Reader

Wigberti dies natalis Venit modo mirabilis, Lucem jam nos illuminans, Quos servet Christus glomerans. Iste confessor Domini, Frater in mente humilis, Quem Christus jam praedixerat, Ut regnum ejus capiat. Hujus oratu credimus Ad astra cuncti pergimus, Si cultum ejus agimus Qui sedet super angelos, Qui sedet super cherubin, Simulque super seraphin, Sidereaque agmina Regit sua potentia. Ipseque nos tartareo Eripiat a tormento, Zabuli et a laqueo Defendat suo labaro. 323 Sancte Wigberte, quaesumus, Ora pro nobis omnibus, Ut lavet nos criminibus Rex angelorum Dominus. O Pastor alme, pro clero Interveni jam devoto. Digna tua oracula Tollunt nostra piacula. Salvator noster, relaxa Et dele nostra crimina Per confessoris inclyta Sancti Wigberti merita. En piis splendent revoluta votis, Annuo nobis veneranda cultu, Festa Wigberti. Populo frequenti Christe faveto. Hic velut clara rutilans lucerna, Indolis primae radios micantes Sparsit in mundo, gradiendo callis Ardua dextri. Utque nil sacri meriti deesset, Subdidit summae pia jussioni Colla, quo Christi crucis et minister Pauper adesset. Ipsa quem tantum Deitas beavit, Quo foret seclo sibi commoranti Forma, sic aeque via lapsitanti Posteritati. 324 Cujus exemplum glomeret in unum Turbam haud parvam sibi servientum Semper ut Christi resonet fideli Pectore laudes. Quam Deus cunctis redimet aerumnis, Cum potens dextram quatitur coruscam, Ultimi donans requiem laboris Visere sese. Patris hoc proles, Pater hoc et ipse Praestet, hoc flatus par utrique sanctus; Unicum nomen Deitatis omni Est quibus aevo.