Julius Caesar
Gallic War
War 5.21.1
Choose a text
More by Julius Caesar (julius-caesar)
—
Perseus Lat2
5.21.1
5.21.1
Trinobantibus defensis atque ab omni militum iniuria prohibitis Cenimagni, Segontiaci, Ancalites, Bibroci, Cassi legationibus missis sese Caesari dedunt.
5.21.2
5.21.2
Ab his cognoscit non longe ex eo loco oppidum Cassivellauni abesse silvis paludibusque munitum, quo satis magnus hominum pecorisque numerus convenerit.
5.21.3
5.21.3
Oppidum autem Britanni vocant, cum silvas impeditas vallo atque fossa munierunt, quo incursionis hostium vitandae causa convenire consuerunt.
5.21.4
5.21.4
Eo proficiscitur cum legionibus: locum reperit egregie natura atque opere munitum; tamen hunc duabus ex partibus oppugnare contendit.
5.21.5
5.21.5
Hostes paulisper morati militum nostrorum impetum non tulerunt seseque alia ex parte oppidi eiecerunt.
5.21.6
5.21.6
Magnus ibi numerus pecoris repertus, multique in fuga sunt comprehensi atque interfecti.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).