Lactantius
Liber de mortibus persecutorum
Pers 22.1
Choose a text
More by Lactantius (III)
—
Opp Lat1
22.1
Quae igitur in Christianis excruciandis didicerat, consuetudine ipsa in omnes exercebat.
22.2
nulla< poena> penes eum leuis, non insulae, non carceres, non metalla, sed ignis, crux, ferae in illo erant cotidiana et facilia.
22.3
domestici et adminlstratores lancea emendabantur. in causa[ poena] capitis[ et] animaduersio gladii admodum paucis quasi beneficium deferebatur, qui ob merita uetera impetrauerant bonam mortem.
22.4
iam illa< prae> his leuia fuerunt eloquentia extincta, causidici sublati, iure consulti aut relegati aut necati, litterae autem inter malas artes habitae et qui eas nouerant, pro inimicis hostibusque protriti et execrati.
22.5
licentia rerum omnium solutis legibus adsumpta et iudicibus data. iudices militares humanitatis litterarum rudes sine adsessoribus in prouincias immissi.
Variation units
Dual references show Vulgate ↔ LXX loci for each oracle block. Selected-witness order follows the left compare column (or primary version).