispalensis episcopus, innumera scripsit opuscula, ex quibus haec sunt: libri Etymologiarum viginti duo, liber Glossarum, liber Sententiarum, Synonyma, liber De differentia. Totum Vetus Testamentum dupliciter exposuit, historice et allegorice, et multa alia. Floruit sub Heraclio.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).