Reader

65 ORDO PASCHAE.

( 220) Decima hora noctis pauci clerici induti veniant, et crucifixum cum incenso et thymiamate levantes, antiphonamque Surrexit Dominus de sepulcro[ f., cantantes], loco suo honorifice constituant. Post cunctis campanis sonantibus, januas ecclesiae aperiant, et matutinas incipiant. Matutinale officium duo cantores induti cappis regant. Invitatorium a quatuor clericis cappatis cantetur, quod tres psalmi cum antiphonis subsequantur.( 221) Diaconus dalmaticatus evangelicam lectionem pronuntiet. Alii duo in cappis alias duas lectiones legant.( 222) Unumquodque responsorum a binis clericis indutis cantetur.( 223) Post tertium responsorium officium sepulcri celebretur. Quo peracto, Te Deum laudamus, altari incensato, cantetur, et post unumquodque responsorium incensetur. Post matutinae laudes cum quinque psalmis, et suis antiphonis, et capitulo, et Benedictus, cum trina antiphonae repetitione celebrentur.( 224) Finita oratione cantores benedicant Dominum cum gratiis. Prima, tertia, sexta, nona et completorium, cum psalmis, et graduali, et oratione dicantur.( 225) Post capitulum 66 spargendo aquam benedictam antiphona Vidi aquam dicatur.( 226) Tertia cantata processio per claustrum, et in circuitu ecclesiae fiat, et responsorium, Maria Magdalene, aut aliqua processionalis antiphona diei cantetur, deinde Sedit angelus, ita ut ante crucifixum finiatur, ubi versus cantetur: quo finito, ad chorum, Christus resurgens, canentes redeant, et( 227) officium diei celeberrime compleant. Vespertinale officium ita celebretur. Primum ministri Ecclesiae induantur, et post( 228) cum processione, scilicet cum cruce et incenso, cereis et textu ante crucifixum veniant, et ibi absque Deus in adjutorium,( 229) per Kyrie eleison, vesperas incipiant, et cantato ter Kyrie eleison, et Christe eleison, dum iterum Kyrie eleison incoeperint, ad chorum redeant, et tres ibi psalmos cum antiphona alleluiatica dicant. Post duo clerici graduale canant. Qui vero chorum rexerint Alleluia diei psallant. Dicto versu, Magnificat, cum trina repetitione antiphonae celebretur, et dicta oratione,( 230) Benedicamus Domino ab his qui Alleluia cantarunt dicatur. Post incoepta a cantore alleluiatica antiphona,( 231) psalmum Laudate, pueri, Dominum, cantantes ad fontes pergant: ibi dicto graduali absque versu, pueri 67 Alleluia, Laudate, pueri, canant. Per baptismum enim quem in fonte suscipimus, ad bonum opus quod per responsorium exprimitur, pervenimus: per bonum opus ad gloriam, quae per Alleluia designatur. Versum responsi propter nullam significationem, sed pro vitando fastidio solum vitamus. Per Laudate, pueri, Dominum, quod in eundo ad fontes dicitur, baptismus recolitur. Per In exitu Israel canticum Israeliticae plebis, transitus maris Rubri, quo liberata est de potestate Pharaonis, per quod iterum baptismus figuratur. Per Pharaonem enim diabolus exprimitur, per mare Rubrum baptismus: per baptismum enim de potestate diaboli liberamur.

Hi vero sex dies paschales, in quibus responsorium cum Alleluia canimus, tempus Christianorum designant, in quibus bona opera agimus quibus ad gloriam perveniamus. Per Sabbatum et tempus quod sequitur usque ad Pentecosten, in quo absque responsorio duo Alleluia canimus, regnum Dei, in quo absque ullo tempore duplici gloria, scilicet corporis et animae, glorificabimur; et iterum per sex dies in quibus responsorium cantatur, sex aetates in quibus bona operantur; per septimum et octavum, requies animarum, et regnum 68 Dei, in quibus jam non operabimur, sed laude et gloria perfruemur. Quo finito, dicta oratione, In exitu Israel cum alleluiatica antiphona canentes, ad crucifixum redeant. Ibi iterum Alleluia, Redemptionem misit Dominus, vel Christus resurgens, a duobus clericis cantato, oratio dicatur.( 232) Huic antiphonam Lux perpetua concinentes, et chorum intrantes, officium cum oratione de sanctis, et Benedicamus Domino finiant. Hic ordo per totam hebdomadam usque ad Sabbatum in albis servetur: et in matutinis cantetur Te Deum laudamus: et post Benedictus, ad crucifixum processio fiat, in qua Christus resurgens cantetur: versus ante crucifixum, Dicant nunc Judaei, et oratio de cruce dicatur. Inde, ut in vesperis, antiphonam Lux perpetua canentes, chorum ingrediantur, et cum oratione et Benedicamus officium compleatur. Omnes isti( 233) dies septem in cappis cum laudibus et sequentia, excepta processione missae, uno modo festive celebrentur. Sed in Sabbato in Albis loco gradalis alterum Alleluia cantetur; et in vesperis Deus in adjutorium, et quinque psalmi, capitulum, responsorium, Surrexit Dominus de sepulcro, et hymnus Chorus novae Jerusalem dicatur; et( 234) ad crucifixum post vesperas, non ad 69 fontem fiat processio, in qua de resurrectione cantetur. Completorium ipsa die cum psalmis suis, et hymno, et Nunc dimittis, et( 235) oratione Dominica et symbolo celebretur.( 236) Dies octavus, ut primus celebretur; sed omnes horae diei cum capitulis et versibus ibi pertinentibus, ut per totum annum, dicentur, et in vesperis Deus in adjutorium. Officium diei gradali carebit, sed duo Alleluia habebit. In ipsa die et in omnibus Sabbatis, in vesperis quinque psalmis cantatis,( 237) responsorium, Surrexit Dominus de sepulcro, a duobus cantetur, hymnus Chorus novae sequatur, et sic cantato Magnificat, officium cum Benedicamus Domino compleatur. In aliis Dominicis absque responsorio hymnus Ad coenam dicatur. Eodem modo horae diei omnes ab hac usque ad Pentecosten celebrentur. Completorium cum suis psalmis et hymno Jesu redemptor saeculi, et antiphona alleluiatica ad Nunc dimittis, cantetur. In omnibus Dominicis usque ad Pentecosten( 238) unaquaeque nocturna cum una antiphona alleluiatica dicatur;( 239) sex lectiones de Apocalypsi legantur, et tres de resurrectione. Si autem in his sanctorum Patrum statutis minime resisti aliquibus videtur, propter noctium brevitatem, ad evitandum fastidium, 70 in nocturnis novem tantum psalmos psallere concedimus. Quia octodecim existunt, novem una Dominica, et novem dicantur alia.( 240) Nonum[ deesse videtur, responsorium] ob honorem resurrectionis a duobus clericis cantetur. Quo finito, sacerdos altare incensando, Te Deum laudamus incipiat, et hoc dicto( 241) matutinae laudes cum una antiphona Angelus autem Domini, et capitulo, et hymno Aurora lucis, et Benedictus, et antiphona Et valde mane, et oratione finiantur. Post, ut in hebdomada paschae, processio ad crucifixum fiat. Christus resurgens, cum versu praefato cantetur. Et in vesperis Sabbatorum, et( 242) in Dominicis matutinis, ab ipsa die usque ad Dominicam ante Nativitatem semper fiat processio, in qua ante Pentecosten cantetur de resurrectione, post Pentecosten de cruce. Officium diei( 243) sine tropis, et laudibus, et gradali,( 244) cum duobus Alleluia, et sequentia celebretur. Missa matutinalis sit resurrectionis: cui autem placuerit, Dominicalis; major vero semper resurrectionis. Cantus processionalis sit resurrectionis, et crucis. Post octavam Paschae,( 245) quandiu responsorium Dignus es cantatur, Apocalypsis legatur. Quo finito canonicales epistolae usque ad diem Ascensionis sequantur.( 246) 71 Per dies feriales in nocturna sex psalmos Unum tantum Alleluia cantetur ob jucundam animarum requiem, qua tantum fruuntur ante universalem resurrectionem: in festis duo, ad memoriam, post judicium non tantum animarum, sed aeternae gloriae etiam corporum. Si autem evenerint, ut in alio tempore celebrentur, minora cum tribus, majora cum novem lectionibus. Si autem in Dominicis hujus temporis festivitas evenerit, in crastino celebranda reservetur. Officium generale pro defunctis, ut praediximus, nisi in alicujus depositione aut anniversario non celebretur. Litania major si infra octo dies Paschae evenerit, nullum jejunium, nulla abstinentia, nec aliqua ejus mentio fiat, nisi festiva tantum processio.( 248) Si autem alio tempore evenerit, omnes, exceptis parvulis et infirmis, jejunent; et missa cantata, post sextam cum processione( 249) ad ecclesiam sancti Petri sancti Audoeni pergant, in qua sacerdos cum caeteris ministris sit absque casula indutus. Rogationales antiphonae cantentur: 72 quo dum pervenerint, responsorium aut antiphonam de sancto dicant, et oratione a sacerdote finita, idem Kyrie eleison incipiat, et oratione Dominica ab omnibus cum silentio dicta, preces cum Miserere mei, Deus, subsequantur: qua finita ad ecclesiam, aliquam litaniam cantantes, redeant; et,( 250) nona dicta, comestum pergant.( 251) Simili modo dies Rogationum celebrentur. Si autem in diebus Rogationum sanctorum, quorum officium habetur, festivitas evenerit, post primam missa de eis cantetur.

Inventio sanctae Crucis ita celebretur. Invitatorium et tres ultimae lectiones de cruce dicantur, cum matutinis laudibus.( 252) Sex primae lectiones cum totidem responsoriis de sanctis dicantur, quorum ipsa die festivitas celebratur. Tertia responsoria de istis, et tria de cruce[ f., a] binis clericis cantentur. Officium cum laudibus et sequentia festive celebretur.( 253) Processio ad crucem in vesperis, et matutinis, et missa fiat.

Ascensio Domini ita veneretur.( 254) In vesperis cantor chorum regat; duo clerici cappati responsorium canant, qui cantaverint chorum regant. Hymnus sequatur, Magnificat cum trina antiphonae repetitione 73 finiatur. Oratione dicta, vesperae cum Benedicamus finiantur. Processio ad missam tantum fiat. In matutinis omnes campanae ut in Pascha pulsentur, invitatorium a quatuor clericis cappatis cantetur; hymnus sequatur; novem psalmi cum totidem antiphonis, novem lectiones cum totidem responsoriis celebrentur. Unumquodque responsorium bini clerici canant. Secundo, quinto, octavo, et ad Te Deum laudamus altare incensetur. Matutinae laudes cum hymno, et trina antiphonae repetitione ad Benedictus, cum Benedicamus finiantur.( 255) Post tertiam processio fiat. Postea omnes pro posse ecclesiae ornati officium cum laudibus et sequentia celebrent. Vesperas ut in vigilia agant. Hujus solemnitatis octavus dies non celeberrime, ut Paschae, colitur, sed tantum......[ f. deest ut festum apostoli] celebrabitur: quae non solum octo, sed decem diebus recolitur, ad instar apostolorum, qui post ascensionem Domini semper in coelum mentibus intenti, adventum praestolabantur Spiritus sancti. Siquidem omnibus his octo diebus, Te Deum laudamus, et Gloria in excelsis Deo, et duo Alleluia cantabuntur. Ab Ascensionis die usque ad Dominicam in qua( 256) historia, Deus omnium, cantatur,( 257) Actus apostolorum 74 legantur, deinde libri Regum sequantur.

In vigilia Pentecostes ut in Sabbato Paschae, absque cerei benedictione, et vesperis in missa celebretur.( 258) Octava hora diei populus ad ecclesiam conveniat. Prima lectio Tentavit Deus major legat. Hanc ideo sequitur cantus, quia per fidem, quae[ f. add. prae] caeteris[ f. add. in] Abraham laudatur, sempiterna laetitia acquiritur. Tractus, Cantemus Domino, a duobus clericis cantetur; post sacerdos orationem, Deus, qui in Abrahae famuli, dicat: et secundam lectionem, Audi Israel, aliquis major legat. Tractus Attende coelum, ut primus, cantetur: quem oratio, Deus, qui nobis per prophetarum ora, sequatur. Item legatur Apprehendent septem, tertia lectio: et post tractu, Vinea facta, cantato, dicatur Deus qui nos ad celebrandam praesentem. Finita oratione, quarta vero lectio Nuntiavit Moyses legatur. Tractus Sicut cervus, et oratio postea, Omnipotens sempiterne, Deus, qui hanc solemnitatem, sequatur. Post totum officium ut in Sabbato[ f. sancto] peragatur; sed et Agnus Dei, et communio cantetur, et( 259) pax accipiatur. In vesperis cantor indutus chorum regat, responsorium a duobus clericis cappatis, scilicet Apparuerunt 75 cantetur, et iidem succentores postea habeantur. Psalmi quinque cum una antiphona cantentur, dicto capitulo et hymno Magnificat cum trina antiphonae repetitione cantetur, et oratione sacerdotis, cum Benedicamus, a succentoribus dicto finiantur.( 260) Post vesperas et matutinas ipsa die memoriam resurrectionis peragant ad crucifixum.